關於 林凱恩男朋友 ，我們在網路上蒐集到這些相關的討論、資訊與評價

總會有人問我，點解我身邊有咁多愛我的女朋友。其實答案好簡單~除左因爲我抵錫，更加係因爲我視她們為我的摯親，每一位妃子我都愛，我都會努力令佢地開心☺️
第一次邀兩位女朋友一齊同枱食飯，我已經比人聯手夾擊😀男朋友不易當~但呷醋的女人真的很可愛♥️♥️我愛你們，妃子們請繼續虐待我😘

#林凱恩 #IrisLam

多謝以文夫人嘅訪問✌🏻
#周嘉洛 #金城安

[以文夫人一問兩答][周嘉洛 x 金城安] 以文夫人又嚟喇，今日就係情人節，我搵咗《開心速遞》嘅有情人嚟一問兩答：一條愛情問題，演員用本人角度，同埋角色去回答。首先係安仔同埋周嘉洛 Kalok。重點：周嘉洛仲未出pool呀，你仲有機會呀~~~

[林凱恩 x 譚育英] >>>
https://www.facebook.com/…/a.10913097475…/1741677109229660/…
_______________________

問：心目中嘅理想女友有咩條件？
洛：相處舒服啦。有感覺嘅話其他條件就唔再重要。
安：Bonnie係完美。（按：🙈🙈🙈）
_______________________

問：你覺得點先係理想男友呢？
洛：專一、重視女友、有上進心。（按：好仔﹗）
安：好似我咁。（按：🤔🤔🤔）
_______________________

問：如果現任女友同best friend嘅ex嘅話，會唔會尷尬呀？
洛：會尷尬。所以呢個情況唔會發生喺我身上。雖然愛情係自由亦會令人盲目，但正因為愛情好危險，我向來對有男朋友嘅女生都會保持距離，避免誤會。（按：好好仔﹗）
安：唔會尷尬。
_______________________

問：你覺得完全忘記ex係咪冇可能嘅事？
洛：可以唔再在乎，無可能完全忘記。
安：如果記性好差係有可能嘅。（按：學熊尚善話齋，金城安，你係咪冇腦呀？）
_______________________

問：有冇試過生活喺女朋友個ex嘅陰影之下呢？
洛：有。
安：見到朱凌凌同Bonnie啲舊合照……（按：呢個又真係慘啲嘅…）
_______________________

問：你憧憬嘅愛情係點呀？
洛：熱情但低調、平淡而浪漫。
安：我憧憬嘅愛情係要有Bonnie嘅，無時無刻百看不厭。（按：😑😑😑）
_______________________

問：情人節，如果你係金城安，有咩想祝福周嘉洛？
安：祝你早日出pool。（按：好誠心）
_______________________

問：情人節，周嘉洛你又有咩想祝福金城安呢？
周：雖然香港嘅單身狗一般比較斯文，但都祝你出入平安。（按：係咪撩交打？）
_______________________

#以文夫人一開兩答 #以文夫人愛情信箱 #情人節特備 #周嘉洛 #無綫 #TVB #開心速遞 #金城安 #方以文問兩句

[以文夫人一問兩答][鍾凱琪 x 池美麗] 今日情人節，以文夫人唔只搵咗《開心速遞》嘅金城安同埋譚育英，仲搵咗池美麗。喺《開心速遞》入面，池美麗係個搞笑角色，但其實佢喺愛情路上勇往直前嘅信念，好多人都要學習。今次搵到飾演池美麗嘅演員鍾凱琪 Kitty，一齊傾吓啲愛情觀點~

[馬貫東 x 秦博思] >>> 聯絡中斷…

[林凱恩 x 譚育英] >>>
https://www.facebook.com/…/a.10913097475…/1741677109229660/…

[周嘉洛 X 金城安] >>>
https://www.facebook.com/…/a.10913097475…/1740603129337058/…
_______________________

問：心目中嘅理想男友有咩條件？
Kitty：我喺單親環境長大，中學之後屋企人就離咗婚，我希望男朋友會係一個有責任心，同會照顧屋企人的，因為呢個真係好緊要！！同埋最緊要肯努力同鍾意小動物。因為我屋企有兩隻貓，如果他朝有幸出嫁，我都要帶埋佢哋。不過，唔一定只限鍾意猫嘅，佢鍾意狗得，但係如果佢唔鍾意小動物就一定經常有衝突。我覺得勤力上進係好緊要嘅！如果再加上照顧家人呢類型嘅暖男就真係好難抵抗。我本身有學日文、幾年前亦開始教日文。如果可以的話，有少少日系feel就更好喇，不過這個唔係must啦。最主要係希望佢係暖男，有少少主見。
美麗：本身我接觸嘅人同領域都比較細，主要都係接觸我阿爸同阿哥多，車隊又多中老年人。我心目中嘅理想男友係同我阿爸阿哥同一類型，似我屋企人一樣錫我就最好。而且同樣喺運輸業界工作嘅，勤勤力力嘅。我都係有一次見到秦博思倒車，我覺得好型，就鍾意咗佢囉。我心裡面嘅理想男朋友，就係要好似博士同我屋企人一樣。我超鍾意住家暖男，雖然博士都應該係，但對我就好似仲差少少， 不過唔緊要我會等佢嘅。[按：加油呀~美麗~~]
_______________________

