在香港生存成本太高 - 但在台灣生活都不容易 只是比較合理一點
當有好多人同我講，台灣買樓容易好多！而去睇唔起台灣買唔起樓嘅人，心諗究竟呢一種係咩錯覺嚟架？
其實當以香港人角度去睇台灣，樓價係低好多。係極有可能用相同價格，可能買到個單位大好多！但都係要睇地方，係台北都未必買到。而且大家又知唔知台灣人平均收入係幾多呢？大學畢業，都係搵緊「23K」(約港幣5,750元）。
認識的台灣人，在台商打工，做到高階層主管，人工都係約六萬至十萬，有呢個水平人工已經叫萬中無一，係其他人眼中已經叫好高好高！之前有報導，一般台灣人月薪只有四萬八，但大多數年青人無感，原因佢地都係水平之下。台商大部分出手好低，就算你有十年經驗，人工能給三萬八至五萬已經叫覺得比多你，仲可能要求員工加班加到痴線，一個人做三個人野。仲要有心理準備，成世唔好諗老闆會加人工，工作壓力分分鐘大過係香港搵皮幾兩皮好多好多倍。有台灣朋友去香港工作，他說香港工作比較容易應付。只要係台灣打過工，可能都會覺得香港已經係最差之中算唔差。加上香港人接受能力比較高，工作過就知道有些台灣人心底會歧視外來人的(之後再講)。
仲要佢地比日本仔統治過，做野文化好日本，老闆唔走唔敢走、唔敢請太多假去旅行、因為出面人工差唔多，好多唔會諗轉工。係台灣要打工，最好選擇是外商或做機電會好少少，機電是讀工科。另外，就是外商，但外商公司不多，比你係台灣做到Director有十六至二十萬，但一間公司有幾多Director呢？聽過一個香港教授講，有台灣大學搵佢教書，一小時等於八百元台幣（約港幣200元)。有咁嘅人工，對佢地嚟講已經出手大方。
講完收入，講返買樓，最重要，台灣建商大部分都係鳩鳩地，新樓盤起到大一大。睇返桃園區，係有好多新建案，比較好嘅發展區域，間屋千幾至兩千呎以上，入場費成千幾、二千萬港幣。有啲價錢呎數合理嘅新樓，周邊配套發展又好唔完善，連間便利店都無。之前有香港朋友想係桃園買樓，佢連自住都要諗，我地研究得出附近咩都無，人又唔多，又暗又靜，夜返屋企陣咪話唔驚！加上台灣有地震，二手樓亦比較注意係咩年期起。對比台灣，香港地產商真係聰明好多，至少憑你住多年他媽的努力，都係有可能買得起，但就理得你間屋細到幹要事都要係大廳。
上次同個台灣人節目主持傾計，我說：「香港人感覺台灣買房子很容易。」她也説：「我覺得香港和台灣很像，很多在台灣人也在埋怨一輩子也買不起房子呀。以台灣人收入，買房子就像遠不可及的事。」所以一般台灣打工仔，係台灣買樓都唔容易，更多人根本買唔起樓。除非天生投胎好，有父幹。當然亦有靠自己很努力向上。
總結係，你係香港搵錢，係台灣食住玩係好好享受。但台灣人呢十幾年，人工無加過⋯⋯工作壓力不比香港少，付出相同時間，人工仲要低過香港！！有位在台灣做寫程式的人，曾經跟我說過:「香港是辛苦，但賺到錢。台灣是辛苦，但又賺不到錢。」以我香港人看香港，以周圍一般30歲以上嘅人收入，單身或一對情侶/夫妻，開始工作便有儲錢計劃，好彩可以問父母借點首期，買個小小單位或買個偏遠少少嘅中小型單位都是有可能。沒有選擇生小孩，看起來生活就更舒適，好好遊歷世界，享受美食絕對不是問題。台灣人工低，連買張機票都貴過香港呀⋯⋯ 不過幸好，台灣空間足夠，相對成功定義還不是建立在擁有什麼之上，可以比較自由地追求生活。
所以，香港人別用在香港賺錢的角度看台灣，以為在這𥚃要有好生活很容易。在台灣賺錢，要在台灣有生活品質的人，他們都是一樣用辛酸努力去換取，只不過得到成果如「樓」、「生活空間」比起香港比較合理而已。#台灣工資 #台灣買樓 #香港買樓
日本一坪等於幾多呎 在 台灣一坪是香港多少呎2023-在Facebook/IG/Youtube上的焦點 ... 的推薦與評價
如果臺灣嘅屋10萬新臺幣一坪=10萬新臺幣35.714平方呎=2.5萬港幣35.714平方尺=700港幣一呎！！ 你無睇錯，我無寫錯，簡單的計，臺灣10萬一坪等於香港700蚊 . ... <看更多>