//本Page Patreon經已開通，請訂閱支持本Page運作，謝謝！ 連結： https://bit.ly/2TvzIaF //
圍爐可以話係每次網上政治爭拗嘅一個最常用字，最初係應用響左膠圈子入面，但而家基本上只要意見不合，郁啲就會話人圍爐取暖，「黃標KOL」成日話人圍爐，只係「你講嘢有撚人聽咩」嘅另一種講法而已
但其實圍爐個重點根本唔係人數多少嘅問題，而係同一班人只係願意匿響迴音壁入面互相取暖，而完全無視外間早已否定哂佢地自己相信嘅一套。
結果當呢班圍爐者每次衝出迴音壁外同人辯論嘅時候，只係重覆又重覆咁講一堆已比人反駁咗好多次嘅論點，到唔夠人拗果陣就匿番響個迴音壁入面圍爐取暖，直至自信心回復之後又再走出去挑機（不過通常唔敢去同一個地方再挑），又再一次重覆去到永遠。
好多人同我講叫我唔好理啲網上遊魂，花時間同佢地罵戰，但響我角度黎睇，呢個罵戰過程亦正正係驗證自己嘅論點有無破綻之時，即使好多深黃傻粉、五毛藍屍最尾都唔會被我說服，至少我會知道佢地而家最新嘅思維邏輯係乜、對於我原有嘅論點有乜新駁斥，我有無啲論點經已過時需要微調或者修正。
飯民黃屍雖然係一個大多數，但佢地其實亦不過係響一個好大嘅圍爐入面而已。佢地係唔係無進步呢？佔中果陣進咗一進、但去到魚蛋革命又倒退番轉頭；然後去到612又進咗一進，但去到35+又倒退番轉頭。
呢種行前兩步、倒退番一步半嘅進步方式，令我發覺佢地自從2010年政改方案通過之後開始，響論述上係全無新意；甚至乎有啲所謂新思維最終都會被歪曲、淪為咗守護舊思想嘅工具──最好嘅例子就係不分化、和勇合一，原先呢兩個字係為包容勇武派、激進派，避免佢地再比和理非飯民迫害而發明，但而家就變咗掩護飯民無能嘅口號，至於勇武激進就用「捉鬼」方式打散。
結果差唔多呢十年，我應對呢班飯民支持者嘅挑機時，唔單止係愈來愈純熟咁簡單，甚至係可以將全部答案倒背如流。可悲嘅係，我一直期待林忌之流嘅飯民打手，會為呢個火爐添加新思維，但結果一眾作為意見領導者嘅「黃屍KOL」，佢地其實都係無辦法走出飯民過時論述嘅困局，因為只要一日你叫人含撚投飯民，就要跟足佢套論述黎講，KOL變成KOF（Follwer），同一般深黃傻粉嘅分別大概只係在於，講嘢比較流利、詭辯技巧比較高明而已。
最好笑嘅係，每一隻圍爐黃屍，都真心相信自己有獨立思考、獨到見解，但每一個講嘅嘢都係果三幅被，拾人牙慧。甚至比人改編埋歌。然後每當佢地面對我嘅反駁時，都係好似去咗一個難以置信嘅新世界咁，完全想像唔倒自己堅持嘅信仰都會有被擊破嘅一日。於是佢地好快會轉移去另一個Point、不停轉不停轉，直至比我迫埋牆角，然後就只有兩大結局：一係就拒絕接受自己論點已被駁斥嘅時候，好似個傻佬咁Loop番轉頭；一係就用人身攻擊終結辯論。
我就唔識唱歌，但為咗節省大家嘅打字時間，都特別整理咗呢個【反擊深黃傻粉懶人包2.0】，往後見倒果堆熟口熟面問題嘅時候，唔好浪費時間反駁啦，直接Copy & Paste啦
問題一：你又有乜高見？
高見在此
https://bit.ly/2SN4sVe
問題二：做乜唔攻擊建制要攻擊自己人？
Sorry從來無當過支持水炮車撥款、贊成林鄭動議、成日唔開會唔投票仲要倒戈為政府護航嘅係自己人
https://bit.ly/3bgcpIU
問題三：剩係識響度分化！
分化分化，多少黃屍借汝之名而行惡！（三）當日共產黨話人反革命，今日飯民屈人搞分化
https://bit.ly/2zoeCVg
問題四：又係白票焦土不戰而降！
焦土論（十）：何謂焦土？焦土派就是要焦你飯民的土
https://bit.ly/2Lr9Nxr
問題五：問下心，自己有做過乜先
不如你講下你自己做過乜先啦？你自己乜嘢貢獻都無的話，又有乜撚嘢資格問人做過乜呀？
問題六：你係熱狗你收皮！
呢個Model Answer其實已有哂腹稿點寫，不過一直唔得閒，等我寫好會貼條新link，暫時只有非熱狗嘅簡易答案：
我支持鄭松泰落選bor，So What？（其實我唔係反熱狗，但作為一個非熱狗，話自己唔支持熱狗真係一啲心理壓力都無）
