【父親節之旅 - 本地Staycation – 北角匯x 香港維港凱悅尚萃酒店】（上）
#文末有快閃giveaway🎉
因為疫情原因，我哋本身上個月計劃好嘅第一次一家四口日本之旅都被迫取消，真係有啲傷心。不過唔緊要，我今次就安排咗一個 #本地staycation 當做父親節禮物獻俾親愛嘅老公，俾佢做返一日皇帝啦😂。
我哋今次參加咗北角匯 x 香港維港凱悅尚萃酒店聯乘推出嘅【櫻花祭主題酒店客房套票】，我哋入住嘅係尊貴海景客房，一入到房成家人都「嘩嘩聲」，因為係第一次見到咁多咁大玻璃嘅酒店房呢！原來呢間主題客房嘅花藝裝置由國際知名花藝設計大師區錦華設計🌸，再加上櫻花味香薰，同埋櫻花食品、飲品及沐浴用品等，我覺得自己好似真係去咗日本咁呀🇯🇵！成間房望晒維多利亞港咁滯🌆，忍唔住喺酒店房不停影相打卡，兩個小朋友最開心，因為疫情後第一次離開屋企瞓，哈哈。
之後梗係上頂層體驗吓 #無邊際泳池 啦🏊🏻♂，可能真係太耐冇試過一家人出去玩喇，金寶湯超開心，而忌水嘅羅宋湯仍然係怕水，不過有爸爸拋高高都俾面肯笑吓，只係一落水就變樹熊要攬實爸爸姐🐨，望住成個維港游水真係好舒暢呢😘。
話明幫老公慶祝父親節，晚餐我哋選擇食好啲！我哋選擇係酒店加錢食埋自助Buffet，食物都幾多，有長腳蟹、龍蝦、刺身等海鮮，仲有足料熱食，同埋雪糕等甜品，一家大細食到肚漲漲咁離開。
之後落街散步，梗係要去吓櫻花樹下拍照打卡啦🌸！呢個 #櫻花祭 有廿棵唔同大小高矮嘅樹，係最近網上熱烈討論中呢！（下集再同大家介紹吓）夜晚冇咁熱，係咁影相都唔怕流汗，兩位公子走來走去，睇吓附近住客係度散步跑步🏃🏻♀，老人家聚埋唱下歌🎤，成個感覺好和諧，真係唔知幾耐冇見過呢啲畫面了。
返到酒店房兩位公子好快就入睡🛌，老公同我趁佢哋瞓著就上頂層酒吧，嘆杯櫻花特飲chill吓🍹，連唔飲得酒嘅我都覺得呢杯特飲好好味，有啲似柚子梳打，好易入口，（當然我又係好快面紅紅啦😳）因為驚佢哋會紮醒，所以好快就落返房了。
第二朝兩位公子好早就醒咗，我哋落去The Farmhouse食埋早餐buffet，因為今次呢個Package只包2人早餐，所以我就加左少少錢就可以全家人一齊食，食物嚟講都算多，我哋食咗差唔多個半鐘先返房，然後老公就帶哥哥游多次水，我就陪弟弟再眠一眠，張床超好瞓呢😍，中午12點就依依不捨咁check out同酒店告別。
老公話今次呢個本地staycation佢好滿意，話我揀得好好呢，兩個仔玩得盡興，又食得好，我哋夜晚又可以偷偷地去chill吓，佢又有得做吓gym。今次呢個package除咗老公好滿意外，連喵奴我都好滿意！我check out完仲可以用埋package包嘅美妝服飾等贈券去北角匯行街買嘢同裝扮吓自己，呢個package真係好貼心😍。
【#櫻花祭主題酒店客房套票】
即日起至6月28日，於北角匯以電子貨幣消費滿HK$2,500，憑指定消費發票便可用HK$620或HK$1,020換購套票，尊享櫻花祭主題套票內的獨家升級版迎賓禮遇，總值高達HK$3,933！
➖➖➖➖➖➖➖➖➖➖➖➖➖➖➖➖➖➖➖
‼️現送出北角匯$100美妝服飾贈券（乙張）及mini g Salon HK$50美髮美甲贈券（兩張） 俾10位讀者🎊
🎉【Giveaway活動參加辦法及詳情】﹕�
1. Like and share Harbour North 北角匯 同 #金寶湯與羅宋湯 Facebook page (設定為公開）�
2. Like & Share 此Post (請設定為公開)�
3. 喺留言上tag 5位朋友，並留言 「 #北角匯 #型櫻帥父親節大獎」
4. Like 金寶湯與羅宋湯最近3個post（如果留埋言會增加中獎機會㗎🎊）
🙏🏻最好like 埋我ig 啦：@catsnbaby
【截止日期】2020年6月18日 23:59pm‼️
【條款及細則】
✔ 得獎者須於24小時內聯絡本人
✔️ 得獎者需於6月20至6月30日期間到北角匯領獎
✔如有任何爭議，#金寶湯與羅宋湯小喵奴是怎樣煉成的 保留此活動的最終決定權。
———————————
❥👍🏻IG: instagram.com/catsnbaby
❥👍🏻FB: #金寶湯與羅宋湯
#父親節好去處 #親子好去處 #北角匯 #harbournorthhk #香港維港凱悅尚萃酒店 #自助餐 #chill
父親節活動設計老人 在 悠然綠園-長者安心幸福的市內桃花源 - Facebook 的推薦與評價
2018-08-07 『歡慶88，父親節活動第一彈~ 巧手拼貼畫!』 一年一度的父親節將在明天 ... 綠園社工實習 ... ... <看更多>