【真人版海賊王｜黑鬍子Blackbeard】
「 想要我的財寶嗎？想要的話可以全部給你。去找吧！我把所有的財寶都放在那裡！ 」有冇諗過現實都有一個同哥爾・D・羅傑一樣擁有財富、名聲、勢力嘅海賊？呢個人就係真名為愛德華・蒂奇嘅黑鬍子 Blackbeard。
黑鬍子係世界航海史上惡名昭彰嘅海盜之一，率領住安妮女王復仇號（Queen Anne's Revenge）同冒險號（Adventure）去劫掠財富，特別活躍於1716年至1718年。黑鬍子同我地想像中嘅暴虐海盜唔同，佢厲害之處在於，擅於利用自己令人畏懼嘅名聲去恐嚇被劫掠者，並唔係使用武力。根據記載，佢從未殺害任何俘虜，而且佢嘅船員都係真心服從佢架。
不過1718年，黑鬍子就死於英軍梅納德（Maynard）中尉手上，挨左5槍、被刺20刀。雖然佢只喺活躍左幾年，但佢都屯積左大量財富，但寶藏下落不明。有傳說佢每次藏寶都只帶一名手下，並會趁手下唔為意時下毒手，然後連人同寶藏一齊埋起嚟。因此，佢寶藏嘅位置一直係個謎，機會嚟啦飛雲！
------------------
◆ 每日分享知識、每月提供課程
◆ Beginneros網站：https://www.beginneros.com/
