關於 有無人話比我知做到去邊 ，我們在網路上蒐集到這些相關的討論、資訊與評價

The Walking Dead 第11季 8月22日，回歸。
#觀眾會唔會回歸？ #首個30秒前導預告！
#有無人話比我知做到去邊？
《The Walking Dead》第10季大結局詳細回顧了Negan如何由高中體育老師變成了……最麻煩的人物！(劇中和粉絲心中)！同時大會亦公報最終季第11季回歸日期！

8月22日

早前報導，《The Walking dead》迎來終局，最終季將包含24集，第一部份八集將於今年8月首播。 官方聲明中接此8集其中6集是第10季的延伸，將針對較小的角色推動的故事。
聲明更指第11季將會見到更多喪屍，更外動作場面，將會令人著迷的新故事。

第11季第二部份的16集則未有上架時間！

第11季早前在2月開拍，新的預告片放棄了預告任何將出現的畫面，轉而以展現不同和平氛圍影片配上詭秘的對話，暗示著重建亞歷山大市的生活需要付出的代價。
『如果您不是威脅，那麼您就不用擔心了。If you’re not a threat, then you have nothing to worry about.』(咁似香港政府D口吻？)

～～～  美劇癮  ～～～
★美劇癮3.0: Patreon戶口啟動 ★
https://www.patreon.com/meikeknin
★美劇癮Youtube ★
https://youtube.com/c/%E7%BE%8E%E5%8A%87%E7%99%AEmeikeknin
★MeWe Page★
美劇癮 歐美娛樂網台節目 MeWe 2.0
https://mewe.com/p/tvdramaaddict

中三揀科好似啲人結婚咁，錯！係慘過結婚，因為人地結婚一兩年發現性格不合都仲可以離婚，你發現你揀咗嗰科性格不合呀？除非你有兩三個X喺手，否則學校隨時唔比你drop，見到人地讀到舐舐脷，你想轉又無得轉，然後焗住讀焗住考焗住個成績跟你成世，諗起都覺得慘。因為你覺得咁慘，因為你覺得咁無奈，因為你覺得你自己掌握唔到自己既命運，於是同佢地一樣，啲人結婚之前就要搵風水佬去夾夾個時辰八字，而你就希望老師點條生路你行，話你知你適唔適合讀佢嗰科。

可惜既係，風水佬其實都算唔到自己要喺天橋底擺檔，你老師當年一樣算唔到自己適唔適合讀自己教緊嗰科，問來問去最後都無人話到俾你知你未來讀咩科會讀得好，就算我真係神算算得到你會讀得好，你都可能諗其實讀其他科會唔會更好。同學們，其實未來既嘢無人講得埋，潛質就係睇唔見先叫做潛質，所以今日想講既，唔係咩人會讀得好，而係咩人會讀得唔好，睇下你中唔中喇！

第一，你唔夠理性。咩係理性呢？理性既相反唔係感性，你睇多啦A夢都會喊嗰啲都可以係一個好理性既人，其實理性既意思，係你做決定既時候會考慮既係啲咩？一個理性既人，當佢做決定既時候，佢會盡可能諗下自己做決定既理由合唔合理。正常人大多數時候做決定都唔理性既，你落床邊隻腳會著拖鞋先？你點知而家喺你屋企嗰個女人一定係你呀媽？點解你覺得大隻佬多數係gay既？其實我地好多時候唔會諗自己既決定既理由，通通都係由習慣、印象、直覺等等黎做決定，因為咁樣最快，最有效率，亦都通常係好準確既。日常生活OK既，但係放落Physics入面呢，好一部分既同學之所以Physics讀得唔好，都係衰太習慣用直覺黎做決定，見到加速度有「速度」呢兩個字，就會覺得混亂，日常生活有摩擦力，所以一定要俾力啲嘢先會keep住郁，呢個印象入咗腦，以後一做到Newton’s first law就錯晒。理性既人鍾意思考，而思考好費時好費力好費精神，好多時俾人感覺係「咁樣咪得囉，點解你要諗咁多？」但係呢種願意思考既態度，正正係讀好Physics既一大重要元素。(DSE出卷最鍾意陰啲人用直覺做決定，目的其實係想將啲因為睇得多而習慣咗啲題型既人篩走，盡量想令到啲真係對Physics有理解既人高分。)

