多謝各位特登嚟書展搵我簽書。
講到「文字」，晌呢個年代，肯讀您寫嘅嘢，而又肯畀個Like您嘅已經算得上慷慨解囊。
而您地，肯付費買書拎上手閱讀嘅，實在稱得上係助養山區小童嘅善長人翁，功德無量，我極力認為書展會場係應該播返首歡樂滿東華主題曲。
一部作品能夠出版成書係經過好多人嘅嘔心噴血。編輯、設計、校對、排版…等等。而出版社肯投資印刷書籍大家都知他一直在玩命.jpg，要發達嘅不如去抄過抖音apps好過。
咁係咩驅使大家仲繼續搞書？
其實就係大家對文字嘅愛同埋執著，大家喜歡閱讀嘅樂趣，喜歡拿著書本在手中嘅感覺。
晌呢個年代，當潮流愛新鮮，我地都有太多娛樂選擇，可以打下機跑下online抖下音，而你地，肯花時間嚟書展買書睇書搵我簽書，實在是教我致予千句有聲感謝，無言感激，亦晌呢度多謝明報出版社，同當日幫手維持秩序嘅各工作人員。
書展去到星期二，如果您有喜歡嘅作者，喜歡嘅出版社，唔好猶豫，請去支持他們，助養一下呢一班對文字仍然好執著嘅山區小孩。
再次再次多謝呢兩日嚟搵我傾計見面嘅您地，有d兩年都有嚟嘅老朋友、有d一家大細嚟嘅、有d分享咗自己故事嘅、有d拖埋女友嚟sweet行嘅、有d考完試上咗岸嚟威嘅同學仔、有d完場前趕上嚟嘅、有d張我本書包得好靚拎過嚟嘅，多謝您地！
您地每一句支持鼓勵嘅說話，都係最好最華麗的催稿良言。
.
.
.
我知喇，我會快手架喇。
下次見。
#明報出版社 #小明文創 #離奇家遮 #香港書展 #真人真事 #恐怖 #鬼 #鬼故 #靈異 #書展 #書展2018 #文字 #口耳相傳的香港鬼故事 #催稿請進
感謝Calvin 分享相片
ig : donotsayhello
歡樂滿東華主題曲 在 歡樂滿東華主題曲- YouTube 的推薦與評價
Share your videos with friends, family, and the world. ... <看更多>