雖然係廣告，但林雪都瞓身撐香港後生仔，我哋又點可以唔撐？老實講，都拍得唔錯。
撈仔粵語 在 Facebook 的精選貼文
同時也有47部Youtube影片，追蹤數超過80萬的網紅果籽，也在其Youtube影片中提到，｜香港懷舊黑膠｜美亞唱片老闆製作鄧麗君首張唱片 兒子走勻鴨寮街尋找亡父舊作 70年代舊歌放上網免費聽 這是一個「尋找吹牛爸爸的故事」。下月就是父親節，你對你爸的了解多嗎？「印象中嘅爸爸，講得衰其實有啲冇厘正經。」51歲的趙偉彪（Raymond）眼中的爸爸趙明恭是個吹水唔抹嘴的老竇。說自己以前開靚車，...
「撈仔粵語」的推薦目錄：
撈仔粵語 在 陳美濤 Tomato Facebook 的精選貼文
我嘅職業係：代孕媽媽（上）
我有咗BB。
我唔知BB嘅爸爸係邊個，呢種情況並唔罕見。
但我亦唔知BB嘅媽媽係邊個，我只能確定，唔係我。
我係一個代孕媽媽，或者，「媽媽」呢個咁高貴嘅稱呼，唔應該擺落我身上。
我叫阿雯，係一個冇家底冇學歷冇姿色，仲有啲懶嘅女人。
出到嚟城市，我去咗工廠打工。
工廠嘅工作又悶又辛苦，份糧交完租食完飯，就所剩無幾。
我想撈偏門㗎，之前有夜總會請小姐，我都有去應徵。
但未入到門口，就俾保安截住咗。
「你咁嘅樣，做洗廁所嘅阿嬸都影響市容啦。」
後來，有個朋友介紹份好工畀我，只需要做一年，就可以賺到六位數。
「即係幫人生仔？」我有啲猶豫：「但我連做雞都冇人要，人哋真係唔會嫌我醜，影響下一代？」
朋友講咗一大輪，話咩精子卵子都係由客戶提供，所以個仔唔會有我嘅DNA……
我細個冇讀書，佢講嘅嘢我都聽唔明，總之幫人生個仔，就可以賺一大筆錢。
有咗呢筆錢，我就可以享受吓人生，可以做吓小生意，總之唔駛做工廠妹。
我好爽快咁應承咗，簽咗合同，合同嘅條款密密麻麻，我都唔太明白，不過我一個鄉下妹，要錢就冇，要命一條，人哋都冇咩好呃。
去到「準備生仔」嗰日，我特登買咗一條好少布嘅裙，搽咗胭脂，希望嗰個「用咁多錢搵人生仔」嘅客人會睇中我，直接娶埋我做老婆。
但我去到目的地，等待我嘅唔係一個富有嘅男人，而係戴住口罩嘅醫生護士，同一堆冰冷嘅儀器。
我按照佢哋嘅吩咐，瞓上病床。
佢哋幫我打咗一支針，將我嘅下半身麻醉。
我個人仲係清醒嘅，我見到佢哋好似一個個機械人一樣，表情麻木，喺我下身做一啲奇怪嘅動作。
唔知過咗幾耐，醫生話，搞掂啦。
我問：「我有BB啦？」
「冇錯，胚胎已經植入子宮，約番個時間嚟覆診。」
我嘅心情就同我嘅小腹一樣咁麻木，最後我只可以答：「哦。」
但一切嘅困惑同迷茫，都喺收咗第一期嘅人工後，煙消雲散。
從來冇用過智能手機嘅我，買咗一部蘋果手機。
手機裡面有好多嘢睇，有好多娛樂，同沉悶單調嘅現實完全唔同。簡直好似係另一個世界。
所以，當我確定懷孕，代孕中介通知我，要去代孕宿舍度住，我一啲都冇反抗。
「好似員工宿舍咁囉，你以前冇生過仔，未必識點樣照顧自己。」
中介解釋：「我哋將所有代孕媽媽集中喺宿舍度，營養師規劃好餐單，仲有醫生睇住，好安全。」
即係包食包住，咁又慳番一大筆錢，我當然同意。
我帶住少量行李，搬入代孕宿舍。
我認識咗其他代孕媽媽，好多人都唔太鍾意宿舍嘅安排，話覺得自己冇晒自由。
我就覺得冇所謂啦，拎住部新手機，咩都有得睇、咩都可以上網買，有咩必要成日出去？
我日日喺宿舍玩手機，個肚亦漸漸隆起。
我有少少孕吐，但情況唔算嚴重，同埋宿舍24小時都有醫生，健康上冇乜問題。
但一切一切，由我第一次感受到胎動後，開始有變化。
我呆咗，我放低手機，細細力摸自己個肚。
