男人最怕女人這8種特質：經常講「好掛住你」最反感！- 哈哈
每年年尾結婚旺季，唔少姊妹都受到紅色炸彈來襲，做人情事少，單身無人娶事大。朋友結婚本應替佢高興，但自己卻形單隻影，確實會有少少妒忌。你可能唔係豬扒，也未必係極級港女，甚至是條件不錯的女生，但有機會係你有下列特質，將現任男友／未來老公拒於千里之外。
最怕女人類型1：太恨嫁，常暗示結婚生仔
結婚對男人而言係一個承諾，一個責任，要他甘心跟你求婚，一般要花一年數載去確定你係咪娶得過。剛剛開始拍拖就暗示想結婚， 太恨嫁的心態絕對令男人怕怕。你以為閃婚情節好普遍，都要睇下自己是否有好老婆特質，令男人愛不釋手先！
最怕女人類型2：太黐身，常講「好掛住你」
男人最怕女人好黐身，一星期要見足七日，剛剛見完面轉頭又要傾電話。唔止日日話好掛住男朋友，更無時無刻問對方「你掛唔掛住我？」更要求對方提早plan定下次拍拖做乜好，拍拖勤力過返工，未必個個男人都撐得住。如果你唔需要私人空間，就要搵個同你一樣唔喜歡獨處嘅男人，否則下年呢個時候你依然會酸溜溜。
最怕女人類型3：港女、公主病
除非你能令男人甘願隨傳隨到、主動幫你孭手袋、自動埋單，但若要你次次出聲，未必係個男人唔夠醒或冇風度，而係佢無興趣獻殷勤，甚至覺得你當他是兵，當你是極級港女，更有意慾分手！
最怕女人類型4：太貪玩，到處flirt 人
男人妒忌心跟女人一樣重！沒有男人能忍受另一半跟異性好close。若然你同好多男士都調情，仲要被你心儀對象見到，他可能會妒忌，或認為你係一匹到處留情嘅野馬，不易馴服，做女朋友？No Way。男人對喪蒲喪劈嘅女人也會敬而遠之，發酒瘟又喊又叫實在不可愛，別妄想酒後失儀的你能引起佢嘅憐愛。
最怕女人類型5：太消極，自覺無人要
「我唔信自己會有人要。我知道自己會孤獨終老。」其實單身不可怕，可以藉著知識及經驗去讓生活精彩起來。可是，若你時刻擺出一副世界末日嘅態度，經常自怨自艾，男朋友面對你時整日要做鼓勵角色，要成日支持你，有朝一日會身心俱疲，將來同你一齊絕對不開心。另一情況係，或許你經歷多次分手、男友偷食，想拍拖但又怕再受傷害，不自覺發出拒絕別人嘅條件反射，男人又點敢埋身？
最怕女人類型6：女追男太主動
對傳統或自信較低的男人而言，太主動有時等同挑釁，尤其女人主動做一般被認為男人應份嘅事，例如搬重物、食飯埋單以至反追求等，會令男人失去征服你嘅好奇心。女追男要有技巧，太急進失去矜持只會失敗！
另外，男人最愛被女人挑逗，但卻怕太tough 的女人作出挑釁。冇乜邊類型嘅男人會喜歡跟針鋒相對、態度強硬嘅人相處。見到你一定退避三舍。
最怕女人類型7：宅女太深閨
怕醜小女孩冇攻擊性，相當討男人喜愛。不過，假若你怕醜到放工放學後即刻回家做宅女，拒絕朋友聚會，不敢對異性微笑或傾談，就算有人主動搭訕，你可能更會驚到九秒九閃人。除非對方面皮厚過字典，否則無人想同你溝通，又遑論談戀愛呢？
最怕女人類型8：太八婆，搬弄是非
10個男人，11個都怕八婆，唔鍾意女人諸多批評，更討厭女人雞啄唔斷講是講非。可能你心諗有啲極級八婆都有人娶，但你又點知人哋係咪被老公食住，喺朋友及老公面前判若兩人？因此，唔想嚇走好男人的話，八卦話題都係留返姊妹淘啦！
原文：Cosmopolitan
#愛情
