路漫長，也靜候
因為施政報告提出起人工島，又走返網上面碌Facebook，望望電視新聞難以企及嘅真知灼見。其實一句到尾，就係中共作為宗主國毋須愛惜香港民財，呢個係帝國行政，亦反映階級問題。要spin到普羅大眾明白中國殖民香港從來艱難，加上廢中廢老覺得發展至上，過去所有本土主張嘅推廣，一直都好難落地，因為香港人一路都冇機會切身體會本土利益同政權利益產生衝突。Facebook之上，好多人都睇到清算范冰冰呢種花邊新聞同國際時局嘅關係，亦認知到Trump確實有料到，但回歸現實，好多人都仍然唔信中國已經步向潰而不崩之路，仍然喺道讚深圳好先進，等中共「亮劍」，甚至真心以為中國即將取代美國。
所以人工島呢條數，用歷史去觀照，可以話係大興土木，必招民怨，但其實民怨之生，並非單單在於經濟困苦，更在於失去信仰。秦始皇勞民傷財，個個都知，但更嚴峻嘅係世人見唔到一切有終結嘅一日。反觀古埃及時代，民伕幫法老起陵墓都好難頂，但佢地著眼來生，相信服務太陽神之子有回報，因此甘心受役；中世紀歐洲，農民一概艱苦，但佢地對教會心懷恭敬，亦相信世間秩序理應如此，因此默默忍耐。信仰所指，並唔限於接受一神教定多神教，信唔信世間自有造物主宰，而係在於有冇一道力可以畀自己生存落去。
虛幻嘅民族大義，愛國愛港，係最易斷裂嘅信仰。世人為共同利益而苟合，共同體要關係堅實，無論任何情況，都唔可能同十三億人綑綁。而中國死則香港必死，則隨時而變真，所捲起嘅斷唔係同胞之情，而係做乜拖我落水之恨。我成日喺道諗，香港人嘅信仰到底係乜，點樣至可以破除舊信，我去閱讀開埠初期首批港人嘅生平，二戰打後移民潮浪嘅發展，九七之際官員平民嘅足跡，漸漸又覺得粗略以「難民搵食至上論」去概而言之，有失公允。
記得彭定康喺自己本香港回憶錄講過，佢認為倫敦班所謂中國通成日提住佢唔好「觸怒龍顏」，又執著於東西方嘅文化差異，原因不外乎為求自保，或鑽牛角尖，事關喺佢心目中，人類嘅通性更有參考價值，有啲原則理應超越東西（大約係咁上下，佢嘅表達係委婉好多）。彭定康非外交官系統出身，接任港督之初，時有參考國內中國通之議，但後來佢從實戰中學習，逐漸相信自己堅守原則而善於變通嘅態度，更有利於長於同中共周旋，終於成為最令中共官員頭痕嘅心腹大患。觀察九二至九七年間嘅港中交涉，唔難發現嘅係，以彭定康為首嘅港英政府，極少順應中共玩法，更常做嘅係喺有限嘅空間裡面盡量滋事，例如拒絕去北京「面聖」，例如增加選舉民主成分，例如提出玫瑰園計劃。
講開玫瑰園計劃，彭定康書入面嘅一個笑話令我印象甚深。佢憶述中共官員如同癲狗一樣抨擊佢旨在掏空港府財政儲備，同英國私相授受，但事實上呢啲都係中共以其小人之心度他人君子之腹。彭定康話，假如中共所言屬實，只睇資料，世人一定以為日本係香港嘅殖民主人添喇。當年港英政府挑選承辦商只睇質素同實力，以及價錢係咪合理，就連中國公司都有份參與建設，呢樣正正係彭定康眼中嘅香港特色——白紙黑字，有規有矩，問責亦理直氣壯。相比起中共慣用嘅卡夫卡式含糊空洞，香港從來係有法可依，有理可循，而香港人亦以此為習。假如話香港人係有道力去支撐住，循規蹈矩大概就係難民登岸之後嘅其中一碌浮木。
自從步入安定，經濟起飛，號稱「四小龍」之一嘅香港，成為咗舉世矚目嘅模範經濟體。當時奠定嘅口碑同基礎，以信貸評級機構發出嘅AA+為證，為日後飾演中國白手套一角注入試鏡資本。呢方面嘅成就，完全係源於官僚系統結合精英管治、以英國為首嘅司法機關以及多元開放嘅自由風氣——自七十年代至千禧世代嘅短短三十年，香港自成一格，於內有產業成型，於外有文化輸出，所仰賴嘅並唔係所謂獅子山下胼手胝足拼搏精神，而係自上而下嘅文明開化，結合天時地利人和。香港現代史雖短，但呢一百七十年嘅一磚一瓦，都同香港嘅基石密不可分，而當基石動搖，香港就唔再係香港，而居於其中嘅人，信仰亦難免崩離。
二戰之前，香港有嘅只有一片混亂，以及混亂所附帶嘅有危自有機，因此歐洲人亞洲人都會喺香港謀生，而人數雖少但影響甚鉅嘅歐亞混血後代，則係首批根植香港嘅香港人，何東家族正係例子。其後，血緣已為其次，香港子弟接觸西學，文化上耳濡目染，識見視野雖未至於極為廣闊，亦已非中華民國治下黎民可比。意識到同中原政權保持友好距離，同時又不忘鞏固自身政商力量，正係香港中上階層嘅生存之道。當時嘅香港平民或者尚有朝不保夕嘅時候，但中國亡則香港亡之信念，可以話係從未有過。一九四九年，中國共產黨擊敗中國國民黨，中原板盪，何東之類商人不但未有呼天搶地，反而係周遊歐洲，同各界交流共商，宣揚中共唔會冒然進攻香港之見，為自己同香港商人爭利，顯見何東心繫本土，甚具智慧。
