#懶人食譜 #零難度 #長文慎入
相信好多人都同我一樣，平日夜晚收工返到屋企都成8點幾，唔想成日食外賣，又想自己煮餐食，咁夜都幾頭痕唔知買得啲乜嚟煮～
有晚放工去咗屋企樓下嘅超市，買咗包即食嘅木耳榨菜絲，心諗加埋 #OmniPork新肉絲 炒碟 #榨菜肉絲，就真係好Perfect！#新肉絲 免咗洗切嘅麻煩，又唔洗解凍，真係方便到極。返到屋企，如果有薑，可以切少少薑絲爆一爆，將新肉絲炒兩三分鐘，再加埋包現成嘅 #木耳榨菜絲，加少少水埋個芡炒埋一碟就食得。呢包木耳榨菜絲響一般超市都買得到，佢嘅好處係已經調好味，所以炸個時連調味都唔多落，不過我覺得味道偏咸，所以都落咗少少糖嚟調味！不過呢啲現成醃製嘢，我唔會建議你成日食，望下包裝背面，你就會見到幾多味精，最好都係周末去街市買一舊舊嗰啲榨菜啦～
炒完個榨菜新肉絲，如果你好似我咁，對食係有啲要求，我會推介你去 #銅鑼灣 #Citysuper 嘅 #茅乃舍 專櫃，買定啲袋裝嘅湯底，用嚟煮米粉或河粉做湯底。呢個牌子嘅湯底有 #鰹魚、#野菜、#昆布、#椎茸 口味選擇，佢哋嘅湯底真係非常優質，一大包入面有20-30小包，要煮湯粉麵嚟計，落400ml水加1小包，煮10分鐘就夠，唔想浪費的話，煮完剪開個湯包倒埋啲渣出來落湯食埋都得。記得當初香港Citysuper未引入茅乃舍嘅湯底，我係每次去日本，就會響當地掃一批，拎返香港㗎喇～提一提，如果係食素嘅朋友，可以揀野菜（有五辛）、昆布同椎茸（無五辛）口味。
#以上全部真心推介
#真金白銀自費購入
立即Follow我嘅Instagram @mrswongskitchen ，發掘更多即時好煮意！
