［版務，sort of］Facebook Page改版嘅嘢，外加感激各方友好。同埋《被炒記2.0》嘅說在前面
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，3月中開始失業。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
1. 明明之前好一排意興闌珊（加上Patreon讀者當然優先），冇乜寫FB 文。今日忽然大爆發，仲要幾篇都仲電話寫。仲要有篇寫完冇save（*）
2. 真係冇乜嘢，主要真係嗰杯一個鐘都未嚟嘅凍奶茶。好似芥川龍之介《地獄變》咁，第時你想谷我寫文可以同我去食餐蛋治然後扣起我杯凍奶茶，之後畀部電腦我，我應該寫到好多好文。
3. 講返，又適逢係Facebook Page改版，又咁啱我仲有兩日正式離職，剛剛遇著啱啱，嫁啱嗰個原來又姓陳。咁順便同大家講埋，你見到呢排可能會收到我嘅invitation，叫你follow，咁你照做得了（唔想嘅咪唔理咯）。實情我都未係好知點玩法，但有invite 當然invite咗先。
4. 更好嘅，就都係嗰啲，設定做see first，記得comment like and share
5. 當然更好嘅，大佬，梗係join Patreon啦（https://bityl.co/4Y0h），失業架啦。老婆仲有成堆勞蘇同企鵝都靠你地養。
6. 都係嗰句，星期五就last day，Facebook Page同Patreon當然都繼續做。事實上Patreon嗰邊收入已不錯。當然之前Facebook Page都帶到啲收入，但差太遠了，就真係夠我打幾次邊爐咁咋（而一講打邊爐你就知我又要舊事重提，啲友真係以為我仆街死財演昆你買股票我有佣收，借問聲你Trade幾多咁撚大把？幾球？幾千萬？知唔知而家佣金幾咁低？夠唔夠阿叔食兩碟牛肉？阿叔靠你啲佣就蛇都死）
7. 雖然好似有啲怪，但無論如何，多謝大家同我走到今日。冇乜事，唔係唔寫FB Page，不過咁啱感興咪寫下。都係杯凍奶茶累事。我會寫足幾日。
8. 因為真的，即使係冇join Patreon嘅讀者，齋畀個like嘅，都係好。幫到engagement 嘛，積少成多。你又冇義務幫我做任何嘢。對，即使係齋睇唔like嘅CD Rom（呢個詞都好有歷史感），亦係十分感激的—因為同上，真係冇人士必要聽你鳩up嘛。固然我覺得自己寫得好，但亦係寫嘢廿幾年畀人屌足廿幾年啦。我見啲讀者分享去自己戶口，啲友多數都係冷嘲熱諷的，唔知寫乜嘛，一舊舊嘛。美斯咁，散步帝，都唔知做乜值咁高人工。（當然我唔係美斯，甚至唔係陳美詩唔係繆美斯，唔係樓奴高美斯馬里奧高美斯啦）
9. 順手答謝埋，咁多年嚟或明或暗嘅廣告贊助（係有的，你唔係以為我冇下話）。唔怕而家攤開埋畀大家知，我就唔再做康宏啦，咁冇正職在身，宣傳其他嘢易好多。嚟搵我吧！唔係話咩好多錢，但我亦真係turn down咗唔少機會。咁大佬，即係你做緊星展，唔通幫花旗代言（＊＊）？我做緊百事，唔通幫可口可樂代言？
10.
至於公司啲友？話知佢啦。你可以理解做「屌都廢撚事」，我亦冇乜內幕爆，唔想收律師信。話你知，大公司（都幾大架）嘅employment terms，就係總之你廿四小時所有嘢都係公司嘅，你屙屎有粒珍珠出咗嚟都係公司財產，而當然公司任何嘢都係機密你講親就燒春袋。明架喎。
11. 不過啦喎，星期五我正式離職，都仲係點都要寫篇文。由舊年我在台北隔離中被炒嗰日（12月11？類似）講到頭七講到尾七講到元旦農曆年情人節都未講到，都要係要寫篇文。貫徹呢個啲人把口講I don’t care然後又要寫幾千字鬧嘅作風。我都係咁嘅人，把口就好多嘢都冇所謂，心中就好有所謂。
12. 拿，我真係冇事，係杯凍奶茶累事。都係嗰句，下次迫我交稿嘅，夾我去食餐蛋治然後扣起我杯凍奶茶吧。然後塞部電腦畀我。芥川龍之介呀。
＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。 年費仲有85折
（＊）怒已憤。但應該聽過西西弗斯推石頭上身嘅故事，的確係生命嘅本質。但重點係到舊石，好似《黑社會》嘅Long Gun哥咁碌返落山嗰時，西西弗斯冇憤怒冇喊，只係默不作聲咁掉頭落去又再推過 — 呢下就係諸神都為之動容。呢啲就係人性嘅光輝。所以我都係會寫返嗰篇文出嚟。事實上對我嚟講寫返嗰篇千幾字嘅文好快手，但我嬲嘅係啲靈感冇咗啲。固然可以寫篇新，甚至更好，好多課題我都係不停重覆寫，次次新款。但畢竟 「嗰一篇」就係冇咗。信佛嘅知道呢啲就係痛苦嘅根源。
（＊＊）真人真事，nothing personal，因為我估個主角係有睇呢個Page嘅。但我在星展嘅年代，有次有人Inbox我，有KOL （是但啦）job彈畀我。咁我當然OK，但問返客氣乜水 — 佢答我係星展。And I was like WTF……，好似Tinder 自己老婆嚟Match你咁。不過成件事個重點唔係佢唔做功課，而係，星展搵出面人，最後出面人又搵著我—你唔覺得成件事好似有啲唔對路？果然係隔離飯香。你去徴友人地咪又係畀返你老婆Profile你。
珍珠奶茶飯梗圖 在 珍珠奶茶- 梗圖板 - Dcard 的推薦與評價
哏圖,好笑,iPhone,Iphone11,珍珠奶茶. ... 國立中正大學. 珍珠奶茶. 梗圖. 2019年9月18日00:16. megapx. 哏圖 · 好笑 · iPhone · Iphone11 · 珍珠奶茶. 愛心 哈哈. ... <看更多>