《相簿》
好多人認為呢段時間大家都瓊哂喺度，出唔到街去唔到旅行，無所事事，無聊到R腳趾。
當然遇到突如其來嘅情況人人都好唔適應，但逆來順受，我倒覺得呢段日子正好給予我機會沉澱一下自己，好好培養與家人嘅關係。
難得依家兩個人呆在家，攞返一直擺咗喺床下底嘅結婚相簿出嚟睇。兩個人一邊揭相簿，一邊回味結婚當日幾多蝦碌嘢，笑到反艇。笑爆之餘，提醒自己如何由起點走到踏入教堂呢一步，提醒自己眼前嘅幸福得來不易，提醒自己既然得來不易就要好好珍惜；呢排兩個人互相對望24小時，小不免會多咗磨擦，但一翻開相簿，我再提提自己，別忘記了他的好。
「每一次翻開，每一次感動。」
當初千挑萬選揀最華麗嘅婚紗，最高檔次嘅相簿，無非都係想要一個完美嘅婚禮。相簿記載咗一段愛情嘅軌跡；一個完美嘅婚禮能否造就一段完美長久嘅婚姻，每當你翻開結婚相簿時有否感動過就知道答案。
勿忘初心。
#嫁到意大利
#疫來順受
#在家的浪漫
#意大利婚禮
#最搞笑我老豆要去接我出門
#點知去到我屋企樓下打俾我屋企人
#問佢係咪已經到咗教堂
#因為佢唔認得我意大利新居
#然後緊張到唔記得咗要接我
