［第六餐］［台北美食日常］欣葉台菜，有一排HX飛機餐都有，而家唔知
欣葉嘛，都係有啲名氣（暫時食親都係以前食過嘅）。有台菜有日式好似有打邊爐，但都係講台菜。
某程度上幾有緣，因為之前囡囡留台北一年（我一個月過去一兩次咁），租嗰間屋就在中山區，咁就在欣葉總店對面。所以嗰日搞掂晒嘢就去食。
同樣地，對香港人嚟講唔貴（＊）。台灣人嚟講偏貴。我見啲客只係幾類人：遊客（有鬼有香港人有大陸人有日本仔），廢老，或者一家大細（＊＊），好少年青人走去食，又或者覺得太old school 太土— 但呢個係我鍾意台灣嘅原因之一，講潮就一定係香港，個撚個都潮童啦。
講返，同京鼎樓鼎泰豐之類一樣，呢間欣葉，亦係好多日本人去。仲有啲海外亞洲人，但金毛洋腸我反而冇乜見。唔止一次我都見有日本人自己一個去食，而亦係因為嗰度有啲阿姐講日文，餐牌都好似有日文。
欣葉總店嘛，幾好的，因為好少要等位，一個人去都可以，亦開得算夜。另外台北101都有一間，我都去過，嘢食差不多完全一樣，就真係食個景。咁當然貴啲，但唔算貴過其他店好多。
咁呢間亦係我會同朋友去嘅，包括本人長期讀者Hong Lam（https://lkdin.io/3DbG）．佢「細細個睇我啲文」（好似中三四！），到舊年我地先在台北第一次世紀見面，就係去食欣葉。仲畀佢發現我啲國語十分曹仁超（應該冇曹仁超咁誇嘅）。 「但你理得我，生存到就夠」（＊＊＊）。上次佢仲帶咗隻胖企鵝嚟同我嘅勞蘇合照，「新朋友」。原本今次都有得見，但佢臨時撻Q，得我一個人懷念我們仨
嘢食嘛，一眼睇晒。個滷肉就唔係平時40魯肉飯嗰啲啦，180，其實好抵，有兩舊。當然面最肥嗰浸留返畀心臟勁嘅後生仔了，本人就趴時，會死人的。
仲有呢個肉絲炒米粉，200，清清地，唔會漿埋一pat，十分好食。你見有我至討厭嘅荷蘭豆我都照食，「去到外地就係咁」，「好似啲港女平時乜都話變態但對住洋腸就乜都肯玩」，即係等於我平時在香港唔食海膽唔食綠茶唔食茄子唔食青椒，「去到日本就食」「喂人地嗰啲真係唔同」「人地天婦羅唔係煎釀三寶」「價錢都貴好多」。
Last but not least，杏仁豆腐，90。你見我咁多日好似都冇食過甜品，但呢個係每一次，每一次我去食都會叫。「假裝在日本」。而我發現日本啲中華街中華料理，橫濱又好長崎都好，啲套餐，必定有呢個杏仁豆腐。正如美國啲中餐館實有科春曲奇咁。
成餐470，「我覺得自己好節儉」。再開多罐香港帶嚟嘅 2020玉泉忌廉就perfect池。
（＊）實情而家香港嘅嘢貴過絶大多數地方，包括日本。廿年前大家覺得，嘩，日本啲嘢好貴喎。然後早幾年覺得好抵。一來日本當地啲嘢冇乜點貴過，通縮，係近年先有返啲通脹。二來香港啲嘢貴咗好多，咁人工都高咗（但當然追唔上）。三來，匯水嘛，我啲哈日朋友話嗰時 十算都係咁去啦！
（＊＊）在台北首爾東京啲高級餐廳都係咁（當然欣葉唔算高級），仲有一種就係老嘢同後生女，你懂的，特別係日本，啲架妹打扮到好誇張的。「我就求撚其Steve Jobs加對皮鞋咋」。掉轉老女人同小鮮肉好似冇乜見，係香港先咁平等有得跳老舞。另外欣葉亦唔會見呢啲情景，但去台北高檔日餐西餐就會。
（＊＊＊）有個不太熟嘅舊朋友在香港嘅台灣公司做嘢，此人國語就真係曹仁超。但最大問題佢開會仲帶條Ｏ靚去翻譯咁，聽聞台灣佬好撚唔高興。我係理解人地唔高興的，個態度太過串了。我理解台灣人對於啲港式國語嘅容忍度極高，我以前都做過台灣公司，都有件古天樂講到好似廣東話咁，佢地都OK的，雖然後期已經叫佢不如講廣東話。另外，以前做蕉行又係有古天樂，但佢照講不誤。但你咪話，你肯講好過帶件翻譯去咯。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
月頭訂最抵，Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已800人訂！（https://bityl.co/4Y0h）
#ivanliresearch #台北隔離十四天
玉泉忌廉台灣 在 Fw: [問題] cream soda 玉泉忌廉台灣有賣嗎? - 看板MACAU 的推薦與評價
※ [本文轉錄自 Drink 看板 #1PIWxQo0 ]
作者: shanyaochung (shan) 看板: Drink
標題: [問題] cream soda 玉泉忌廉 台灣有賣嗎?
時間: Wed Jun 21 14:14:47 2017
在香港跟澳門很喜歡喝這個
Cream Soda 玉泉忌廉
台灣好像叫舒味思?
可是在台灣都找不到
有板友大大在台灣有買到過的嗎?
謝謝:)
--
※ 發信站: 批踢踢實業坊(ptt.cc), 來自: 1.164.141.155
※ 文章網址: https://www.ptt.cc/bbs/Drink/M.1498025690.A.C80.html
※ 發信站: 批踢踢實業坊(ptt.cc)
※ 轉錄者: shanyaochung (1.164.141.155), 06/21/2017 14:17:45
... <看更多>