犬新寶蝦皮無神論者的巴別塔在Facebook 的評價

Question

犬新寶蝦皮無神論者的巴別塔 在Facebook 的評價

Accepted Answer

//本Page Patreon經已開通，請訂閱支持本Page運作，謝謝！ 連結： https://bit.ly/2TvzIaF //自從上次《十問「販民國師」沈旭暉》出咗街之後，見倒有唔少人轉載出去嘗試說服黃屍，但可以想像得倒，絕大多數撐飯民嘅人都唔會願意面對現實，只係好似機械人咁重複又重複講果幾句「咁係咪代表咩都唔做？」、「你咁叻又有咩高見？」、「唔試過又點知唔得？」、「點解唔可以議會內外互相支援一齊行？」老實講睇見呢啲咁嘅回應，真係感到天大嘅冤屈，亦訝異於黃屍閱讀理解水平之低落：雖然我自己係唔會支持，但成篇文從來無話過反對你全面進軍功能組別喎──大前提係你無呃我的話。對於參與功能組別選舉問題，我並唔打算由原則角度去質疑，因為每個人嘅原則底線都有唔同，咁落去就只有口拗同鼻拗；同時亦唔打算用國際線去切入，因為無人會知道特朗普心入面諗緊乜，國會議員同白宮幕僚更係各有各算盤，結果亦係任人9噏甚至好似「某爸爸」咁假傳聖旨。我嘅政治分析從來都係極之現實──要我Buy你沈國師嘅鴻圖大計係無問題架，但係咪至少要解釋下一啲普遍嘅質疑呢？或者對某啲網民黎講，呢種技術文真係太深啦，於是我今次轉一轉，將十問沈國師變成十問沈藥師，由一個患咗絕症嘅阿婆故事開始講起……話說呢個自從1997年之後患咗一種叫「獨裁癌」嘅阿婆，雖則過去十幾年都僥倖死唔去，問題係呢種「獨裁癌」卻係會慢慢侵蝕你身體機能，最終令你全身癱瘓，生不如死。過去曾經有班「民主寶藥黨」Sell過一種寶藥你食，起初你食完之後唔知係咪心理作用，好似真係有少少效果，但後尾發現根本無好過之餘，仲要愈食身體愈差；最終只係益咗果班「民主寶藥黨」賺到肚滿腸肥。於是阿婆決心走去做一個叫「佔中」嘅化療，失敗咗再去做多次更激嘅「魚革」化療，當中又曾經轉過另一個「本土藥商」，但佢都仲未賣藥比你之前，就已被「民主寶藥黨」話佢係專呃人嘅「黑心藥房」，最尾仲要連藥都未開始買班「本土藥商」已全部比人拉哂去坐監。本來個阿婆經已疊埋心水打算食隻叫「焦土」嘅猛藥打算致諸死地而後生，點知響呢個時候突然就出現咗一隻新療法叫「光時五缺」，竟然有少少詁迴光反照，身體有番少少反應，然後呢個時候沈藥師就正式出場……==============沈藥師：喂而家見你個身體有番啲起色，不如食我介紹你呢隻新寶藥，佢有「功能組別兼特首選委過半」配方，食完一定好番！1. 阿婆：你要我買你隻藥唔緊要，但我作為消費者，係咪有權問下問題先？首先，之前隻藥食咗咁多年咩用都無，萬一我食完無效你點賠比我先？沈藥師：我隻新寶藥咁平，同繼續用你嘅「勇武」療法係全無衝突架，點解唔可以試下我隻藥呢？2. 阿婆：答非所問，而家我係問你萬一無效咁點算呀，阿婆我係出名有錢，但唔代表要比你呃喎，果班「民主寶藥黨」呃足我廿幾年，而家個個靠我啲藥費養到住洋樓養番狗，咁叫公道咩？