[性價比極高嘅台式麵包]
台式麵包大大個、鬆軟、味道好，每次去到台灣都有食。香港做台式麵包的店舖不多，最常幫襯是太子上野，而家有埋 Share Le Pain 微酵烘焙，多一個選擇。
果日我同朋友中午去到元朗店，見到d麵包係密密出爐，差不多每15分鐘就有一款十個左右剛出爐，一出爐就有好多人買！幾分鐘內賣剩一兩個，手快有手慢無。
最多人談論係 Share Le Pain 嘅招牌爆漿珍奶包，我地另外都揀了幾款較少見又大大個的牛角包、髒髒包等。
爆漿珍奶包並不如預期中咁爆餡，味道係好嘅但感覺一般。心水第一位反而係 義式歐姆蛋（HK$28），好似成份早餐咁豐富，隻蛋唔會熟到硬哂，面層有焗到脆嘅芝士，內餡有火腿及沙律醬添加滋味。香蒜金磚（HK$15）都係 best buy，蒜泥及芫茜加埋吐司質感，就咁食都好夠味；另有一款是包住花生醬的花生金磚，我唔特別喜歡花生醬就無揀喇。
芝士火腿牛角（HK$26）是另一驚喜，個size大過手掌，牛角入面層次分明，加了特製醬。呢度嘅髒髒包（HK$35）係我嘅 #髒髒包 第一次，食之前記得準備濕紙巾，一定會成面成手污糟哂。髒髒包是一個用天然酵母製作的歐式麵包（大過人頭），入面有松露朱古力芝士，外層比利時70%黑朱古力脆皮及可可粉，食落係甘多過甜，大人都好岩食。
呢度嘅麵包同港式麵包最唔同嘅係，雖然款式不多，但每款都食得出係獨特的質感，鬆軟及有麵包香；而且size真係偏大，女仔當lunch食加杯台式飲品一定飽。
#foodie #foodinhonkong #sharelepain #yuenlong #bread #ilovebread #麵包控 #元朗 #旺角銅鑼灣都有分店
Share le Pain 微酵烘焙（元朗店）
地址： 元朗青山公路元朗段249-251號2樓235-236舖元朗廣場
電話： 3188 0275
