《亲》
早排因爲雙十一嘅原因，身邊好多人都瘋狂淘寶淘到要斬手指。相隔左接近一星期，大家都開始談論緊究竟幾時可以收到貨，而呢個話題亦都令我諗起幾年前既一件趣事。🤭
我以前都好鐘意淘寶，當岩岩學識左點樣淘寶點樣集運之後就好似發現新大陸痴L左線咁，乜野狗屎垃圾都買一餐💩。而其中一樣我最鐘意淘嘅野，就係mon貼，因為比起香港買真係平太多，10蚊就可以淘到一塊，跌爆左都唔會心痛。🤤
有一次我又淘左一大堆iphone mon貼，係屋企裸跑住咁等收貨(講緊部iphone😙)。
結果送到黎變左兩碌木。:0)
我望住兩碌一米長既木，完全唔明點解送錯貨可以錯得咁離譜，究竟mon貼同碌木有咩共同點？由於其他貨都無送錯，相信係集運嘅時候group錯左，同時我發現碌木張運單有寫真正收貨人地址同電話，所以我膽粗粗打左比碌木嘅主人。
我: 😞 碌木主人: 🌴
🌴:「喂？」 (係女黎!)
😞 :「喂，你好呀，你係咪XXX呀?」
🌴:「你係...?」
😞:「er..er...唔知點講好，其實你唔識我，我想問呢...你係咪買左兩碌木？」
🌴:「吓?」
😞:「無呀...其實因為我岩岩收到你碌木，我諗係淘寶送錯左呀」
🌴:「哦! 係呀! 吓!咁點算呀!」
😞:「一係咁啦，橫掂都要退貨，不如我直接寄返比你啦。」
然後我真係落左樓下順豐寄返兩碌木比佢。返到屋企我whatsapp比碌木主人，通知返佢發左貨。
「唔該哂呀！運費幾多呀？我過返數比你」
我仲懶幽默咁覆佢：「亲！包郵的唷！」
結果我嗰次淘寶，除左收唔到貨，仲要貼錢送貨比人，最後仲得到一個已讀不回。
自此我都無乜再淘寶了。
#好人好事 #淘寶
淘寶退貨順豐運費 在 #分享淘寶退貨順豐速運 - 網路購物板 | Dcard 的推薦與評價
之前在淘寶上買了件羽絨外套換算臺幣大概是300元吧！照賣家建議選碼太小了，決定退貨。️STOP！我知道有人會說幹嘛退貨？一單的運費差不多可以買什麼 ... ... <看更多>