【復活節唔通真係會復活咩？】
復活節將到，全公司陷入一片混亂瘋癲狀態。你以為復活節只係需要做復活節活動？少年你梗係唔係Agency人。
君不見暑期活動聖誕活動公司周年派對諸如此類只有更多濕碎嘅事要做，做research、寫proposal、見客、睇場、同contractor開會、申請政府牌照、寫稿、聯絡記者等等等等，仲要各個粉葛蛋散間中頂心頂肺，朝朝早返、晚晚開夜，真係人都癲。當各位市民一眾活動係差不多時間先開波？一個event或者campaign背後付出嘅人力物力汗水淚水時間同我哋呢班公關仔僅餘嘅青春，真係水蛇春咁長！
而往往，係無人會記得我哋呢啲日以繼夜、日曬雨淋嘅付出，只係會記住個活動點解要排咁耐隊呀？點解唔派多啲Souvenir呀！場地安排唔夠好呀，遊戲唔夠好玩呀… (下刪數百項投訴)
依家全Team人嘅眼袋好似成條牙膏咁粗唔在講，個個都面如死灰。我哋呢班返係日頭返工嘅公關，但都好緊張個樣嘅。即使日日波鞋爛撻撻咁返工開OT，但見客都要著返靚啲架！所謂輸proposal都唔輸陣。
呢排女同事們個個怨上唔到粉，殘到爆，男同事就更加唔駛滿面鬚根都獻世咁嘅樣。大家垂頭喪氣期間，友人建議不如試下Nu Skin嘅PowerMask，一星期敷一兩次，每次15-20分鐘就可以做到home spa，而且男女都得。嘩，靚唔通真係羨慕或者望下人地就得咩？
至於會唔會用咗好似達哥或者Yumiko咁，大家就要自己試下。公關仔諗諗下，不如巧立名目屈老細攪個復活節大抽奬，等大家夜晚開OT可以「疏乎」下。
當然，好嘢最好梗係買返屋企嘆啦……若果我有時間返屋企的話。
#MoistureRescueQuickFixPack #NuSkinPowerMask #速效深層水磁面膜 #ageLOG #GalvanicSpa #特約廣告唔睇都睇下呀喂 #剩返少少嘅青春好快就用完 #一年嘅循環係新年CNY情人節復活節暑假中秋聖誕 #然後中間加插N咁多LAUNCH問你死未 #有屋企邊個想OT
