喺荷蘭Lockdown嘅意外收穫
IG: @ally_blahblah
https://instagram.com/ally_blahblah?igshid=1jtemurbno3q7
琴日荷蘭政府宣佈更嚴厲嘅封城措施。包括關閉所有「非必要」(non essential) 商店、限制每個家庭訪客人數、學校要網上授課等等。
對於好多人來講，進一步封城固之然有好多負面嘅影響，例如小店收入大受打擊、市民唔能夠出外用餐慶祝節日、甚至乎連家庭聚會都會受到影響。
不過，凡事有正反兩面。筆者身邊有人從來冇因為唔出的街而唔開心，原因係「唔需要參加冇必要嘅社交、少咗去餐廳食貴嘢、慳到好多錢」。所以呢，任何時候都可以有人歡喜有人愁。
至於筆者亦因為封城而有意外收穫：睇多咗好多有用嘅書！封城前個個星期要喺公司同學校之間奔波，又要出差，每一兩個月又可能會去吓旅行，其實睇書嘅時間真係唔多。但自從封城之後，就多咗好多平日本來會用嚟通勤、化妝打扮、同埋出差旅遊嘅時間。為咗唔好浪費光陰，我一有機會就會買書同睇書。
由於西歐嘅電子商務/網購嘅服務相當唔錯，所以買英文書真係好方便。基本上訂購幾日之內就會到貨，而且係直接同出版商買，會平一啲。平均每個月我都會花費幾十甚至百幾二百歐喺買書度。
買咁多，睇唔睇得哂呢？話說我睇英文其實快過中文（掩面），有時候專心起上黎一個星期可以睇完一兩本。我都想睇多啲中文書㗎！可惜買中文書就會難搞啲，一般要從亞洲寄過黎，有時候歐洲仲會另外收稅⋯⋯
有讀者可能會好奇我點揀書？
其實好多社會上有影響力嘅人都係愛書之人，不時都推介好書俾大家，比爾蓋茨就係一個好例子。另外我都會留意唔同報社嘅年度書單；一般我比較留意嘅喺金融時報（Financial Times)，因為佢地嘅書錄好詳盡咁分為唔同類別，方便讀者揀自己鍾意嘅書。
至於類別上，我比較傾向睇個人成長、心理、謀略、哲學、歷史同政治等嘅書籍，比較少睇小說（金庸小說除外）。
所謂開卷有益，每次睇完一本好書都會覺得有所進步、獲益良多；閱讀嘅時候可以好好梳理自己、思考人生。所謂腹有詩書氣自華，大家喺冇得出街嘅日子，不妨多睇一兩本書，或者緊貼我嘅專頁，定期爲大家推薦好書啊！
大家又鍾意睇咩書呢？如果有好嘅推介，記得留言同大家分享啊！
#移民 #移民歐洲 #移民荷蘭 #荷蘭 #西歐 #出國 #留學 #歐洲讀書 #歐洲工作 #歐洲生活 #荷蘭公司 #歐洲公司 #荷蘭生活知多啲 #香港人在荷蘭 #香港人在歐洲 #香港人加油 #搵工
歐洲移民 推薦 在 移民欧洲不知道如何做选择？四个维度教你权衡取舍 - YouTube 的推薦與評價
你知道吗？这个世界上除了加拿大，美国，澳洲，新西兰，英国之外，还有一个地方也是国人 移民 的好去处，这就是 欧洲 ， 欧洲 并不是老牌的 移民 国家， ... ... <看更多>