第二，你想像唔到。乜嘢係想像呀？就係你只係知道好片面好片面既資訊，然後你就要去構想一個好具體既內容，呢個過程其實要運用你腦入面既大量記憶體，情況有啲似你睇小說，小說只係寫啲文字出黎，啲資訊好片面，當你見到呢啲文字，你就要用想像力，去建造一個具體既情境，你要完整咁感受呢個想像出黎既世界，你就要記住入面每一個你想像出黎既物件既顏色、質感，每一個動作既聲音、節奏，呢啲既內容可能同你生活完全脫勾，意味住你仲要抑壓住你覺得唔習慣既衝動，所以你個腦喺想像既時間其實係不斷run緊。讀Physics其實同睇小說好相似，小說會逐字逐句話你知而家個場境係點，每一個人物做緊呢乜，而Physics一樣，喺Wave同optics入面尤其喺，Wave入面會話你知一個空間入面唔同既粒子既動作，從而要你想像返個大環境係點，Optics鍾意畫一兩條光線就表達晒所有其他光線，因為做唔到動畫，所以過程中好靠想像力，你個腦唔可以同時呈現出呢啲想像，你就會有諗諗下又唔知做緊乜既情況。(其實為左淺化Physics ，而家DSE出卷已經盡量俾多啲圖你，等你少啲出現想像唔到既情況，但係咁亦都反向證明咗，好多人係因為想像唔到而攞唔到分。)

第三，你數學出事。其實數學能力係Physics能力一個好重要好重要好重要既指示劑indicator，一來係Physics要計數，二來係Physics同數學所需要既能力需要有唔同，但亦有好大部分重疊。前者就大家都明，真係數學好屎既人，就會出現計計下計錯數既情況(DSE為左呢班人，已經盡量減少計數、或者係減少啲要計得複雜既數)，後者反而係重要啲，雖然有好多數學既內容其實係應用唔到喺DSE Physics上面(上到大學情況就唔一樣)，但係由於數學好既人，通常就係邏輯能力強，心思細密僅慎，語文能力普通而覺得數學入面搵到成功感既人，呢樣同Physics人既特性係十分之相似，所以數理數理呢兩科，成日俾人當係孖公仔咁樣唔係無原因。(不過真係會有數學好Physics差或者Physics好數學差既人存在，而且個人觀察，通常啲人都係數學好Physics差，咁可能係同第一點有關，Physics比起數學無咁好操。)

不過最後，以上都係講幾個有機會出事既位，但係未講到最多人出事既位，最多人其實讀Physics讀得唔好，係因為一個字，懶！老實講，有好多嘢係可以靠努力、靠啱既方法做到返黎，所謂努力，唔只係講你而家放幾多時間，仲講緊你由幾時開始努力，我自己成個小學英文嗰科都得過且過，大個英文唔好都唔好意思話自己無語言天份，因為我望住英文辣辣聲嗰堆，你知唔知人地細個花幾多時間同心機放喺語文度？你錯過咗學習能力最高既童年，上到中學你就會覺得自己比人地無天份，但你唔知道既係，呢啲所謂既天份，係有得靠努力、靠啱既方法追得到。要講「我失敗係因為我無天份無潛質」既門檻其實係好高好高，因為當你講得出呢句既時候，代表住既係你已經盡晒可以盡既力，試過無數既方法都唔得，咁你先可以咁講，而事實上，幾乎呢個世界無人可以咁講，所以我地可以做既，係當你想做得好既時候，用啱既方法，用努力去做好佢，「我究竟有無潛質呀？」其實諗黎都多餘。