ViuTV《打天下》第二周，街坊情聖「OPPA馬」，變成愛情「勵志片」？
～ 本來以為《打天下》的主要愛情線是談善言和AK，點知搞錯，原來主要愛情線還是由「OPPA」馬剛正負責，這星期同「OPPA馬」有關的愛情線，包括對他舊愛難忘的，還有丁點曖昧的前女友曉琪(袁綺雯 飾)，對他若即若離，仿似等他告白的師妹可麗，還有因「OPPA馬」care暗戀他的學生妹小玥，真係感情生活豐富，這星期除了空手道劇情，相當多篇幅都是描寫大叔的愛這些情節，悶唔悶，年青觀眾可能覺得悶，但同樣是大叔就覺得好勵志，一個街坊look大叔還可同時吸引咁多女生，連學生妹都有，真是十分FF，這是給男性大叔看的愛情劇，真是睇得投入過韓國俾女性FF的愛情劇！不過，「OPPA馬」處理愛情拖泥帶水的熊度，真是類似他那年代的經典愛情故事《橙路》，唔好再拖咁耐啦，講到尾其實我最想睇空手道！OSU！如果連Kathy仔都冧「OPPA馬」的話，要停睇了！
～ 第七、八集多了關於空手道的情節，比較喜歡這兩集。
～ 關於運動空手道和實戰空手道點解水火不容，其實可以俾多些情節去解釋，而家只是行內人知，莊惠有苦自己知，觀眾未必好清楚。黑社會情節唔多關空手道事，其實唔駛咁多。
～ 朱柏康這奸角做得很好，可能佢先係最後大佬。
～ 等了很久的張建聲終於多戲了，這角色其實起得比較遲，早點不斷去釘死馬剛正會更好劇力，好過成日要人睇「OPPA馬」談情。
～ 第十集又見到何華超客串，有驚喜！
#ViuTV #打天下 #歐錦棠 #文頌嫻 #談善言 #江𤒹生 #葉麗娜 #張建聲 #李潤褀 #楊英偉 #王頌茵
