✨車仔麵三寶✨ -- 香辣豬皮魷魚陳皮魚蛋
話時話...其實我鍾意😋食車仔麵嘅原因，係因為佢哋嘅秘製醬汁，香辣有勁🌶.....沾乜嘢都會特別惹味，早前知道有隻秘撈魚蛋醬🏺，講到同出面車仔麵嘅魚蛋醬一樣咁好味....心諗🤔....有冇咁勁呀..就即管買返一樽試下喇，尋晚就用佢哋整咗一大鍋車仔麵三寶🍢，一食........嘩😱..........點呀..........點解同車仔麵檔一模一樣味o架.....攪到我食唔停口😋....再加埋支冰凍飲品....真係正到不得了呀👍👍👍.....你哋都快啲試試啦...堅好味呀....😋😋😋
材料
陳皮魚蛋 1磅
發水豬皮 兩塊
發水魷魚 1隻
紅蔥頭 兩個
水份 適量
醬料
大孖秘製魚蛋醬 半樽
柱侯醬 1湯匙
叉燒醬 1湯匙
醬油膏 2湯匙
做法
1. 先將豬皮及魚蛋汆水，整理好。
2. 燒熱油鍋將紅蔥頭爆香，將魚蛋、豬皮及魷魚加入，炒勻。
3. 加入醬料及適量水份炒勻。
4. 煮滾後加蓋，轉中火燜煮15-20分鐘即可。
溫馨提示:
- 傳統咖哩粉可於雜貨店購買。
- 以上為中辣份量，可按個人口味而加減魚蛋醬份量。
- 陳皮魚蛋可於街市凍肉店購買。
- 可按個人口味增減水份，以調節醬汁濃稠度。
#辣得有勁 #食過嘅朋友仔都話正 #估唔到咁巧味 #好味到暈呀
