公司有個女仔係惹火尤物，我意思係惹埋啲是非同火頭，班女同事話佢成日眼濕濕扮可憐，唔知想搏乜，而男同事就話佢拋媚眼，見過佢單眼好似有所暗示，肯肯定係收兵娘娘。
惹火尤物小姐係貪靚嘅，無論衣著定化妝都一絲不苟，有乜辦法唔成為其他女同事嘅話柄吖，不過眼濕濕佢又真係有苦衷，至於單眼就見仁見智啦，我啲男同事好鬼自戀，莫講話單眼，望多一眼都覺得你對佢有意思，自信心爆晒棚。
我唔係想撐惹火尤物小姐，只係佢坐隔離，我太清楚發生緊咩事，公司冷氣咁大，佢副CON戴足全日，眼乾又灼痛咪流眼水囉，單眼都係因為副CON甩甩哋咋，長此下去不如擔心佢有眼疾好過啦。
坦白講，朝9晚6戴隱形眼鏡已經好辛苦，香港地又成日OT，眼睛乾澀在所難免，雖然我公司冇硬性規定唔畀員工戴眼鏡，但由於要見客見Candidate，所以大部分同事亦選擇戴CON，畢竟貪靚都係人嘅本性，點止惹火尤物小姐一個吖，如果還原真身，Office應該有一半人係四眼仔四眼妹。
戴CON好多時有苦自己知，有同事試過副CON乾到攝咗去眼後面，痛到要睇醫生，後來先知有一種常見嘅疾病叫乾眼症，所以喺Office一定要有支樂敦C3傍身，無論係戴軟性隱型眼鏡，1-Day CON 或者Color CON 都可以幫你滋潤雙眼同副CON。
分享下關於戴CON嘅笑料同埋悲慘經歷啦，最正嗰10位朋友可以得到樂敦C3 Moist 同樂敦 C3 Cool 各一支，個遊戲5月11號夜晚8點就截止，同你老細叫你做嘢一樣，唔使急但最緊要快！
#樂敦C3隱形眼鏡潤濕液
#樂敦C3Moist
#樂敦C3Cool
#乾眼症
#唔再眼乾繼續戴CON