個肚冇再郁，但我開始感覺到，一個小小嘅生命，喺我身體裡面漸漸成長。
自此之後，我每日都會摸吓個肚，細細聲同BB傾吓計。
有一次，醫生幫我照超聲波。
佢指住超聲波嗰張圖，話我知BB好健康，要我繼續努力保持呢個狀態。
我忍唔住問：「可唔可以畀咗我？」
「超聲波記錄？」醫生斷言拒絕：「梗係唔得啦，要寄番畀客人，畀佢哋睇住BB嘅成長㗎。」
「咁我可唔可以……影印……」我仲未問完，醫生就拎住超聲波記錄走咗。
另一個代孕媽媽勸我：「阿雯，你千祈唔好對個BB產生感情啊。」
「吓？」我一時反應唔過嚟。
「個BB唔係你個仔嚟㗎，佢一出世就會俾人抱走，佢大個咗完全唔會知道你嘅存在，都唔會似你。」
嗰個代孕媽媽分享佢嘅經歷，佢係第三次做代孕，第一次BB俾人抱走，佢幾乎崩潰。
但佢因為家庭問題，需要更多嘅錢，不得不再次做代孕，佢只好提醒自己，唔可以再對個BB產生感情。
佢語重心長咁講：「你每日好食好住，玩吓手機，好快就幾個月。其他嘢唔好諗，唔好想像BB大個咗之後會點……」
下集：https://bit.ly/2Y0EUWx
將專頁設定為「搶先看」/ "See first"，最新故仔馬上睇！
我係香香公主：https://goo.gl/5KqT4E
未來電筒：https://bit.ly/3csw61n
#短故 #短篇 #小說 #陳美濤 #廣東話 #粵語 #tomatochan #我嘅職業係代孕媽媽 #我嘅職業係
撈仔粵語 在 陳美濤 Tomato Facebook 的精選貼文
我等你等到永遠（下）
上集：https://bit.ly/3oIyXcG
但老公嘅家庭好保守，應該話，佢哋身處嘅成個城市都好保守，從來冇聽過男人會愛上男人，簡直天方夜譚。
成個城市嘅人都好似機械人，去到某個年紀，就要同合適嘅對象結婚生仔。
隨住年齡嘅增長、職位嘅提升，佢哋面對嘅壓力愈嚟愈大。
阿康同父母講，自己係獨身主義者，頂住父母嘅壓力，死都唔結婚。
而我老公雖然喺感情裡面係攻嗰一方，但佢嘅內心遠遠冇阿康咁堅定。
終於，有一次佢老豆重病，佢抵受唔住老人家殷切嘅期望……結咗婚。
我沉默咗一陣，問：「你Gay㗎？」
「我本來鍾意女人。」老公嘅眼神迷茫而溫柔：「但後來我鍾意咗佢，冇辦法再鍾意其他人。」
我又問：「咁我呢？」
老公曾經無數次同我講「我愛你」，但呢一刻，阿康嘅死訊好似擊潰咗佢心底嘅圍牆，佢避開我嘅眼神，一言不發，畀出最誠實嘅答案。
我不斷追問佢哋之間嘅細節，老公send咗兩條link畀我，係兩本小說。
阿康係一個作家，筆名康起，佢哋一齊嗰陣，阿康寫咗一本小說講佢哋嘅生活點滴，甜蜜而又帶住一絲對未來嘅惶恐。
老公結婚後，阿康寫咗另一本小說，講分開後嘅日子，話自己要等佢等到三十五歲：
「我比這世上任何一個人都更加熱切地盼望他能幸福，只是，想起這幸福沒有我的份，還是會非常的難過。」
後來，被抑鬱症折磨嘅阿康，喺二十八歲嗰年，投江自殺，屍身順江漂流十五日，先被打撈起嚟。
阿康話會等到三十五歲，但佢去唔到三十五歲，所以……佢想永永遠遠等落去。
我淚如雨下，我曾經想像過一萬次，如果我見到嗰個「前女友」，我要點樣勸佢放低我老公，佢唔肯嘅話，我要點鬧佢……
但呢一刻，我終於知道佢嘅身份，仲知道我老公冇愛過我，我偏偏無法對阿康生出一絲嘅怨恨，反而有一種奇怪嘅心痛。
或者，我根本冇咁愛我老公，我都只係到咗適婚年齡，搵個唔太差嘅人結婚啫。
我冇比佢哋高尚，冇比佢哋深情，冇比佢哋正確。
我只係比佢哋幸運，我鍾意男人，而社會咁啱接受我鍾意男人。
我係一個幸運兒，但有好多好多人，冇我咁幸運。
