暑假又開始，與其日日喺商場涼冷氣，倒不如帶小朋友去沙灘玩玩沙吹吹風🏖，是一個健康而又免費的親子活動。
呢日同亨亨柔柔去左 #清水灣泳灘，因為怕天氣太熱，所以我地差不多下午三時才出發。
清水灣泳灘分一、二兩灘，二灘較大，人流較多。不過做了一下資料蒐集，如果冇揸車的話最好還是選擇到二灘，因為設有巴士及小巴總站，一灘的話是中途站所以較為不便。
雖然係平日，不過因為放暑假，所以也較為多人。泳灘的設備齊全，小食亭、更衣室丶沖身丶浮台等設施都有。大清算是比較易去又近市區的泳灘，但難得的也算是水清沙幼。
柔柔第一次接觸「沙」，當她首次踏觸這個沙地時，就怕得哭起來，不過後來拎d畢沙玩具同佢玩，佢已經慢慢地接受了。而亨亨雖然只係第二次到海灘，不過一向愛玩沙的他，就表現得興奮莫名。
而今次帶佢地黎，主要都係諗住俾佢地玩下沙踩下水，所以就冇帶水泡。不過其實小朋友砌下城堡，拾下貝殼，已經足夠消磨半天時間。而最後亨亨當然耍賴不願走，而其實泳灘於6pm便沒有救生員，所以在廣播的時候可以趁機告訴他，救生員哥哥要收工所以我地都要離開了。
離開途中，亨亨已經嚷著要我下次再帶佢黎玩😂。
#清水灣 #下水禮 #親子泳灘 #西貢好去處 #清水灣二灘 #大清 #clearwaterway #香港海灘
#四月媽媽手記 #hkbaby #hkmami #hkblogger #親子 #香港媽媽 #親子日記 #育兒日記 #親子好去處 #hkkol #親子blogger #hkmom #香港媽咪 #wearehkkid
