三樣都試過 #住hostel就係咁 #背包客好玩之處 #識玩一定咁玩
[旅遊] 住Hostel奇趣
各位旅遊達人，都知道大家有唔少住hostel嘅經驗，在下有節儉美德，又喜歡認識唔同國家嘅新朋友，所以都好喜歡住hostel（其實最重要係無錢住酒店＞＜）。過去咁多次住hostel 總括嚟講係開心兼過癮嘅，不過，亦都有d比較勞氣嘅experience！
一． 食物放雪櫃比人食鬼晒
去budget traveling好多時都會去當地超市買d簡單野自己煮，費事下下出街食咁貴啦。有一次去旅行，臨到尾昇，發現仲有少少銀糧，同朋友買左d靚嘅火腿同白酒，諗住最後一晚食餐豪嘅，我地放雪櫃好驚比人食左，所以我地都用marker寫晒名！哎呀，頂你個制，點知夜晚開雪櫃都一樣唔見晒！最後我地係hostel出面街嘅垃圾桶搵返佢地條屍！陰公豬！
二． 美女扯鼻鼾
又有一次去南美旅行，訓8人mixed dorm，訓我對面床嘅係一個智利嘅女仔，五官好漂亮，又著得好性感！可能外國culture豪放d，佢完全唔介意地係眾人面前除剩個bra同underwear就上床訓，我嗰晚好興奮，心諗第二朝一定要認識呢位女仔。無耐，間房就傳來鼻鼾，無錯！唔係男仔扯嘅鼻鼾，而係智利美女扯嘅！如果一般嘅鼻鼾聲我係接受到嘅，但係佢並唔係一般咁簡單！我好似係地盤隔離訓覺一樣，我嗰晚唯有戴住headphone聽x japan（我唔係講笑），我先聽唔到佢d鼻鼾聲。第二朝起身，各位room mate都大大個黑眼圈，好好笑！當然，我之後都無去認識到呢位「美女」！
三． Mixed dorm攪野
最離譜都係呢個啦！又記得有一次係意大利，同樣住mixed dorm，間hostel係一間吧嘅二樓，通常住hostel嘅人都會去嗰度飲野識朋友。同房有個係英國讀書嚟玩嘅香港女仔，一睇就知性格奔放嗰隻（你懂的），當晚hostel大部分人都落左下面個吧飲野，飲左無耐，我都wing wing地，上房休息，我訓上鋪，都未訓著，就有pair男女bang一聲踢開左度門衝左入嚟，原來係個香港女仔，佢同個鬼佬飲左兩杯慾火焚身，竟然係個dorm度攪野。我自問我都好open minded，其實如果佢地靜靜地，我係okay嘅，最大鑊係個女仔係訓我下鋪，我成晚就好似坐緊海盜船咁搖下搖下，差d嘔埋出嚟！
唔知係我唔好彩定點，其實大家又有無試過呢d住hostel嘅奇趣野或者惡哽野呢，不妨share一下！
＃旅遊 ＃hostel ＃青年旅舍 ＃背包客 ＃backpacker
－－－－－－－－－－－－－－－－－－－
- 花輪哥
智利美女 在 智利 首都聖地牙哥，一座魅力之城！美女，美景 - YouTube 的推薦與評價
圣地亚哥. 智利 首都聖地牙哥，一座魅力之城！美女，美景，美食等都匯聚於此，是理想的旅遊勝地。 663 views663 views. May 9, 2021. 13. Dislike. ... <看更多>