而家隻「獨裁癌」最勁係有兩種叫「DQ」同「釋法」嘅病毒，你可唔可以解釋下你隻「功能組別配方」點樣消滅呢兩種病毒？沈藥師：如果咁都醫唔好，到時就有外國醫生團隊介入黎幫手醫架啦……3. 阿婆：但我仲記得，當初當我叫你班「民主寶藥黨」幫我去外國問下有無辦法黎香港醫我果陣，班寶藥黨走去同班外國醫生講「病人殘而不廢，個病仲有險可守」；如果隻藥無效，你點保證到時呢班寶藥黨唔會再阻9住哂？沈藥師：都話呢隻係新藥，同以前果隻唔同架洛，你唔試下又點知隻藥唔得呢？最多食一次唔靈，咪等四年後繼續食，食到得為止囉！4. 阿婆：又係答非所問。以前你啲寶藥黨同事賣藥比我果陣呀，咪又係一撚樣同我講食一次醫唔好食多幾次始終有一日會好；你而家又同我講食一次醫唔好再食多幾次，咁同以前有乜分別？沈藥師：你睇你身體響近呢大半年大有起色，點可以同過去十幾廿年比呢？乘住呢個勢再食我隻藥，好番嘅機會前所未有嘅機會咁大！5. 阿婆：無錯我身體近呢大半年係有番啲起色，但就正正係因為我對你呢個寶藥黨經已完全死心，走去用「勇武」療法先至置諸死地而後生。你班寶藥黨而家見我好番些少又走番黎Sell藥，有無無恥啲？我而家剩係要一樣嘢，就係講清楚如果再食你隻藥都無用咁你地會點賠償！銷藥員：又咁講，寶藥黨入面都有唔少醫師有良心，走去幫你一齊用「勇武」療法丫，咁你係咪應該施捨番幾個方便錢作回報呀……6. 阿婆：佢有幫我一件事，醫唔醫倒我卻另一件事喎！退一萬步講，就當我照幫襯果班叫有少少良心嘅藥師，你個「功能組別過半藥方」團隊入面呀，例如姓莫姓葉姓李姓陳姓梁果五個，仲要試過放隻叫「水炮車」嘅毒入去我啲藥度想毒死我，然後你仲叫我繼續買佢地啲藥！？沈藥師：到時我地會搞個醫師初選、又會整個聯合藥方，咁你應該放心啦掛！7. 阿婆：頂你啦！你寶藥搞呢啲你估會少？你蝦阿婆唔記得牙，十年前你班寶藥黨先走去同班黑心藥房傾好價賣假藥比我地食，到今時今日都未道歉，我點知到我個病就好，個黑心藥房又黎收買你地寶藥黨果陣，會唔會又因為貪心乜嘢承諾都唔記得哂架？答黎答去都答唔倒重點，我係叫你比個承諾我呀，答唔倒我就不如直接比個建議你啦！＊＊首先炒Q哂當日有放「水炮車」毒果幾個仆街功能組別醫師，作為你地有誠意醫好我個病嘅表示，唔好再比我響9月再見倒佢地響醫院出現；＊＊其次你班醫師講到咁偉大為我個病犧牲乜乜七七，你地全部醫師唔該響我買咗你啲藥之後，將你份人工捐八成出黎：而家一個垃圾醫師都成十皮嘢一個月，仲有各式各樣津貼，兩皮嘢點都夠洗啦，更何況功能組別醫生仲一定有第份工頂住添？人地黑心藥房個田醫師都捐咗6年幾人工出黎啦，講到自己咁有良心，但係就醫唔好，錢照袋？＊＊＊＊第三就係要立下投名狀，響藥方寫到明一旦入到醫院，無論你班「良心醫師」過唔過半，一定全力否決黑心藥房嘅預算同埋全力拉布，就算令到成個醫院停止運作都在所不計！＊＊沈藥師：我只係Sell藥，啲醫師有咩承諾，我好難話倒事喎……8. 