20年前今個月，張學友先生推出 #樓上來的聲音，我第一首面世嘅作曲作品，我嘅人生就從此改變。
當年版權公司講，將我個原名叫 《星期五的安靜》嘅國語demo pitch俾張學友，但學友覺得麻麻地唔會要，我都無咩感覺，一來一早自己打定輸數，四大天王點會唱自己啲歌吖咪玩啦，二來其實我心目中唱呢首歌嘅最理想人選，係當時仲喺滾石唱片嘅莫文蔚小姐。所以好快將整件事不了了之。
點知，有一日，我喺屋企人車入面一齊聽緊收音機，電台忽然傳嚟一句好熟悉嘅旋律：「樓上來的聲音/樓下來的聲音……」全個世界好似突然一片空白時間停頓。我阿媽見我怪怪咁就問：「咩事呀邦？」
「我隻歌呀！張學友唱我隻歌呀！出咗呀竟然！吖～～～～」之後斷斷續續尖叫咗成程車。
之後先知，原本俾foul咗出局嘅demo，張生攞返嚟聽，仲俾埋林夕填詞仲攞嚟做first plug。因為整個過程我毫不知情，先造就到人生可以經歷如此一次好似中六合彩頭彩嘅狂喜。
#樓上來的聲音 可能對學友嚟講只係幾百首金曲入面其中一首minor hit，但對我嚟講嘅意義非常重大。係一個新人嘅超級好開始，令其他監製歌手更肯用我作品，亦令當時好多對我玩音樂冷嘲熱諷嘅親朋戚友可以從此shut the fuck up。
回頭一望，呢隻歌最教到我嘅，其實係，a good start doesn’t mean anything。追隨我嘅聽眾都好清楚，我打後二十年沒有因為一個good start而從此風調雨順，我亦從中學識唔好為咗射入一個三分波而J足全場比賽，亦唔好因為射失一球而離場，每個得失之後都要由零再開始。唯一要做，就只有投入，努力同享受做音樂嘅過程，that’s it。
出呢個post，慶祝一下之餘，亦都提醒返自己，喂阿叔，你呢隻歌都20年前架啦，唔好好似啲廢老咁一味淨係識得眷戀從前。隻歌分分鐘老過好多而家去咗睇Mirror演唱會既人，一個20歲嘅人，莫講話你藍奕邦係乜水，分分鐘連四大天王係邊四個都唔知。所以，一定記得要keep住進步，吸收新事物，唔好比自己離地脫節，keep your ears and mind open，更唔好覺得自己年資高就大L晒，否則你只會變成一個你最厭惡嘅老屎忽。
噢，純粹一問，適逢今年創作20年，如果我揀十隻作品cover返放上youtube，唔知會唔會有人睇呢？
#多謝張學友先生
#多謝一世都多謝唔夠
#亦多謝幫我影返隻實體CD嘅朋友
#YouTube作品展可行嗎
樓上來的聲音 在 樓上來的聲音- 看板Jacky - 批踢踢實業坊 的推薦與評價
樓上來的聲音
曲：藍奕邦 詞：林夕 編曲：david tan/michael au
樓上來的聲音 樓下來的聲音
誰共誰現在做甚麼 不要緊
喧嘩作樂 為何如此吸引
寧靜時的聲音 彷彿飛不走的蚊
混雜著內心的噪音
今天假日 為何毫不吸引
靜處在家中竟有壓力
就似擔心失去價值
寧願日日夜夜大聲播 情歌
真不真實也好過
如何能將工作當戀愛進了又退
從早午晚都拉鋸那有樂趣
何不躲進浴缸裡痛快地流淚
如何能將戀愛當工作奮鬥下去
如早午晚找不到半個伴侶
何不休假 像清水一般空虛
人為何不開心 想一天到晚興奮
但願做甚麼都滿分
討好眾人 換來自己 抖震
--
※ 發信站: 批踢踢實業坊(ptt.csie.ntu.edu.tw)
◆ From: Host4-155-47.pagic.net
... <看更多>