Search
Startalk專訪樂壇新人應智越
今集上嚟《Startalk》接受主播許文軒專訪既主角細貓應智越，佢唔出聲，齋睇個樣既話，你可能會以為佢係韓國Oppa，其實佢係真真正正既香港人！不過，呢位本地樂壇新人同韓國真係好有淵源既，佢喺當地讀音樂，繼而受訓，但最終決定回歸香港出道，細貓喺專訪度就暢談佢呢條音樂路既經歷，錄廣東歌既難處等等，透過呢次訪談，大家可以對應智越呢位樂壇新血多啲了解啊。
#應智越 #香港樂壇新人 #Startalk #韓國受訓香港出道
聽晚 1563 at the East 見喇喂
唱巧多首歌呀喂
記住提我飲水呀喂
最重要係聽日Max都會開金腔呀喂😝😍
==========================
#本地音樂新焦點
20/3 主角: Emily Chun（秦馨敏）
#本地樂壇新人
#女聲合唱 #28女聲之一
SPOT ON - Emily to the Max
日期：2018年3月20日 (星期二)
時間：8:15PM
**晚餐每人最低消費 $160 + 10%，可先預訂座位
**若只來欣賞音樂會，每人最低消費為一杯飲品，不設座位預訂
訂座電話：2323 2538
==========================
「叱咤頒獎有咩咁好睇？」唔知幾時開始，當有人話要睇叱咤嘅頒獎典禮個陣，身邊有啲朋友都會用呢個問題嚟撻返你轉頭。我諗由無咗4台聯頒開始，香港人都逐漸少咗睇香港樂壇嘅頒獎典禮，我自己都唔例外。由細細個睇啲歌手上台講感言睇到跟住一齊喊，睇Eason同古巨基爭男歌手金獎到2010年因為版稅風波以致四台聯頒開始無咗之後，我會覺得呢十年嘅香港樂壇喺網路普及嘅情況下係經歷改朝換代嘅變化。
喺呢條片，我想以一個觀眾身分分享一下2020叱咤樂壇頒獎典禮有咩咁好睇。
叱咤嘅頒獎典禮我由識聽歌開始已經有追，由03年嘅古巨基回歸樂壇感動講出「我最鐘意唱歌」，到陳奕迅攞過十次男歌手金獎同埋連續9年攞我最喜愛男歌手。我每次睇頒獎禮都好想睇到自己鐘意嘅歌手唱live，睇得好感動又肉緊。但大概去到一個位因為版稅問題有啲歌手唔可以4個台嘅頒獎典禮都出席到甚至攞到獎嘅時候，我就開始少睇咗。直到今年2020年尾，我返到嚟香港，緊貼住我聽嘅係一堆廣東歌，係唔單止一個歌手嘅歌，有林家謙、JER 柳應廷、Jace Chan陳凱詠、等等唔同歌手嘅歌，我突然覺得香港樂壇好似比起以前多咗好多好嘅歌同歌手。
再睇埋2020叱咤樂壇流行榜頒獎典禮，我就發現2020嘅樂壇比起以前真係多返好多色彩。
第一大重點我覺得係因為2年前嘅全民造星造就返香港人嘅偶像出嚟。呢個電視節目唔單止令人與人之間多咗連繫同話題，仲令到一班香港人鐘意返本地嘅嘢。喺樂壇歷史嘅男團入面，除咗Boyz好少少有好多一出嚟都比人狠批，就算自己鐘意男團與否，MIRROR確實成功打入香港樂壇，坐擁一班fans。其實姜濤嘅歌同埋人都攞獎相信大家都唔會意外，因為第一個意想不到攞呢個獎嘅歌手早在2015年已經出現，吳業坤攞我最喜愛男歌手已經係樂壇因為網絡而開始改朝換代嘅分水嶺。當年我仲好記得SNS開始普及，而坤哥係少有用SNS都用得多嘅歌手，因為呢個獎年年都係投票選出嘅所以森美喺15年頒獎嘅時候都講過一段經典嘅說話：
所以15年同16年坤哥連續攞呢個獎除咗係「民意」，仲係話比其他歌手同佢哋嘅fans知道個世界已經唔同咗玩法，跟唔上就好快被時代淘汰。而呢個亦都係我認為嘅第二大重點嚟㗎。喺網絡時代當道嘅世界，全民造星誕生出嚟嘅人贏到人氣贏到口碑，所以姜濤攞獎只係再一次話比大家知時代已經唔同咗。而森美喺頒獎嘅時候都講出一啲類似嘅說話。再者，我認為當晚姜濤嘅歌藝已經好過某部分出道以久嘅歌手。