於是香港人嘅信仰，漸見輪廓。自始即游走於東西狹縫取利，其後就喺英國扶持之下建立同熟習制度，最後生出本土意識，以香港為家。撇除以移民為出路嘅少數有能者，呢條就係大多數香港人一路走過嘅路。自主權移交以降，香港信仰隨年而瓦解，冇人可以預知爆發點幾時出現，但我堅信信仰真空，必待填補，而香港獨立演成風潮，勢在必然。
雨革至今，四年已過，呢段時間我成日都同人談及香港獨立，而旁人講黎講去，都係feasible or not嘅問題。起初我會解釋點解壓迫同反抗係相生，帝國主義同分離主義亦然，但後來我發現有個更簡單嘅答法。「港獨係我嘅信仰，係我對未來會更好嘅想像，你可以唔buy，嘲笑呢個係天方夜譚，但我係唔會動搖。」正因為港獨係一種信仰，中共鎮壓，我視之為必經嘅考驗，時不我與，我視之為有靈嘅安排，我唔會同你爭辯佢嘅對錯。我會分享心路歷程，亦可以說明點解我堅信港獨，前提係你有耐性去了解，而非志在打擊或者消費。喺呢個學術同言論自由都已經失落嘅年代，我只能靠信仰去燃燒我意志，而路漫長更當靜候，我信天道自有分曉。
https://gnimmm.com/2018/10/11/awaiting/
秦始皇陵機關 在 [轉錄]Re: [好奇] 有沒有秦始皇陵寢的相關八卦呢? - 看板gallantry 的推薦與評價
※ [本文轉錄自 Gossiping 看板]
作者: moonsunfish (kiskisss) 站內: Gossiping
標題: Re: [好奇] 有沒有秦始皇陵寢的相關八卦呢?
時間: Mon Jun 11 23:05:14 2007
有沒有機關的存在，估計只有打開才清楚。
史記裡是記載以水銀為河，雖然司馬遷也
有些錯誤，但是目前看來，他老人家還是
靠的住的。
臨潼地區的底下水銀含量是嚴重超標的，
臨潼有一個全國都聞名的水果，臨潼石榴，
又大又甜。當地人一是靠兵馬俑旅遊，一
則就是靠石榴園。當年在野外實習的時候，站
在高處，到處是盛開的石榴花，火紅一片，
算是美景。
石榴這東西，大家也知道，最耐水銀，越有
水銀，它越高興。
而且遙感技術也發現了大量水銀的跡象。
至于機關，中國的民間傳說裡也有這樣的說法。
cctv的科學教育頻道播放的文史方面的記錄片裡
第一個下墓地裡探測的考古人員也是選取敏捷
強壯的人，避免蛇蠍以及機關攻擊。不過好象
還沒有中機關而死的八卦。
秦始皇陵墓沒有開發的原因大體有以下:
1.由于現在的文物保護技術還沒有跟的上
在挖掘馬王堆的時候，一大堆文物剛挖出來的
時候光鮮的很，一天下來就不成樣子。
另外挖明十三陵之一的定陵事件，更讓考古學家
不敢再亂來。
2.在大陸，地方政權越來越具有獨立性，秦始皇陵
是個金餑餑，地方和中央尚未對如何瓜分利益達成
一致，這是次要原因
3.其實陝西的乾陵，就是武則天無字碑那個。那才
是大寶庫，估計起價值不比秦始皇差，據說蘭亭集序
的真跡在這裡。郭沫若當年就一直督促挖掘此墓地。
另外補充一個大陸盜墓賊的八卦。大陸很多文物都
被盜墓賊先弄走了。
在歧山，也就是封神演義裡，鳳鳴歧山的那個地方，
是周的發祥地，在這裡挖出了諸侯級別的目的，推斷
是周公的後人。考古價值極其重大，考古人員興高採烈的
下去發掘，可是挖到最後發現有價值的文物幾乎沒有，
被盜墓賊先得手，但是令考古人員痛苦的是，他們在
墓地的盜賊挖的盜洞裡發現了出廠日期是2002年的礦
泉水瓶子，而專家發掘的時間是公元2004年
※ 引述《tobechihiro (飛べ! 私の理想へ!)》之銘言：
: 裡頭真有水銀、機關等東西存在嗎?
: 裡頭所謂的地下宮殿，是前人描述的
: 還是已有科學儀器探測出來的?
: 還有現在有哪些驚人的考古發展呢?
--
※ 發信站: 批踢踢實業坊(ptt.cc)
◆ From: 61.185.219.89
--
※ 發信站: 批踢踢實業坊(ptt.cc)
◆ From: 125.168.198.3
... <看更多>