行完山食個風味 #燒賣、 #豆腐花 😋！
#一至一個半鐘嘅親子郊遊行程
學識 #標距柱
.
一次過分享2日嘅行山路線，因為2次目的地都係同一個地方嚟！
.
點解我哋會同一個地方去2次呢？！🤔
就係因為有小朋友話要去食「燒賣」囉！😋😂
.
第一日嘅行程比較短，喺屋企食完個靚早餐之後，悠悠閑閑去咗水泉澳邨，喺城泉樓巴士站落車後開始搵路上山，今次嘅路線比較容易，加上沿途都聽到流水聲😌，分外覺得寫意，大哥哥更話 “啲水聲好似音樂咁好聽” 🎶🎵，我哋沿住 #慈沙古道 經 #沙田㘭燒烤區一號塲，再到 #衛奕信徑第五段 嘅沙田坳休息，去到目的地就朝聖 #恆益商店，我哋買左豆腐花、魚蛋、燒賣，坐喺郊野公園嘅枱櫈慢慢食😌，天氣又好空氣又清新真係好正，當時已經諗好值得再嚟！
食完嘢之後八卦行咗去附近嘅 “沙田㘭半島獅子花園”，原來只係一個小小嘅休憩公園😅，不過 #獅子亭 都多人打卡，我哋最後經 #紫竹亭 一直落山去到慈雲山，仲去埋傳說中嘅 #慈雲山中央大球場。
當時仍可以堂食至10:00pm，所以我哋喺附近食啲嘢至慢慢返屋企😋，美滿嘅戶外活動！
.
第二次再去，係因為有小朋友話好想再去恆益士多食燒賣😆，加上我哋都覺得呢個目的地可以Encore，所以又再一次出發！
因為想行另一條路去目的地，所以我哋選擇由新田圍邨巴士站開始，穿過沙田頭新村六區 向上行，一開始行已經見到野豬😳，今次經 #畢架山引水道 ，沿路都係老少皆宜嘅路段，衛奕信徑第五段 一路行到目的地，當然要幫襯恆益商店啦，我哋上次食咗4碗豆腐花加1碗燒賣魚蛋，今次就總共食咗4碗燒賣魚蛋🍡同2大碗豆腐花🥣😅，👧🏻👦🏻🧒🏻3個話 #魚肉燒賣 好好食😋。
買嘅時候同店內姨姨傾計，原來佢哋嘅燒賣同出面嘅唔同咖，只可以喺佢哋度至食度！😋
另外，亦好欣賞恆益有個自助配料枱，可以俾客人自己加鍾意嘅醬料，當中有豆腐花嘅糖水之餘，仲有薑汁糖水👍🏻👍🏻👍🏻😋。
食完之後又有自助回收區俾大家廢物分類，為環保出分力。👍🏻😊
唔怪之得，咁多行山友一定要食返個燒賣、豆腐花至走啦！
.
PS：佢哋行山時經常都見到一啲小柱上面寫有一啲號碼，原來呢啲柱叫「標距柱」係緊急時方便行山人士知道自己嘅位置以便救援，號碼由西貢起點至到屯門終點M001-M200！
大家行山時一齊留意吓呀！😊
.
.
#戶外活動 #家庭活動 #郊遊好去處 #假期活動 #健康活動 #聖誕活動
#香港媽媽 #媽媽博客 #親子博客 #親子blogger #本地媽媽 #全職媽媽 #三年抱三
沙田㘭燒烤區一號塲 在 #沙田坳燒烤場 - Jelajah | Facebook 的推薦與評價
諾晴教育中心Fine Education Centre berada di 沙田坳燒烤區一號場. · 10 Disember 2019 · Hong Kong ·. 【逆行計劃- 冬季課程】. 冷冷的冬天來了. ... <看更多>