打橫嚟講：點解會有人咁憎恨「拉布」嘅呢？
香港立法會議員在議事廳打拉布戰，惹得廢柴政府最高層及一眾激進保皇黨暴跳如雷，破口毒罵，斥其乃十惡不赦的禍港罪行。
究竟，議員們的拉布，犯了甚麼彌天大罪呢？據香港廢柴政府最高層的指摘，主要話拉布窒礙公帑撥款進程，政府財務運作不流暢啫！但政府本有後備撥款應急的，偏偏又唔「靈活調用」喎！卻日日只做暗角隱蔽的鍵盤怨婦，囉唆o依哦！
更甚者，見幾個廢柴高層庸官出口術，講偽語，想夾硬唱衰拉布的議員，其實，這小學雞的做法，已違反香港行政、立法和司法三權分立，互相制衡的政治倫理方針啦！干擾立法議程，何等大罪！
粗暴剪布，更是有悖議員論證的基本權力。
今屆香港垃圾政府的劣行，將全寫在歷史記事簿裏。
吖！講番正題，點解啲廢柴庸官及一眾垃圾奴才對「拉布戰」恨得咬牙切齒呢？為了社會福祉「無銀用」？
咪玩啦！長毛的拉布，正正係爭取全民退休保障，班禮義廉的粉皮統統反對啊！有說，他們之不滿，除應阿爺聖旨做好家奴本分外，就係唔抵得被長毛三人攞盡風頭，仲要日日返嚟坐喺度畀人炳。
哈哈！「拉布戰」真係個照妖鏡，因拉布三子所講的論據也好、舊資料也好，句句都係有證有據的事實，全部反照出班禮義廉粉皮的卑劣，令他們的醜態全紀錄在立法會文獻內，供千秋萬代世人鑑賞。你話，佢哋怎會唔想長毛等人收口吖？
講到最難頂的，還是那個「蘇收屎」的錦樑局長，自己一早去shopping買釘鞋，只係派個芝麻二打六出席立法會，就連主席都唔識佢係乜水老鼠，咁又收幾百萬年薪，香港啲公帑就咁畀呢類人揈晒，怎教人不支持拉布呢？
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊（目及）實政府
百萬年薪香港 在 時聞香港- 疫情下百萬年薪竟更多？統計處最新數據月薪呢個數 ... 的推薦與評價
疫情下百萬年薪竟更多？統計處最新數據月薪呢個數好過一半港人日日辛辛勤勤工作，究竟你的人工薪金在香港來說算多還是少呢？根據政府統計處最新《綜合住戶統計調查》 ... ... <看更多>