關於 玫瑰木桶雞 ，我們在網路上蒐集到這些相關的討論、資訊與評價

老公生日好似流水宴咁，食足三日😆
星期六預祝就去左食齋，沈日正日就係咁易附近食，冇生日蛋糕，冇得吹蠟燭。唯有吹住 #火焰甜酸鱔 先啦😆
一家6口，4大1小1BB , 叫左5個菜，激飽！

忌廉朱古力，雷大囡當然好鐘意飲啦，飲到飽晒食唔到野😑😑

本來想叫風沙雞，但食得太多，試下 #玫瑰木桶雞，雞夠滑，但唔知咩係玫瑰，開頭以為玫瑰露，但又唔覺。似一般薑蔥豉油雞。但味道係唔錯嘅，唔好諗個玫瑰的話😆

#火焰甜酸鱔：個鱔好食，味道似咕嚕骨，鱔皮夠脆，肉淋又冇骨絲，唔錯。火焰嘅作用？同演唱會煙花效果一樣，加強視覺效果囉！因為啲火燒晒之後，鍋底嘅洋蔥都係凍同生嘅🤣 但洋蔥只係配角，冇所謂啦！

芝士西蘭花肉碎伊麵底
個汁唔錯，味道較淡，雷小囡啱食👍🏻

鍋貼芝麻蝦
本來以為係好似出面果啲鍋貼蝦咁，但實際上其實係蝦多士！雖然有少少失望，但當佢係蝦多士的話，又確實唔錯嘅。

最驚喜係 #南脆炸豬手，炸豬手皮夠脆，脆得嚟仲係酥脆，唔係硬挖挖果隻。皮同肉之間嘅骨膠原夠黏口。邪惡得嚟總算有啲藉口食多嚿（自我安慰模式）不過唔夠入味，一定要沾南乳醬，但唔點就冇味，點左又太鹹...要啲技巧🤣

好滿足嘅一餐，盛惠五百多元，算抵食。
食物夠鑊氣，炸得夠透，當然超熱氣啦！🤣🤣

#雷囡媽媽罷煮系列
#雷小囡撞親嘴仔生痱滋乜得睇冇得食，冇晒心機🤦🏼‍♀️🤦🏼‍♀️

想知多啲我地嘅 #生活小貼士、#簡單食譜、#育兒分享、#吃喝玩樂、#美容，#親子遊、#親子烹飪 ，快啲Like我地啦😘

FB page: 雷囡媽媽
雷囡媽媽
IG : www.instagram.com/luiluimama/

份量：約4至5碗

材料：
黃豆 130g
水 1200ml
大魚湯袋 1個
食用石膏粉 半茶匙
鷹粟粉 1.5茶匙
水 30ml

* * * * * * * * * * * * * * * * * * * * * * * * * * *

做法:
1.將黃豆用水洗淨，然後用水最少浸8小時或過夜，備用。
2.浸透黃豆及水用攪拌機打爛。
3.打好了的豆漿倒入魚湯袋隔豆渣。
4.之後用工具隔走上面的白色泡沫。
5.然後豆漿用大火煮滾, 滾起之後即時轉細火，煮佢15分鐘，煮時久不久用木棒攪勻，否則會黐底及煮燶。
6.當煮豆漿時，預備好的石膏粉和鷹粟粉及30ml水加入碗，攪勻粉水後倒入煲。
7.用乾淨毛巾包實木蓋，以免整豆腐花會有倒汗水。
8.再剛煮滾的豆漿倒入煲內，然後蓋上碗蓋，不要動它，等候25分鐘.
9.隔走豆腐花面上的泡沫，完成.


Tip：
1.一定要煮佢10-15分鐘，否則去除唔到黃豆的草青味。
2.倒進大滾的豆漿後，就不要動它，否則豆腐花就不能成功。
3.用乾淨毛巾包實木蓋，以免豆腐花會有倒汗水。
4.見議煮時，最好用易清洗的煲來煮，例如：易潔煲，玫瑰煲之類！(我試過用鑄鐵煲洗咗半小時都洗得唔乾淨）
5.撞豆漿時，唔使用木桶去撞，可以用家的煲去撞都可以！
6.在倒熱豆漿前，要肯定石膏粉和鷹粟粉水一定拌好，切勿讓石膏粉沉底。
7.豆漿很容易滾瀉，建議不用蓋去煮。
8.隔完豆渣之後，豆渣可以做豆渣饅頭、豆渣餅、豆渣糖不甩等等，唔好唔要。
9.如果唔整豆腐花，可以用這些豆漿做玉子豆腐(又稱雞蛋豆腐）、加冰糖做甜豆漿及豆乳湯等。
10.約果怕寒的人，可以製作糖漿水中加塊薑片，冰糖200g,水200g加一大塊薑片煲溶冰糖，完成放涼。
11.如果想再方便，可以購買冇糖豆漿撞都可以做到豆腐花。（最好買新鮮天然無調整無添加豆漿比較好，如街市豆腐檔或citysuper，食用日期只有幾天，如果買長時間先過期，就不是鮮豆漿，就食唔到香濃豆味。）