第三我會覺得係香港今年嘅樂壇多咗唔少高quality嘅歌曲比大家揀，再加上我哋喺網絡都會搵一啲啱自己嘅歌嚟聽，變相就算係一啲非主流嘅音樂都比以前剩係大眾媒體操控曝光個陣多咗唔少曝光率。我哋多咗好多渠道去接觸不同嘅音樂。我自己就認為林家謙嘅曲同編係Canton pop入面有自己風格，而佢幫陳奕迅作嘅《是但求其愛》加埋小克嘅詞我會認為係陳奕迅久違嘅廣東歌神作。當然除咗林家謙，好似Serrini同Perse呢啲非主流嘅音樂人都能夠打入大眾嘅耳仔入面。因為時代改變，新人多咗機會曝光，唔同嘅音樂人都可以有自己嘅平台製作，可以話有種難得一見百花齊放嘅感覺，多咗咁多人討論本土歌手同作品已得係一件值得開心嘅事。
最後我想話，其實每代都會有每代嘅明星。因為時代嘅轉變，每代嘅明星定義同感覺同會隨時代改變。好似我係90後，就嚟30歲，以前聽極都係陳奕迅古巨基個啲，再多啲都係張敬軒陳柏字。上一代個啲明星係張國榮、梅豔芳，講到陳奕迅上一代嘅人都覺得比下去啦。所以其實無得咁樣比，大家要接受時代嘅轉變，欣賞返當代有份努力嘅音樂人。當然以前嘅歌手好重視唱功同台上功架等等嘅專業態度都好需要被重視，不過呢啲嘢都係每人有自己準則，比起無人再討論廣東歌，多返咁多人關注已經係一件好事。
唔好再問：「叱咤樂壇頒獎典禮其實有咩咁好睇？」不如今年比啲時間去留意下聽下新嘅作品，下一年再去投票比你鐘意嘅歌或者人啦。有得嗌下點都好睇啦啩。
每天關注我的9UP狀況：
https://www.instagram.com/ernest_pch/
【如果畀我揀…】 雖然一班新人喺樂壇嘅時間唔長, 但佢地都有好MV㗎! 有份候選「最佳新人MV」嘅蘇慧恩就撐何弘軒嘅 #在刀鋒上起舞 拎呢個獎喇~~ 佢話好鍾意依個MV入面嘅愛情故事, 仲感動到喊添… 唔知呢個MV又感唔感動到你呢?
HKonlineTV 為是次活動的媒體夥伴
#香港流行音樂MV頒獎典禮 #年度總選 #livetubemva #MVA #IFPI #MVawards #支持本地MV #支持本地創作 #蘇慧恩 #何弘軒
訂閱 Song Entertainment: https://goo.gl/v2FT7q
安俊豪(Simon On)擅唱跳舞及演唱POP及R&B風格,憑籍參加歌唱比賽加入娛樂圈,2014年簽約尚品娛樂後正式向 樂壇出擊,乃2016年唱跳新人,曾經往台灣、馬來西亞深造音樂及舉行個人迷你音樂會,全場爆滿。
首波主打歌《摯友》( https://youtu.be/E8uFTjvbDak)推出首日即登上「 Apple Music Store本地新歌榜」第12位。 第二主打歌《沉淪》( https://youtu.be/9j3PfdnNWbk ) 榮登「Music One本地熱爆歌曲榜」第2位;更有幸成為 香港惟一男歌手,被韓國FANTAGIO(徐康俊經理人公司)睇中,赴韓特訓十日,合唱主題曲《Dream High》中文版, 公司更與FANTAGIO簽下合作協議,目前他積極為攻韓備戰。
首張個人唱片預2016年夏季推出。
安俊豪
Facebook: https://www.facebook.com/Simonho1029
Instagram: https://www.instagram.com/simonho1029
新浪微博: http://www.weibo.com/u/1736701053
