#樹木去哪兒？ 不如將樹木帶回家
大家仲記唔記得早兩年嘅 #颱風山竹？當年香港唔同地區有好多樹都不敵強風倒下，好記得我哋屋企當時好多樹都橫卧行車路，颱風過後一班鄰居一齊出嚟合力幫手清理路面。
不過樹木清理後又會去咗邊呢？原來 香港木庫自2019年颱風山竹後就回收咗超過300噸本地樹木，為這些樹木up-cycle ,經木藝師嘅巧手化身成為一件件充滿美感嘅原木家品。呢個週末27-28/2係香港本地原木認養日OPEN DAY，隊友樹爸就帶咗我哋嚟睇吓樹木去哪兒喇。
木庫前方擺放咗為數不少未經處理嘅大型樹幹，大小公主近距離見到咁多形狀唔同嘅樹幹都表現得很好奇，於是樹爸就同佢哋 #藉著樹木說故事—由颱風講到樹輪再講到樹木的香味。
無錯，其實每一種樹木都有自身嘅香味，擁有自己嘅特點。呢度最特別之處係每一件產品都會印有每件製品嘅樹木來源，包括颱風名·樹木品種·地區，呢三個標記，今日我哋就買咗由西貢白蘭樹所造嘅杯墊，名乎其實將屋企附近嘅樹木帶回家。
#現場趣聞
我哋發現呢⋯現場嘅參觀人士反應好兩極，有時會聽到讚嘆聲，覺得在場嘅家品好特別好靚；不過有時又會聽到人講好貴，點解一張木造嘅茶几咁貴，點解唔去邊度邊度買⋯再下刪數十字🤭
從來覺得手工藝製品嘅價值唔應該同一般大量生產嘅產品比較，因為前者嘅價值在於工匠的心思、工藝的傳承以及對初衷的堅持。呢批植根香港嘅樹，陪伴大家一齊見證住香港嘅變幻，如果沒有一班熱心嘅木藝師，可能佢哋老早就被堆填了😢
所以我覺得大家唔應該抱住去買嘢嘅心態去，應該抱著一股去了解背後初衷、去欣賞、用心
去感受現場環境嘅震撼。
🪵香港本地原木認養日OPEN DAY
🗓 2月27-28日 (星期六、日）
📍 地址： 元朗朗屏福喜貨柜場
詳細前往方法：https://bit.ly/37oFfrv
🕰 10AM - 5PM
*如果錯過咗open day ，可以遲吓預約參觀都可以😉
溫馨提示：由於位於貨倉地區，所以有唔少狗狗響附近瞓覺💤 加上地面唔平坦，不宜帶BB車。加上噚日落完雨，沿路有無數咁多個muddy paddles,記得控制住小朋友唔好太興奮跳落去啊！因為真係超muddy 😅
#mimimomoma #mimitreeba #親子活動
#MRsisterhood #親子博客 #親子blogger
#將樹木帶回家 #香港製造 #coolhkg #香港木庫 #香港樹木回收 #全樹回收 #香港樹工義工隊 #香港原木 #recycledtimber #HKTimberbank #HKTimber #diyworkshophk #woodfurniturehk #custommadefurniturehk #hkfurniture #madeinhongkong
現場趣聞 在 #國際趣聞- YouTube 的推薦與評價
厄運來了躲不過...31億身價英超球團主席驚傳墜機"凶多吉少" 球迷：史上最黑暗一天│【國際大現場】20181028│三立新聞台 · 從台灣看見世界的故事. ... <看更多>