直線抽擊偽科學系列《十五》初生嬰兒唔打維K係咪想曝露BB於出血風險？
有高汁讀者inbox文科生話素人父母群組昇華到一個境界去建議初生BB唔好打維他命K，聲稱會令BB中毒、會黃疸等等。再將維K同疫苗拉埋一齊講。
———————-又係我背景資料——————
初生嬰兒要打維他命K係因為一般來講維他命K係由腸道中嘅細菌製造，而BB剛出世時係製造唔到維K。
而缺乏維K會影響我們的凝血指數嘅生成（凝血指數II, VII, IX同X以及蛋白S和C)。當我們缺乏維K時，會讓我們的出血風險激增，因為我地會凝唔到血。
好多年老而又有心房顫動的病人會服用薄血藥華法林(warfarin)。此藥正正就係透過令維K不能活躍化而減低凝血因子的生成去減低中風的風險。但薄血藥的風險便是出血，所以一般使用華法林時醫生會透過凝血指數(INR)去觀察病人的血會唔會太薄
初生BB係處於一個相當缺乏維K的狀態（因為維K並不能有效地透過臍帶和母乳去傳給BB），即相對高的出血風險。在有預防性注射維K (prophylactic vitamin K injection) 之前，每年都有BB因爲缺乏維K而引致可致命的初生兒出血症(hemorrhagic disease of newborn)。
———————————————————
當你以為醫學昌明，愈來愈多新藥新科技造世人時，就出現呢班素人父母持續荼毒香港嘅公共衛生，令愈來愈多已經就快滅絕嘅疾病起死回生。
先有麻疹，依加到新生兒出血症，你班人到底想害多幾多人先收手？
唔好講咁多，你建議人地唔好打維K，出事係咪你負責？個BB出血係咪你去醫？但又唔係，到時又係推返去公立醫院等醫生執屎。好啦，到時執唔到屎有後遺症，你班素人父母又係輕鬆講兩句spin去「因為西藥有毒，所以有後遺症，要搵順勢療法幫手」。
當你依加建議緊人地去放棄一種正規治療時，麻煩你比返應有嘅水準，同病人解釋返唔打維K嘅風險係乜嘢，有咩alternative去處理個風險。而唔係就咁話打維K同黃疸&濕疹有關係(again, 乜證據都無，我夠可以話順勢療法引致智商下降啦，make唔make sense先得嫁）
同埋我想再重申一次，成日quote N=1 你自己個女或仔係無意思。你個女或仔無出事唔代表無風險，我夠可以話我衝咗10次紅燈都無被車撞死，衝紅燈係好安全啦。但係正常人都唔會覺得衝紅燈係值得鼓勵啦下話？
——————————————————-
每次收到高汁讀者inbox我都會先得啖笑、繼而無助兼憤怒。傷風感冒都算，依加係初生BB呀！可唔可以有返基本道德？
當醫學界嘅各位好努力咁去診治同幫助病人嘅時候，就有呢班為求自保商業利益嘅素人父母不斷散播偽科學嘅資訊誤導其他病人。除咗despicable我諗唔到第個字去形容你地。
*所有cap screen在留言區
#shameonyou
#最後又要醫生執屎
—————————————————————
依加Facebook reach愈來愈低，如果仲想睇到文科生嘅文章，不妨按個shares分享比其他人睇。
記住follow我IG: artstudentinmed ❤️
————————————————————
昇華 科技 104 在 昇華娛樂 的推薦與評價
昇華 娛樂（4806）宣布與「阿榮影業股份有限公司」將在台北市建立複合式元宇宙使用場地與 ... 第一階段將會以昇華萬美街影視基地，結合阿榮影業執行技術攝影與最新科技 ... ... <看更多>