如果醫管局高層有一日出黎開記召。
「近日有人指 Dr Who 幫人打鹽水豆時，因為剛比人問候完娘親，所以特登拮大力左。有靜脈血唔抽，係要抽動脈，仲事無大小幫人探肛，有人仲會搵鐵通添。我希望大家體諒下，Dr Who 都係人，佢都會有情感...」
「喂，亂打豆打到隻手黑左喎。」
「打豆會瘀其實都好常見嘅...」
「喂，無啦啦抽血抽到人地通不欲生喎。」
「抽血乃係醫生嘅職責。」
「你講返人話得唔得呀。」
「無錯，Dr Who 都係人。禍不及家人。我地絕對唔容許有人用咁嘅方式問候我地員工嘅娘親。」
「…」
唔知點解，好多人嘅心胸都係有容乃大，但只會容佢地允許嘅人。警察有怒氣打人，「佢地都係人丫嘛」；示威者有怒氣打人，「呢班黑衫抵比人打」。好多人都係聽到人講就將佢當成自己嘅意見轉發出去。一句無邏輯嘅事情重覆十萬次之後，彷彿會變得正確。
「喂，小明鬧人人渣喎！」
「人渣已經成為過去式啦。」
「你收返先，道歉！」
「人渣呢個說法，已經壽終正寢啦。」
「咁即係收返啦？」
「我頭先都已經講得好清楚，希望大家唔好再執著字眼上嘅問題。」
「收！返！」
「我希望大家比返小明一個落台階。」
有人話年青人衝動、有人話年青人熱血，其實一定係。年青人距離細個教嘅「錯就要認、打就企定」不太遠。好似黃子華話齋，「打都要企定」呢個唸法係成年人世界係十分之憨居，亦都會比「係咁架啦」磨鈍。我地望住好多野都會識得同樣道理，唔知點解去到政府就忽然需要「下台階」。有人話係面子嘅問題，我一直都唔明。而家講哂所有同義詞，係唔講個「撤」字，係幾有尊嚴？知錯能改不是美德嗎？原來會無尊嚴架？
小強抄功課比人捉到，小強話係班主任針對佢。
「小強只係做功課，唔應該被查！」
「咁成立獨立委員會去查呢一件事啦。」
「唔得，咁樣會影響小強未來做功課嘅能力。」
做功課唔係問題，抄先係問題，okay？
你話自己無抄嘛，查完咪還你清白囉？
原來平生不作虧心事都係錯架？
成長，根本就係一個從「有無搞錯」到「係咁架啦」嘅旅程。子華神萬歲！
#DrWhoHK
🔻🔺🔻🔺🔻🔺🔻
IG: DrWho.HK (instagram.com/DrWho.HK)
FB: DrWho.HK (Dr Who)
🔻🔺🔻🔺🔻🔺🔻
班主任職責 在 21世紀華德福教育？ 德國學校經歷停課後已重新開學三星期 的推薦與評價
這樣的教師小組可以在突發事件之前與班主任一起確定基本教學主題和職責。例如：學校如再次只是有限度重開，如何在課程中減低大規模感染的可能性等。 ... <看更多>