【阿公講鬼】《十年未晚》（完）
（１～７集）https://bit.ly/36t87Ok
＝＝下半部分是繁中華語＝＝
＝＝下半部分是繁中華語＝＝
瑋晴嘅出現，中斷咗成場欺凌者被報復嘅戲碼，就好似當演員打得火熱，導演突然嗌「Cut」咁，潘叔除咗擋住個女嘅視線之外，仲好慌張咁叫因為互摑塊臉腫到連阿媽都唔認得嘅三個人：「夠喇！起返身，唔好再跪！」
一直企喺旁邊食花生嘅阿公終於展開行動，佢行到眾人中間，以大家都能聽到嘅聲量講：「而家形勢好公平，你哋四個人嘅仔囡都被小鬼附身，我幫你哋驅鬼無問題，但我有一個條件！」
阿公環視一周，確保所有人嘅注意力都集中喺佢身上：「我而家會逐一去你哋屋企，你哋所有人都要跟住我，過程中，除咗當事人嘅父母之外，其他人一句說話都唔可以講，只能夠旁觀，明唔明白？」
「點可以…！」周凱明講到一半，被阿公豎起食指打斷咗。
「由而家開始，你們只能彼此望住對方，但唔能夠說話，邊個都好，一開口我就立刻停止救人，清楚未？」阿公掃視四人，佢哋緊閉嘴巴用力點頭。
呢個方法，係阿公諗起沙特嘅著作《存在與虛無》……
「夠啦啊啊啊啊啊啊啊！我唔想再聽哲學喇！我要聽故事啊！」從頭到尾我都靜靜咁聽，但呢個時候我真係忍唔住要爆喇：「阿公你呢個係荔園嘅鬼故嘛？！做乜無啦啦會變成哲學故事㗎！我點寫喺小說度啊？！」
「照寫囉。」阿公。
「讀者無興趣睇啊！」我反駁。
「好，而家加多一個規則，我繼續講故事，你只能夠聽，唔可以講嘢，如果再打斷我，我就去瞓晏覺。」阿公。
「但……」我。
「係你喊晒口咁話要趕稿，我先同你講呢個故事。」阿公。
「OK，請繼續！嚟啦哲學！佔據我心靈啦！」我。
故事繼續，沙特著作中一個小故事《注視》中講過，當你喺鎖匙孔度偷窺屋內嘅人，屋內嘅一切都會變成你眼中嘅世界，係一個「客體」存在。而當刻嘅你係無「自我」存在嘅，因為你隱藏喺屋外，屋內嘅人亦無察覺到你嘅存在，就好似「上帝視角」一樣。
但突然你身後出現一個人，佢發現咗你偷窺，咁成個形勢就會逆轉，你知道你嘅行為會被注視，你都係其中一個「客體」。
當你變成「客體」，一舉一動都會變得有所限制。「欺凌者」往往就好似「偷窺者」一樣，佢哋眼中只有受害者，佢哋會高談闊論受害者嘅醜態，但從來唔會談論自己嘅惡行。
而出現喺欺凌者身後嘅，就係佢哋嘅下一代。
如果數十年前嘅李卓榮、王敏、周凱明三人，幻想自己嘅欺凌行為會被子女喺身後望住，佢哋一定唔會郁手做欺凌者。
四人依照規定跟隨阿公到各人嘅屋企驅走小鬼，佢哋都親眼望到彼此對侍子女嘅著緊。另一方面，各人都無任何怨言，亦唔會怪罪其他人，因為佢哋知道，自己嘅一舉一動被其他人注視…
為咗令大家更加能夠感受阿公上述嘅小故事《注視》，我特登將阿公去王敏和周凱明嘅家驅小鬼嘅情況，以第一人稱寫出嚟，如果大家睇返兩人嘅故事，你就唔會再可憐佢哋，因為佢哋變成「客體」。
阿公幫所有人嘅子女驅走小鬼之後，順手將小鬼送返去荔園，畀錦秋殿嘅「母親」好好看管住。樂園入面嘅鬼屋「煉鬼場」畢竟只係門外漢所設置嘅結界，阿公三兩下手勢就將佢解除咗。
1977年，海洋公園嘅建成，有更大型嘅遊樂場，更刺激嘅機動遊戲，令荔園生意受到重創。荔園亦轉營主打基層市民假日休憩嘅小型主題樂園。
1990年，政府決定收返荔園嘅土地興建房屋，荔園擁有人邱德根極力反對，認為荔園係香港人嘅共同回憶，更投下大量資源翻新荔園。
可惜，荔園嘅生意未見起息，喺1993年7月31日，荔園嘅動物全部被送往深圳野生動物園。1997年3月31日晚上，荔園同「宋城」一併結業。
聽講喺荔園結業嘅最後一晚，邱先生全晚都留喺「錦秋殿」，與忘妻作最後道別。
（完）
喜歡阿公～～花半秒like & share！
《阿公講鬼４：魑魅》預售開始！
７月中出貨！
https://bluegodzistore.boutir.com/
