【全民媒體】賣紙唔得咪要賺維穩費（中環客）
選舉經常有，但今年嘅選舉最核突，星島新聞集團旗下啲刊物寫啲古仔最難睇，份《頭條日報》可以攞官方否認咗嘅數字狂吹，而《東周刊》就攞啲過期八卦消息當新聞寫，幾乎將周澄寫到變再世妲己，連中環客喺立法會返工啲舊同學都笑咗。《星島日報》就可以作到懷疑性侵案係某電視台攞唔到電視牌嘅原因。連中環客都問，乜呢啲嘢有人睇嘅咩？
只不過，你睇吓星島新聞集團嘅成績表，咁你明點解呢啲無人睇嘅嘢，都居然登喺封面攞嚟俾人笑。星島新聞集團去年中期純利得四百零五萬，下跌百分之八十七，媒體業務溢利下跌成九成半，好誇張吓。雖然星島新聞集團係咁吹《頭條日報》發行量好大，只不過，中環客每日早上中環街頭觀察所見，好多《頭條日報》係直送阿婆手上，睇兩睇，甚至睇都唔睇攞去回收。正由於廣告效用差，咁咪要賤價賣，發行量大又點。
賤價賣廣告唔係辦法，因為頭條日報嘅印刷量，已經接近派一份蝕一份嘅水平，又唔似壹傳媒咁早就轉型，應該可以受惠於人人改喺手機上睇新聞嘅大潮流。咁何柱國作為老闆，除咗炒人，同埋儘快完成將軍澳廠房嘅工程，減少租金開支，仲可以點。梗係做多啲維穩嘢，搏多啲中資大孖沙落啲偏離市價嘅廣告，咁樣業績至可能有起色。以煙仔何數口咁好，佢一定知咁炒舊聞，兼隨時得罪搞緊網購業務嘅大客，最後有可能賺番嚟。
煙仔何話俾大家聽，傳媒除咗要同全世界嘅人爭網上廣告外，故意做啲個別唔方便擺明賣廣告大客啱睇嘅內容，都係一種生存之道。正如點解商台喺封咪事件後無死，你喺的士聽電台，喺商營電台聽到大堆政府宣傳聲帶，或政府贊助節目咪明囉。
中環客
東周刊 發行量 在 東周刊eastweek.com.hk - Facebook 的推薦與評價
東周刊 eastweek.com.hk, 香港. 206712 likes · 9551 talking about this. 東周刊/東周網(www.eastweek.com.hk) 官方Facebook 專頁. ... <看更多>