#TGIF #旺角隱世OMAKASE #廚師發辦 #高質日本餐 #旺角新店
之前同好朋友余媽媽👭講過話好想食OMAKASE，因為我從來未食過好想試！佢真係超有心，前幾日佢帶左我去旺角一間新開的OMAKASE🍣試試，真係超開心呀！
店子是「賞櫻」🌸，地點在旺角文華商場，即朗豪坊對面，非常方便！店子開業剛一個月，暫時未見有食評，余媽媽話係朋友介紹所以來試試～咪以為店子很新沒料子，這裡的師傅都有三、四十年經驗，食物均來自日本空運，所以品質一定有保證 ！
晚餐時段的OMAKASE分別有《櫻》、《檜》、《楓》、《梅》 四款選擇，我地第一次來就試個最基本的《櫻》套餐，食物份量都唔少啊，有： 前菜、剌身三點、壽司七皿、湯、一品料理（二款）和甜品 ，相當豐富👏🏻！
🥗 前菜：黑魚子鮮蝦牛油果蒸蛋豆腐配柚子汁，相當清新的一道前菜，蝦很清爽彈牙，造型靚，食物配料多吃下很有層次！
🦪 剌身三點：最深刻是北海道生蠔，超級肥美和鮮甜，啖啖肉，肉質爽身，大隻到要分幾啖先食完，師傅選材非常好！另外山藥刺身也很特別，師傅將山藥打蓉吃起來滑滑的，配醃漬刺身很特別。還有赤貝刺身配日式沙律，師別刀工好厲害把赤貝切成朵花咁靚，吃下很爽口呢！
🍣 壽司七皿： 最好吃也最喜歡是帆立貝壽司，帆立貝很厚肉和鮮甜！呢度嘅刺身壽司件件都好新鮮，師傅特別用紅醋混刺身飯，所以吃下冇咁酸和嗆喉，兼且師傳手握的壽司細細舊，連刺身一啖擺入口好滋味！不得不提中拖羅，入口即溶，所有魚油溶化在口腔內，人生一大享受！朋友吃和牛壽司超正，但我不吃牛，師傅造了金箔魚子軍艦給我也超開心！粒粒巨型魚子爆多汁，好吃到飛起！
🍲 湯：日式蜆肉清湯配柚子和菓子，這個湯很清甜，特別在柚子和菓子，造型很美，吃下是微甜的柚子饀餅，配湯好特別。
🍱 一品料理：鹽燒油甘魚鮫外脆內軟，肉質幼嫩，沒有魚骨可以大啖大啖吃！蒸雞軟骨丸子外層包著蔬菜，面層是鵪鶉蛋，內裡是雞軟骨，加上少少上湯吃下甘甜，配搭很有趣～！
🍨 最後甜品是培茶紅豆海棉蛋糕配抺茶啫喱，整個都好好吃，不過如果大份DD就好，略厭抺茶啫喱唔夠多食唔到茶味，因為甜品是第二個胃可以吃多D啊～
整體全餐都超好吃👏🏻👏🏻！師傅在我座位前很細心地弄菜和介紹菜式令我吃得很舒服開心，這裡的環境也很舒服，有吧枱或和式房間選擇❤️，建議人少可以坐吧枱邊看師傅表演邊吃，又可以同師傅傾下計都幾開心！和式房都好靚，人多可以坐下榻榻米，打卡正，唔講以為去左日本！
師傅話新開店暫時靠口碑👍🏻，我就覺得好正啦，所以黎之前記住BOOK位，另外佢地都有LUNCH SET，和式定食價錢親民，搵日我都要帶Friend子來食呀！
📍 賞櫻
網址: https://s.openrice.com/QrbS0c0aB00~uwHTjAw
地址: 旺角砵蘭街240-244號文華商場(MPM)1樓C2號舖
新店日式定食 在 小竹屋新店日本料理- 首頁- 新北市- 菜單、價格- 餐廳 - Facebook 的推薦與評價
新店 小竹屋創立於民國75年，希望以最平實的價格讓您吃到最新鮮的美味:))) 231 New Taipei City 新北市新北市新店區中正路435號. ... <看更多>