今日上映。
-
《手捲煙》，偶有佳篇，但沙石亦多，成績中規中矩。但由於劇情同類型大路，相信仍然會得到一定數量觀眾嘅支持。
-
全片最好睇嘅部份，分別係開頭同結尾。一開波就係華藉英兵嘅生關死劫，周祉君飾演嘅雲斯頓誤踩疑似地雷，隊友智、仁、勇俱備，利用專業知識逃過大難，兄弟情義，不言而喻。
-
面對九七大限，由軍佬超(林家棟)為首嘅一群英兵須各散東西，有人準備大展拳腳，有人希望投考警察，有人舉棋不定，但喺首場拆彈情節嘅鋪墊下，觀眾唔可以唔比呢堆角色正面嘅評價，亦隱隱然認為，唔需要為佢哋嘅將來擔心，佢哋會點發展，就係電影最重要嘅命題。
-
97過後，
一眾角色嘅命運，
陷入一片混沌，
亦係電影混沌嘅開始。
-
軍佬超由兵轉賊，由回歸之後投入不同走私及中介人嘅事業，窩居龍蛇混雜嘅重慶大廈，然後同南亞青年文尼發展出一段兄弟情義之關係。
-
電影嘅核心部份，呈現舊時代香港黑幫電影嘅特色，節奏明快，亦有連串追逐同打鬥嘅情節，但喺編劇上有甚多改進空間，就好似兩位男主角情誼嘅塑造過於薄弱，部分情節犯駁同無乜設計等等，例如雖然文尼應是軍佬超亡友雲斯頓嘅情感投射，但我亦難以相信心思細密嘅軍佬超會咁大安旨意放一個危險人物喺屋企;而文尼街頭追逐一段，亦過於順理成章，明知有人刮緊自己，又點可能會咁樣走?另外，部份演員亦令我出戲，白只每次出場，我都覺得喜感大於兇狠。
-
唔講一，唔講三，講義。
唔講風，唔講雨，講雷。
-
電影最吸引觀眾嘅台詞，喺人物描寫薄弱嘅基礎之下，亦會顯得蒼白無力，正當我以為電影似乎無力回天之際，電影嘅結尾迎嚟咗一段別樹一格嘅動作長鏡頭，電影角色各懷鬼胎，見利失義，但主角軍佬超同文尼能夠突破私利嘅枷鎖，救咗對方，亦係對自己一直以嚟惡行嘅救贖。
-
對電影寫咗唔少批評嘅睇法，但如果將作品放置喺香港社會嘅框架去睇，有另一番趣味。電影開頭同結尾，指涉嘅係香港回歸之前，同埋
2019年6月11日之後，回歸之前意氣風發，香港遍地黃金，有繼續大展拳腳嘅憧憬 ; 而1997年至2019年6月，喺編導眼中，就係一個混沌迷失嘅時代，踩到炸彈可以大難不難，但避唔開股災嘅洪流，兄弟情義，人與人之間嘅關係，被利益所掩蓋，令軍佬超成為一個孤獨而被兄弟離棄嘅人。
-
電影嘅結尾，係軍佬超還清欠債，繼97回歸之後再次[重新起Q]，點解文件顯示嘅日期係2019年6月11日，而香港喺嗰一晚，又發生咗咩事? 相信有心人自有意會。
-
電影嘅宣傳口號係[徘徊迷陣，寄霧重生]，徘徊夠了，就是重生的時候。611之後，香港會點?香港人又何去何從?每一個香港人，都會有自己嘅見解。軍佬超同文尼喺故事之間嘅情義，拚死互撐，相信就係《手捲煙》嘅答案。
欠債走佬 在 香港欠債還錢1.0 - Facebook 的推薦與評價
我大佬謝志傑竟然仆撚街到，賭輸咗錢，冇錢畀屋企， 問我哋老豆借錢，借唔到就發我老豆脾氣，即刻走入廚房攞菜刀斬我哋老豆 ... ... <看更多>