響新聞睇倒劉兆佳話「中央正把香港地位稍為降低」，我聽完就想笑：因為呢D講法就好似啲動畫入面爛到唔爛嘅傲嬌情節，「我先唔係真係重視你！」其實中國大陸響近呢三五年，一直都好努力咁吹香港淡風，除咗不停歪曲歷史講到香港經濟發展全賴「祖國」支持、好似金融風暴、沙士都係靠大陸一手拯救危機之外，就係不停吹捧深圳GDP經已超越香港，後者已淪為二線城市云云──
分別只在於以前香港班狗官奴材都仲有啲身為香港人嘅些微自尊唔肯跟住講，而家就連呢啲Dur廉恥都無埋而已。
其實響過去十幾廿年，中國大陸各大省市縣之間響張五常口中嘅「縣際競爭」鬥過你死我活，以各種窮奢極侈辦工大樓聞名嘅「形象工程」，其實並唔係滿足官員嘅暴發戶心態、又或者搞貪污中飽私囊咁簡單，而係一定作為一種展現政府財力嘅示範，令國內外投資者覺得擺錢響度有可為。響呢個激烈嘅競爭過程中無數省縣主被淘汰，
但即使係咁，殘存落黎嘅城市其實停止過相互淘汰嘅嘗試，而深圳所謂今時今日「全國創科重鎮」嘅地位，背後就有廣州市落敗嘅痕跡響度──睇過唔少大陸文章提過廣州點樣曾經嘗試挑戰深圳，失敗後性質相近、距離又近嘅城市資金、人材同企業，無可能唔被吸收過去。基本上深圳就係傾中共全國之力「打造」嘅掌上明珠，輸比佢又有何意外？
再者，響呢十幾廿年經歷過經濟高增長、但大量伴隨而來嘅社會問題同貧富懸殊，好多香港人已唔再覺得GDP係一個乜嘢值得自傲嘅數值。大量大陸資金、旅客流入嘅代價就係樓價高企、生活成本劇增、甚至連落個街行都要同班大陸人迫；更加唔好講工作、學業嘅機會都逐步比佢地蠶食，結果對好多中下層黎講，佢地響享受「內地幫香港」所帶黎嘅經濟好處之前，已率先付出代價。而家大陸話唔重視香港，佢地高興都黎唔切添。
仲記得以前仲有唔少香港人好鍾意同新加坡比較邊個城市叻啲，好驚星加坡同上海過香港頭，而家經已處之泰然，更何況係深圳？單純對住GDP呢D硬數據黎打飛機，只係一種冷戰時代嘅化石思維，明明蘇共就係因為咁而滅亡，中共都仲係要蠢到將呢條舊路行多一次。
掉番轉，中國大陸正正就係害怕香港對國內嘅影響力，先至會咁著緊去打擊香港嘅抗爭運動，甚至不惜犧牲統一台灣嘅機會。試諗下，響「反送中」之前，國民黨以韓國瑜為首嘅氣勢幾好？台南地區一樣出現嚴重嘅城鄉差距、年青人難以向上嘅問題，而中共就係打算透過「香港模式」，透過自由行、大舉投資、台媒入滲，逐步建立起台灣人對中國大陸嘅好感；
但「香港模式」要成立，大前提香港就要做好示範單位。本來響《逃犯條例》修訂撤回後，只要響香港政制上面象徵式作出少少讓步，基於飯民一定會因少少利益而跪低，成件事就會化解於無形。但由習近平決定用最野蠻嘅方法鎮壓抗爭開始，台灣人就以前好鍾意番大陸嘅香港人一樣，突然間清醒咗──結果因為要搞掂香港，而放棄咗台灣過去十年八年嘅一切滲透努力，你話香港對習近平黎講重唔重要？
習近平而家下一個狂想，就係想將香港金融制度搬過去深圳，逐步取締香港作為金融中心嘅地位。其實呢個係由清朝統治者一直延伸到現代嘅「中學為體、西學為誤」嘅謬誤，一心妄想只要將制度照搬過黎就可以即插即用，卻唔明白外國制度注重嘅係背後嘅精神，條例只係呢種精神嘅彰顯。
最簡單嘅一點就係，金融系統係應該以投資者嘅權益作為凌駕一切嘅優先考慮，任何其他因素都只能擺響次要；但中共所有制度卻優先為黨服務，剩係呢樣嘢已令中國大陸所有「金融中心」響過去廿幾年搞黎搞去都取代唔倒香港，之後再多廿幾三十年都唔會改變倒呢個現實。
清朝統治台灣幾年 在 在1624年荷蘭人在台灣建立政權之前 - Facebook 的推薦與評價
1895-1945年，日本殖民統治台灣，有50年。 中日甲午戰爭，中國割讓台灣給日本， 日本帝國在台灣設置總督府， 是帝國政府轄下進行殖民地統治的地方政府。 ... <看更多>