今日聽咗段標題係《臭寸長氣HR,電話見工似大耳窿追數》嘅錄音,我就唔直接share條link喇,想聽嘅話自己搵到就聽下啦。
首先,唔係約見工嗰個就一定係HR,標題唔該唔好下下標籤HR先。有時約見工會係用家自己約,好視乎公司規模同埋公司policy。
其實呢位約見工嘅呀姐將工作內容一五一十講得好清楚,唔想浪費大家時間呢點又真係無錯嘅。不過語氣同態度就真係幾差,態度差又點請到人呢。如果佢真係做HR嘅,呢點就真係要留意下。
約見工約到咁燥底可能係因為食得太多檸檬所致,或者佢應該放返幾日假抖下,飲返幾杯檸茶走檸放鬆下。
#EQ好緊要
#互相尊重好緊要
#科技先進小心畀人錄音
Search