《其實發姣真係絕不可恥》
實不相瞞，我係瓊瑤嘅fan 屎，中學時代，成set 瓊瑤我都睇過。當年有個同班同學見我上堂唔訓覺睇瓊瑤，佢話：「好心你唔好咁沉迷啦，姣婆先睇瓊瑤架」。個刻真係心有戚戚然，我心諗，都已經偷偷地發姣，姣得咁暗啞底，都要揭發我咁陰質嘅。
瓊瑤加亦舒加張小嫻，呢三寶真係姣婆恩物，我真係無貶義，佢哋真係寫得好煽情，好多愁善感，好適合發姣人士閱讀，中學睇真係好啱feel。有人話呢三寶真係好濫情，女人睇完癲癲得得。其實而家啲泡菜劇，《來自星星的你》，《太陽的後裔》同樣都係姣婆恩物。呢啲作品描述個種愛，愛到痛不欲生，痛到「日日M come」，好似盲腸炎割完仲發作咁，但個市場根本「年年月月晚晚朝朝」都好需要呢類濫情作品。
所以無咩理由要恥笑鄺神...
「鄺神男人老狗咁濫情，真係好嘔心」。就係男人老狗都成為到姣婆恩物，先值得佩服，鄺神抒發情感去得咁極致，你feel 到佢平時擠牙膏都會用過膠機擠出最後一嘢，佢先放手。香港咁功利，真係點孕育鄺神呢份去到咁盡嘅情感？
又有人話鄺神係文壇修哥，寫嘢「漏口」，唔係點會寫嘢一截截，將中文用英文個format 寫，每個字都加個space，標點符號「buffet化」。我覺得大家要接納新嘅創作型態，正如當初大家都反對白話文，而家竟然列入教課書，難保他日literature係研究鄺俊宇而唔係Shakespeare。
而最重要係，don't argue with success，鄺神個種情感係吸引到一大批擁躉，佢就好似王晶咁，可能電影界別，好多人睇唔起佢，但無人會睇唔起佢個票房。百貨應百客，如果你呢個moment好想發姣，鄺俊宇真係可以助你一把。
濫情女人 在 容易“濫情”的女人，身上具備的特性，很準 - YouTube 的推薦與評價
两性情感#两性知识#老年情感歡迎免費訂閱：https://www.youtube.com/channel/UCDh_-obwsDUf9_312bdCzuA大家好，這裏是夕陽紅頻道，關注老年人身心健康 ... ... <看更多>