阿婆：果然係銷藥員，賣藥你就叻，去到叫你比啲實則承諾同罰則就響度東拉西扯，醫師無合約條款限制，點保證佢地會用心醫我？唔好講得遠，過去四年，呢班醫師鍾意番醫院就番、唔番就唔番，有時直頭唔配藥比我；最離譜嘅係仲要時不時同間黑心藥房夾計害我，成日用「呢樣嘢對成間醫院黎講係最有益」黎做藉口響啲藥入面加毒，「水炮車」、「東北撥款」、「啟德體育園」、「亞投行」、「創科局」、「港珠澳第三跑追加撥款」，我就係成個化學元素週期都食哂落肚啦！其他病人可能啱啱先入院唔知，但你唔好當我係白痴！我而家剩係問你，作為一個比你呃咗廿幾年前、食盡黑心假寶藥嘅病人，問清楚隻藥點解有效先食，同埋如果萬一醫唔好你間藥房打算點賠償，仲有要你地就住過往嘅不良紀錄立下投名狀表達誠意，有邊一樣係過份？如果上面咁簡單嘅嘢你都應承唔倒，咁我唔再食你Sell嘅藥都好合理丫係咪？沈藥師同事銷藥員呢個時候接力插嘴：我啲寶藥雖然係毒或者假，但至少食你唔死丫係咪！？但你唔食我隻藥，你就一定會死，而且仲死得好慘！你唔食我隻藥，只係失敗主義、係犬儒、醫學潔癖！9. 阿婆：犬儒、失敗主義同笨七被呃，其實只差一線，無錯我唔食藥係會死，但唔代表因為咁你賣啲咩假藥我都要擺入口。最搞笑嘅係，你個同事沈藥師被問到如果食完你啲藥都係無效咁點，佢竟然答話：「咁病人咪可以得到解脫囉」呢個答案係幾咁不負責任？我好簡單問一句，當我食完啲藥失效，響香港呢張病床等死嘅時候，你班醫師同Sales係會留響我張病床陪我作最後掙扎丫，定係走咗佬去外國嘆世界呀？你同阿新加坡國師一早已做咗選擇啦係咪？一早背棄咗香港嘅你地先係真正嘅失敗主義者！銷藥員：你唔買我地寶藥黨隻藥，令到我班醫師失業，即係益哂班黑心藥房嘅醫師，你係咪想咁丫？仲有，你成日唔肯幫襯我公司班醫師隻寶藥，你就係熱狗同分化撚！10. 阿婆：唔夠人講講到終於發爛渣……真係好笑，又番番轉頭，寶藥黨幾十年黎，就係成日用「我至少比黑心藥房好」黎做擋箭牌，永遠唔會自我反省啲藥點解無效，拒絕嘗試新嘅醫療方法，結果去到今時今日，就算寶藥黨有少數良心醫師，亦根本監察唔倒其他黑心寶藥黨濫竽充數甚至繼續害人。最好笑嘅卻係，沈藥師講到你個療程幾有Planning幾有路線圖，但點樣監察倒班醫師唔貪污、唔偷懶？就剩係猛咁講「比佢地試下先啦無壞」；如果仲係醫唔倒，又叫大家旨意外國醫師同回歸「勇武療程」──喂你隻藥試咗幾十年架啦；然後兜一大個圈又係番番去外國同勇武？知唔知同而家個分別係乜？就係等你個寶藥黨可以借我黎過橋，請多幾個呃飯食嘅伙記永續賣藥囉！

關於 犬新寶蝦皮 ，我們在網路上蒐集到這些相關的討論、資訊與評價

「犬新寶蝦皮」的推薦目錄：

犬新寶蝦皮 在 無神論者的巴別塔 Facebook 的最佳貼文

About author

你可能也想看看

搜尋相關連結

關於犬新寶蝦皮，我們在網路上蒐集到這些相關的討論、資訊與評價

犬新寶蝦皮在無神論者的巴別塔 Facebook 的最佳貼文