【九週年的難忘時刻之（五）】
尋日同大家講過自己最開心嘅一次訪問，寫咗咁多年，更加開心當然係大家有興趣睇我嘅文章，曾經俾一啲名人share過，例如當年九把刀share咗我篇《那些年》，點擊率接近一日過萬，但果篇再高都唔及呢一篇。
大家興睇色情喜劇，可能要數《肉蒲團之極樂寶鑑》或者《一路向西》，但當年兩集《金瓶梅》其實都唔錯，可能當時唔算好爆，而小弟又真係走去寫，結果呢一篇《金瓶梅II：愛的奴隸》至今仍然係我點擊率最高嘅文章，我到依家都仲等緊有冇下一篇可以破到佢。
寫咗九年，我自會知道最高點擊率嘅戲，一定永遠唔會係大片，可能偶有發生，但可能大家點都會睇，所以一到大片例如近期《盜墓迷城》、《加勒比海盜：惡靈啟航》、《狂野時速8》等，其實冇乜人篤，反而有話題性嘅戲就好多人點擊，例如年初嘅《天煞異降》、《藥到命除》，當然唔少得一眾「咸片」如《濕濡的女人》、《不是色情電影》等等。當然，多人睇又好、少人睇又好，咁多年嚟我都一樣照寫可也，成為咗一個習慣了。
九年嚟，我新舊blog已接近2,000篇文章，點擊人數已有400萬（目標今年突破500萬），如果以人頭嚟計，可以話超過一半香港人口都支持過小弟？XD
你又估吓，呢九年嚟最感動嘅第一個數字，係喺幾時發生？
濕濡的女人 在 去你家吧！日本这电影尺度太大了！《湿濡的女人》 - YouTube 的推薦與評價
妹子一言不合就扒下衣服，我都湿了，去你家吧！日本这电影尺度太大了！《湿濡的女人》 ... 《沐风之女》是一部日本大尺度的那啥电影。该片由盐田明彦执导， ... ... <看更多>