問：你覺得點先係理想女友呢？
美麗：我比較着重物質、表面嘢。 希望任何時候都將最好嘅畀對方，就好似之前試過不停送果籃畀博士一樣。 將所有心中想表達嘅，寫詩寫信去話畀對方知。主動同坦白最緊要。
Kitty：我心目中嘅理想女友，當然係會同男朋友一齊共同進退，而且能適當咁配合佢，等佢可以喺相處嘅時間當中將各種壓力放鬆。最重要係識得煮飯，因為我自己好鍾意煮嘢食。賢妻良母嘛~ 識得煮飯當然係must。
_______________________

問： 鍾意人會唔會主動出擊？
美麗：我一定會。我會寫情信。大家都見到我每次遇到博士都會主動，撲上去，希望話畀全世界人知我鍾意佢。
Kitty：我就未寫過情信喇。我應該唔會主動出擊，但我會諗吓有咩可以進取啲，但係我唔會直接咁對佢講，主動出擊就唔會喇~
_______________________

問：出擊咗唔得，有冇試過死纏爛打呀？
美麗：我呢啲係咪叫做死纏爛打？ 唔會囉。我呢啲只不過係希望幫佢從迷途之中引導向正軌。幫佢更加了解咩先係對佢最好嘅。[按：對佢最好係咪美麗你本人？]
Kitty：死纏爛打呢樣嘢我真係接受唔到 。我會比較絕少少，yes就yes，no就no。 可以嘗試去同對方講自己嘅感受，但如果畀人regret咗之後，我會將佢放喺心裡面，但行動上唔會再做任何嘢。因為咁樣做對雙方都會舒服啲。
_______________________

問：會唔會同屋企人分享愛情事？會唔會要佢哋幫手？
美麗：我唔會呀，最多都係搵阿哥。因為阿爸都唔會鍾意博士，我唔會同佢分享。
Kitty：我唔到最尾我都唔會同我阿媽講，哈哈。幫手呀？我可能會同我老表傾呀，我會同表姐、朋友講。我同美麗一樣，唔會主動搵屋企人幫手，唔會同佢哋分享。因為好尷尬，但到一定時候我就會帶佢返屋企，到時應該可以傾啩~
_______________________

問：你憧憬嘅愛情係點呢？
美麗：愛得轟轟烈烈，要show晒畀人睇我哋有幾恩愛。我會同男朋友去café度你一啖我一啖咁食芭菲~ 好浪漫。佢鍾意咩我都買畀佢呀，有爸爸同埋阿哥經濟支持我。
Kitty：我覺得愛情同埋親情一樣，都係細水長流。當然行街睇戲食飯都會嘅，或者去吓迪士尼，食完飯行海濱都好好。唔一定做啲好物質嘅嘢。我又唔係食飯一定要男仔請嗰一類，但係餐餐AA又唔係咁好。可能佢請吓你食飯，你又買吓電話畀佢呀咁，你自己要識做。
_______________________

問：情人節，池美麗有咩想祝福鍾凱琪？
美麗：你好快啲搵返另一伴。我知Kitty工作忙得好犀利，連對象都未有。係時候要學吓放鬆，要去relax一吓。情人節一雙一對，你唔好再抱住隻貓，要檢討下﹗
_______________________

問：情人節，鍾凱琪你又有咩想祝福池美麗呢？
Kitty：情人節無錯係要一雙一對，但有時係要學識放手。睇吓附近有冇其他合適嘅人。其實你都有屋企人愛你呀，唔一定要着重一個都唔愛你嘅人。情人節唔一定食心型牛扒，同屋企人去食個大餐都可以呀。希望大家情人節快樂啦。[按：啱﹗愛自己最重要呀﹗]
_______________________
#以文夫人一開兩答 #以文夫人愛情信箱 #情人節特備 #鍾凱琪 #無綫 #TVB #開心速遞 #池美麗 #方以文問兩句

#傻強 之前喺 #愛回家 入面都試過變靚啲，今次Cosmo再幫佢變靚啲啲?！拎走毒毒眼鏡、解開鈕扣嘅傻強一秒變型男 #馮奕森！呢舊潮洲出產嘅靚肉，原來可以咁吸睛? #Cosmo睇肉貨 係咪冇介紹錯先？

愛返工之傻強速遞 ：https://mycosmo.hk/2QAdUvP
《愛回家》毒男傻強一角深入民心：https://bit.ly/2EyxVwu
立即訂閱 → https://bit.ly/SubscribeToCOSMOHK

Cosmopolitan HK: https://www.Cosmopolitan.com.hk
Facebook: http://fb.com/CosmoHK
Instagram: https://www.instagram.com/Cosmopolitan_HK