之後，日子照舊過，我哋冇再提起阿康，亦冇離到婚。
去到呢個年紀，同現實生活相比，乜嘢愛唔愛根本不值一提。
我永遠都唔係為愛投江嘅阿康。
所以，當我個仔出世，老公話幫個仔改名做「意起」，希望個仔將來「意氣風發」，我同意咗。
儘量我心底清楚，「意起」唔係「意氣風發」，而係「憶起」，「憶、康起」。
我哋一家三口，去影樓影咗輯家庭照，笑得幸福，又有邊個會知道，老公根本唔愛我。
你看街上來來往往的人群，每個都行色匆匆，遇見了，淡漠的看上一眼，
誰也看不穿別人身後的故事，誰也不知道別人的心裡，是不是住著這麼一個人。
—完—
真人真事改編自「南起白康」自殺事件。
南起白康與男友「張先生」確定關係後，曾同居，有作品《浮生六記》，記錄兩人的日常，文筆清新溫暖。
2006年，張先生結婚，南起白康撰文《我等你到三十五歲》，字裡行間十分憂鬱，疑患抑鬱症。
2008年，南起白康於長沙投湘江，屍身順江漂流十五天後，被發現並打撈，時年未至二十八歲。
2009年，有人刪除了南起白康的Blog，理由：「斯人已逝，何堪回首」。
「所以很多時候，不是願意等下去，而是不得不等下去—知道能讓自己這樣喜歡著的人，這輩子都不會再遇到第二個了。」
將專頁設定為「搶先看」/ "See first"，最新故仔馬上睇！
新書《筍工重生高科技》已經出版了，現正發售中，
詳情可點擊這裡：https://bit.ly/32hgoSN
你的支持是我最大的動力！
#短故 #短篇 #小說 #陳美濤 #廣東話 #粵語 #tomatochan #我等你等到永遠
撈仔粵語 在 果籽 Youtube 的最佳貼文
｜香港懷舊黑膠｜美亞唱片老闆製作鄧麗君首張唱片 兒子走勻鴨寮街尋找亡父舊作 70年代舊歌放上網免費聽
這是一個「尋找吹牛爸爸的故事」。下月就是父親節，你對你爸的了解多嗎？「印象中嘅爸爸，講得衰其實有啲冇厘正經。」51歲的趙偉彪（Raymond）眼中的爸爸趙明恭是個吹水唔抹嘴的老竇。說自己以前開靚車，住過邊，是唱片公司的老闆，最癲是幫由台灣來港的鄧麗君出了來港後第一隻唱片，「有冇搞錯呀，嗰陣我仲係小學生，都知道鄧麗君係天皇巨星。即係今日你同周潤發影相，就話自己同佢拍過戲啫！」轉頭就去做功課。
一次次，Raymond錯過了爸爸的風光年代。他只知道，爸爸愛聽優雅的國語歌，他則愛八十年代張國榮梅艷芳的粵語歌。兩個人常在家爭歌聽，二人關係雖好，但對兩代品味互藐。「佢成日話以前啲歌詞幾靚幾靚，我話：『唓！咪又係黃霑填嘅。』『黃霑以前填得好啲囉！』我就唔理佢。」那時他爸爸開過酒樓，做過生意均無甚起色，家境不太好，「講得衰啲，都係一事無成。我唔會估到佢以前係另一個層次嘅人嚟。」
https://hk.appledaily.com/lifestyle/20210512/E5AV77FX3VBBTPH72VO7UIQ7ZM/
影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)
果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com
#黑膠 #美亞 #鄧麗君 #張國榮 #梅艷芳
#果籽 #StayHome #WithMe #跟我一樣 #宅在家
撈仔粵語 在 果籽 Youtube 的最讚貼文
