朋友係莫文蔚忠實fans
尋晚之前嘅好幾年，耐唔耐都會出post講呢位偶像
唔係一時三刻就可以真正認識一個人
至少你陪佢走過一段日子，先有說服力
分享朋友寫嘅短文一篇
// 香港人與莫文蔚
莫文蔚上叱咤，網民反應實在有趣：「50 歲大媽」、「個樣真係變咗火雞組」、「無端白事掃古箏」、「表演似流行經典 50 年」、「唱歌似汪阿姐」。
當然還有：藍絲廢老護旗手「返大陸唱央視春晚啦」。
連登最頂癮，為佢起了個新朵，「樂壇馮檢基」，成 50 歲仲霸住個位，阻住啲後生仔衝。
我最愛的女神入行廿幾年，明明是土生土長香港人，卻總是與香港擦身而過，實在可惜。
她曾經將最好的留給香港。1996 年的粵語專輯《全身》全裸上陣，2001 年的《一朵金花》劍走偏鋒玩電音，樂評都一面倒讚好，但在香港唱片鋪無人問津。
她去台灣發展，大路 K 歌街知巷聞，拿過兩次金曲歌后。然後她與香港愈行愈遠，幾乎不再唱廣東歌。上內地歌唱節目、央視春晚……然後在去年香港最動盪的日子，她在微博祝賀「祖國生日快樂」。
今日叱咤舞台上，莫文蔚與香港重聚，可惜來得太遲。唱足 14 分鐘的廣東歌，明明是向香港文化致敬，但伴著網民的謾罵聲，怎樣聽也不對味。
有人話香港人品味太差，唔 deserve 莫文蔚，我同意。但我想，或者莫文蔚都唔係好 deserve 今時今日的香港，這個大是大非大時代的香港。 //
火雞姐連登 在 全民造星IV選拔｜火雞姐／阿慈／利君牙5大女神級YouTuber起底 的推薦與評價
同場加映：連登票選YouTube 界女神10 強逐個介紹. 除了ViuTV 有新節目，連登論壇一向對美女YouTuber 十分留意，早前就有網民發起多次二選一投票 ... ... <看更多>