結合是日精選獨贏2串3 R5 4號「駿爵士」，R6 11號「世紀舞王」
-
上期小妹選中希斯兩匹獨贏過關，總算在新一個馬季鑼左個頭彩旗開得勝，希望黎緊繼續再接再厲，馬到功成。
星期三快活谷開鑼賽，R5 「駿爵士」上季尾越跑越進步，季尾同程全程二疊蝕位返來輸比超班馬「超威星」跑第二，但已經彈甩四班其他對手，表現進步，暑期試閘㩒住都湧上來，已經到爭勝水準，史卓豐人馬合拍，在四班必超，今埸有實力的對手大多排外檔，今埸應可再勝一仗。
再選一匹希斯馬房R6 「世紀舞王」，這匹馬暑期轉去希斯後，晨課表現脫胎換骨，兩課試閘一課比一課進步，由其第二課試閘，馬匹稍留，末段望空亦自動湧上，表現大幅進步，楊明綸開鑼日為自己和師公開齋贏馬，信心大增，這匹馬晨課由綸仔一手摸實，已熟悉馬匹特性，今埸排外檔，同埸亦有其他「飛雲騅」「飛天劍」等對手，或會換來一些賠率，楊明綸要把握機會爭取表現，鬥志昂揚，半冷佳選。
-
大家都可以睇報紙㗎！因我有寫馬報的
