❤️呢個美女組合好耐都冇出現過啦！🤣難得再聚，自然想扮靚啲同Relax啲，朋友A帶咗我哋去Hotel ICON，因為呢度推出咗Häagen-Dazs朱古力盛夏下午茶套餐😻一去到已經同朋友食咗幾轉Häagen-Dazs雪糕🤤又因為細細球嘅關係，可以試多幾款口味！可以任食我最愛嘅雪糕真係好幸福💕 好鍾意佢哋今次下午茶既裝飾同擺盤，用咗會發光既圓形木盤再插上一枝枝好似花朵造型嘅甜品，再加上玻璃罩，成件事就好似一份好精緻既禮物咁，仲添加咗幾分浪漫💕而食物方面選擇都多：
🥧鬆餅有傳統英式同埋朱古力口味
🥪鹹點有👇🏻👇🏻👇🏻
-泡沫蘑菇湯，有特色，質感柔滑！
-牛柳片多士，底層多士入口時仍然保持香脆，可惜牛肉略嫌比較乾身！
-無花果伴巴馬火腿，呢個我超級鍾意！第一次試呢個配搭，原來係咁好味💕
-鵝肝慕絲多士，呢個一定要快啲食，因為慕絲放耐會溶，味道偏鹹而且底層嘅多士有啲硬。
-煙三文魚撻，我本身鍾意食煙三文魚，而呢個一口一件，撻底鬆脆又唔會太鹹，所以呢個都係我嘅最愛💕
-西班牙彩椒辣肉腸串，呢個我個人覺得口味比較重，可能真係送酒比較適合🥂
🍭甜點連貫返主題，係充滿朱古力既👇🏻
-白桃紅桑子雪糕朱古力
-黃桃乳酪雪糕朱古力
-紅桑子朱古力
-榛子朱古力
-夏威夷果仁黑朱古力
-清香檸檬撻
重點介紹頭兩樣：分別係粉紅色同粉黃色嘅朱古力脆皮包住Häagen-Dazs新出嘅白桃紅桑子同黃桃乳酪雪糕，做法好特別外型又靚，但係一定要快啲食如果唔係粒雪糕就溶㗎啦！💕
Häagen-Dazs朱古力盛夏下午茶套餐$288 一位/$546兩位， 淨係以酒店級享受仲可以任食Häagen-Dazs雪糕，而每位享用完仲會獲得一張雪糕卷（可以去Häagen-Dazs分店免費換領一球雪糕）黎講，性價比真係好高😻 如果你都鍾意雪糕同埋朱古力嘅話，呢個下午茶都係好啱你！
😌唯一美中不足，係今次大家都各自有下場所以時間好趕，全程食嘢同影相但傾計時間太少，解散之後大家都覺意猶未盡，已經傾緊要再約下一次嘅聚會啦！👭👭
Hotel ICON #朱古力盛夏下午茶 #美女聚會 #雪糕任食 #當然要任性地狂食 #食咗先減 #女生都喜歡甜品 #但是我喜歡鹹點 #其他下次既下午茶聚會