電影字幕向來是將觀眾帶入劇院的重要工具，尤其是對於有意學習語言之人，更是一種直接而有效的方法。隨住戲院重新開業，港產片《狂舞派3》亦趕及新年檔期正式上映。首映當日，製片商高先電影總經理曾麗芬更在致詞時，表示電影會全用上廣東話作為字幕，更專門邀請研究廣東話團體幫手校對，不少入場觀眾大讚製片商今次的小心思。粵語字幕，引證過當年最輝煌的港產片年代，今次我們更誠邀電影背後的幕後功臣，分別是兩位監製陳心遙、廖婉虹和協助字幕校對的《粵典》總編輯謝家尉，詳談製作背後的意義。
要提及香港電影風光史，不得不提及60年代尾70年代初的蛻變期。陳心遙監製說到，當年其實是屬於粵語電影的沒落期，由於當時出現大量的國語電影，若然要以語言界定何謂香港電影，根本不合乎真實的歷史。但事實是，70年代之後港式粵語，亦是我們口中的廣東話，成為了香港人的共同語言，當中經過電視、電台、流行文化的洗禮，令到整個香港文化都以粵語為主流。原因必然要歸功80、90年代，非常繁盛的電影工業，即使到現在亦非常多人看，裏面非常多古靈精怪的粵語。陳監製坦言，作為香港電影製作者，如果可以盡一點綿力、用粵語字幕的方法，令到更多人了解和知道粵語的魅力，都是一件好事。
https://hk.appledaily.com/lifestyle/20210305/32PMMMMT5VHJBMLE76UYR57PHE/
影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)
果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com
#狂舞派 #粵語 #香港電影 #書面語 #高先電影
#果籽 #StayHome #WithMe #跟我一樣 #宅在家
撈仔粵語 在 果籽 Youtube 的精選貼文
去年12月頭，旺角西洋菜街一個唐樓單位，一班天九門徒創辦了「天九至尊神學研究中心」，這是他們首個聚會。昏暗的燈光，hip hop音樂，神壇下供奉着一對文武門神咕?，一班人打牌打到啪啪聲，誓要振興天九。
研究中心同期還舉行了首場展覽，裏面有天九資料展覽，有天九教學，同時出售印有天九圖案的tee、道袍、貼紙、秘笈、麻雀墊、野餐墊等紀念品。昏暗燈光下戴住紳士帽同黑超的研究所總管陳湘子（Wallace）認真解說：「阿爺阿嫲覺得這是賭錢會學壞唔教，上一代父母唔識，呢一代人更沒法接觸天九。其實天九裏面蘊藏好多南方或傳統中國哲學文化，我哋廣東話嘅『三唔識七』同『 九唔搭八』 ，都係天九嘅術語。」
https://hk.appledaily.com/lifestyle/20210114/JGHWKBESGVGEPGTKHCKXCH3QEU/
影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)
果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com
#天九 #周星馳 #至尊寶 #粵語 #中國文化
#果籽 #StayHome #WithMe #跟我一樣 #宅在家
撈仔粵語 在 【順德代表】為什麼老廣人喜歡稱外省叫做“撈仔” “撈頭”？#由來 ... 的推薦與評價
順德#廣東小姐姐#勵志#短視頻#劇情# 粵語 #美女#廣東多謝收看，歡迎訂閱支持，按埋小鈴噹就不會錯過影片更新，多謝你們的支持❤️Please subscribe to ... ... <看更多>
撈仔粵語 在 快趣學- 被廣東人稱為「撈佬」的，都有些什麼人？... 的推薦與評價
我兒子是個廣州人，我會儘量讓他多講白話，不然一回到幼兒園就要被逼著講普通話，會瞬間變「撈仔」。 (這段朋友圈文字是用粵語打上去的)... ... <看更多>