【到期】
世上每一樣東西都有一個到期日，越近到期日 ，價值就越低，因為佢將會被淘汰，消失喺呢個世界！
過去三日，買咗六包🐭糧，因為就嚟到期，每包平咗$24(原價$59，特價$35)！咁高級嘅🐭糧，平時我一定唔捨得買；細妹曾經買過俾我，我雖然好鍾意，但就叫佢千祈唔好再買！平時我食嘅同類🐭糧半價就有交易；橫掂都係掃落肚，食咁貴做乜？我唔捨得！
今次去咗三次，前後掃咗六包，除咗因為價錢較相宜，主要又係因為我唔捨得！我唔捨得佢今個月冇人買，就俾人送去堆填區！世界上咁多人飽受飢荒之苦，每一秒都有人餓死，咁樣浪費食物，我真係唔捨得！
前日傍晚，家訪完返到中心，發現有位老友記冇嚟攞晚餐；因為中心夠鐘閂門，其他同事已放工，工友正準備倒掉，我見盒飯仲熱辣辣，即刻叫佢等多一陣！
我即時致電嗰位買餐阿伯，原來佢唔記得咗！宜家喺我中心隔鄰餐廳買緊外賣！
我聽見大喜，叫佢行多兩步，我攞落去中心樓下俾佢；但佢竟然毫無所謂咁回答：「我唔要喇！第二日我唔會食(隔夜飯)！妳一係幫我送俾人，一係幫我掉咗佢啦！」
中心已經閂門，邊度仲有老友記上嚟？但見佢意志咁堅決，我唯有另覓飯盒主人！好彩！皇天不負有心人，最後我能成功將盒熱飯轉送俾另一位熱心義工！
世上每一樣東西都會到期，食物會，植物會，動物會，死物會，連人都會！越近到期日，價值就跌得越低！大家常會見到眾人歡天喜地擁去迎接新生命，爭住抱BB，搣佢臉珠登；幾時會見到有人歡天喜地走去探體弱老人家，幫佢做伸展，爭住推輪椅？
但係對於我嚟講，偏偏持有另一種想法；正正因為佢哋就快到期，我哋更加需要珍惜，因為唔知仲有幾耐時間？再講，每樣東西都有佢哋獨特嘅價值，唔應該因為佢哋就快到期，就被厭惡同捨棄！
同事見我用成七千幾蚊包埋架車帶「二筒」出去睇醫生，驚嘆我竟然咁捨得？(一個月後仲要覆診)
「佢係流浪狗場嘅狗嚟咋喎！」
我微笑回答：「『二筒』雖然住喺狗場，但喺我心中已佔有一重要地位；我為人雖然孤寒，但見到佢咁辛苦，我真係唔捨得！」
「二筒」幾多歲？十三歲喇！但無論佢幾多歲，我依然會繼續愛錫佢！係佢，喺我第一次跟細妹入狗場時，主動走埋嚟歡迎我，錫咗我塊臉一啖親近我！
特價輪椅 在 中秋特價優惠4 * 凡購買任何輪椅,即可以優惠價$200 換購NP23 ... 的推薦與評價
中秋特價優惠4 * 凡購買任何輪椅,即可以優惠價$200 換購NP23 Memory Foam 一個。(原價$400) 數量有限, 換完即止。 * 凡購買任何輪椅,即可以優惠價$100 換購輪椅雨衣一 ... ... <看更多>