大家點睇？
唉，我瞓覺前已經好炆，冇諗到自己起身後都仲係好嬲。
明明果籽呢一個系列係拯救黃店，點知原來（呢集） 所 有 嘢 都 係 劇 本，所 有 嘢 都 係 假。然後《復仇者》就俾人群起喪屌，見到fb好多未食過嘅朋友都 share，甚至怒屌佢地係二世祖玩玩下唔尊重飲食業，唔會去。
事實上，你去過的話就會知道《復仇者》嘅招牌菜唔係 All day breakfast，我要喺餐牌到數，「卡邦尼腸粉」、「慢煮豬腩仔」、「普洱雞翼」、「黑松露餃子」、「黃金薯條」⋯⋯數到最尾都未必會係呢一個菜。講過好多次，亦都帶過好多朋友去，冇人覺得唔好食。
事實上，兩位老闆（利申：朋友）唔係二世祖攞屋企人fing嘅人，而且自開業以來已經落足心機擺係餐廳度，晚晚都做到半夜先收工。客人有意見亦都好謙虛好有禮貌咁樣聽而且會改善。喺條片入邊嘅佢哋（角色），我 從 來 都 未 見 過。
蘋果，點解要利用小店幫你攞 hit rate？小店難做，難得有傳媒曝光想試下（我知好蠢），點解要造假？咁樣同大陸啲真人騷節目有咩分別？知唔知道咁樣可以害死一間有良心而且好食嘅小店？做傳媒係咪要咁唔道德？
記者，你係記者嚟，你當咗自己係電視台編劇？事事求真，即使係lifestyle，都唔代表可以係假。出咗之後對小店嘅backfire，你有冇一絲悔疚？世界已經好壞，你可唔可以唔好連咁小嘅事都要欺騙香港人⋯⋯
網友，未食過嘅，麻煩俾一次機會《復仇者》，唔好食嘅就一世都唔好再去，去同老闆傾下計（佢哋好樂意）。但如果因為呢個咁假嘅節目，犧牲左呢間小店，唔值得。
太過份，我真係好嬲。
P.S. 好多人關心個雪櫃嘅衛生問題，我問過事主，都 係 劇 本，都 係 假！不過我未親眼見過，我唔平反。不過既然蘋果都去到咁盡，假都唔係出奇事。
再補充：我無話《復仇者》咁樣配合冇問題，我都有話佢。不過mass media嘅責任好大，唔可以放過。
普洱雞翼 在 煙燻雞翼/ 普洱茶葉/ 第一次嘗試smoked chicken wings【20 ... 的推薦與評價
... 天下食物唯太X 不能救, X = 太鹹太甜太酸太苦太辣太硬太軟太多太少太複雜太麻煩太多批評等等煙燻 雞翼 / 普洱 茶葉/ 第一次嘗試smoked chicken wing. ... <看更多>