＊＊＊＊＊＊＊＊＊
＊＊繁中華語版＊＊
＊＊＊＊＊＊＊＊＊
瑋晴的出現，中斷了整個欺凌者被報復的戲碼。就像演員打得火熱導演突然喊「Cut」一樣，潘叔除了擋住女兒的視線，還慌忙叫因互摑臉頰腫到連媽都認不得的三人：「夠了！站起來！」
一直站著旁觀的阿公終於展開行動，他走到眾人中間，以大家都能聽得到的聲量說：「現在形勢很公平，你們四個人的子女都被小鬼附身了，我可以幫你們驅鬼，但我有一個條件！」
阿公環視一周，確保所有人的注意力都集中在他身上：「我現在逐一去你們家，你們所有人都要跟著我，過程中，除了當事人的父母之外，其他人都不能說話，只能看著，可以嗎？」
「怎麼可以…！」周凱明說到一半，被阿公豎起食指打斷了。
「由現在開始，你們只能彼此看著對方，但不能說話，一開口，我馬上停止救人，明白了嗎？」阿公掃視四人，他們嘴巴緊閉用力點頭。
這個方法，是阿公想起沙特的著作《存在與虛無》……
「夠了啊啊啊啊啊啊啊！我不要聽哲學了！我要聽故事！」從頭到尾我都靜靜地聽著，但這個時候我終於忍不住了：「阿公你這個是荔園的鬼故事嘛？！幹嗎會突然變成哲學故事啊！你要我怎樣寫進小說裏？！」
「照寫啊。」阿公。
「讀者才沒有興趣看！」我反駁。
「好了，現在多加一個規則，我繼續說故事，你只能聽，不能說話，要是再打斷我的話，我就去午睡了。」阿公。
「但……」我。
「是你哭著說要趕稿，我才跟你講這個故事。」阿公。
「好，請繼續！來吧哲學！佔據我的心靈吧！」我。
故事繼續，沙特著作中一個小故事《注視》中說過，當你從匙孔中偷窺屋內的人，屋內的一切都會變成你眼中的世界，是一個「客體」。而你則沒有「自我」，因為你隱藏在屋外，屋內的人也沒察覺到你的存在，就像「上帝視角」一樣。
但突然你身後出現一個人，他發現你偷窺，整個形勢就會逆轉了，你知道你的行為會被注視，你也是其中一個「客體」。
當你變成「客體」，一舉一動都變得有所限制，因為有人注意著你。「欺凌者」往往就像「偷窺者」一樣，他們眼中只有受害者，他們會評論受害者的醜態，卻從來不會談論自己的惡行。
而出現在欺凌者身後的，便是他們的下一代。
如果數十年前的李卓榮、王敏、周凱明三人，幻想自己的欺凌行為會被子女在身後注視著，他們就不會動手了。
四人依照規定跟隨著阿公到各人的家驅走小鬼，他們都看到彼此對侍子女的著緊。另一方面，各人再也沒有怨言，亦不會怪罪其他人，因為他們知道，自己的一舉一動正被注視著…
為了使大家更能感受阿公上述的小故事《注視》，我特地將阿公去王敏和周凱明的家驅小鬼的情況，以第一人稱寫出來，如果你們現在重看兩人的故事，你就不會再替他們可憐，因為他們變成「客體」了。
阿公幫所有人的子女驅走小鬼之後，也將小鬼們帶回荔園，讓錦秋殿的「母親」好好看管著它們。樂園內的鬼屋「煉鬼場」畢竟只是門外漢所設置的結界，阿公三兩下就將它解除了。
1977年，海洋公園的建成，有更大型的遊樂場，更刺激的機動遊戲，使荔園生意受到重創。荔園亦轉營主打基層市民假日休憩的小型主題樂園。
1990年，政府決定收回荔園的土地興建房屋，荔園的擁有人邱德根極力反對，認為荔園是香港人的共同回憶，更投下大量資源翻新荔園。
然而，荔園的生意未見起息，在1993年7月31日，荔園內的動物全都送往深圳野生動物園。1997年3月31日晚上，荔園與「宋城」一併結業。
聽說在荔園結業的最後一晚，邱先生一整晚都待在「錦秋殿」內與忘妻作最後道別。
（完）
喜歡阿公～～花半秒like & share！
不然我就雪藏阿公了！
新荔園 在 荔園 的推薦與評價
MARKET x 荔園市集嘉年華]，除了有遊戲區經典的荔園有獎攤位遊戲、一系列重現荔園舊貌的打卡位外，還有市集區逾百個本地特色文創手作攤檔熱鬧助陣，放暑假去玩啦！ ... <看更多>