我呢碟「All day Breakfast 」係咪好吸引呢？哈哈！
最近人心惶惶，最常聽到一句就係：「冇豬又冇牛，仲可以食啲咩啊？」食素囉！哈哈哈！
今次帶雷囡s同我的母親大人去食素！去咗銅鑼灣呢間 《放下素》食自助餐。
唔知大家仲記唔記得，我之前都同大家分享過一間素食餐廳，佢啲素食做到同真肉九成相似，連「魚生」都有，味道同真嘅一樣。
但事後諗返起，食呢啲像真度極高嘅假魚生、假燒肉，食緊嘅係咩？味精同色素？咁食素為咩？唔係為健康咩？！
今晚嚟呢間《放下素》食素食自助餐，佢地賣嘅唔係「假肉」，唔係「味精」，係素。純天然嘅素！雖然食到好飽好飽，但又冇乜壓力，因為呢度嘅素冇味精冇色素。清新天然，冇負擔。而最最最重要嘅一點！佢地啲食物唔會好似平時素菜咁油膩。食完成餐飯隻碟都冇油㗎！真係有 #越食越健康 嘅感覺。
以前食素一般都係為宗教信仰，而家食素已經成為一個潮流，大勢所趨。為健康好多人都多左食素。雖然我都仲未轉行，但都因為今餐而多左領悟。盡量減少對肉食嘅需求。
講返食物啦！呢度食物種類都唔少，除咗一般常見嘅中式齋菜之外，仲有一啲好特別嘅西式素食。
例如 #漢堡扒、#黑松露意粉，最特別嘅連 #愛爾蘭蛋 都有！外皮係紫薯做嘅，炸到脆卜卜，好香口但唔油膩。好味！
小朋友最愛素 #Pizza, 香濃番茄芝士pizza,烤到脆卜卜，細食嘅雷大囡竟然食左三件...好味程度5星！
見隔離枱好多人都鍾意砌一個素漢堡出嚟，材料好豐富好吸引，但嗰刻我已經太飽食唔落啦，下次試吓先！
而中式素菜都好多款，但全部都係自然素，無添加，雖然見唔到平時熟悉嘅「假肉」，但咁樣反而食得健康左。
#炸芋丸、炸腐皮卷、咕嚕麵筋，連 #薑醋蛋 都有。感有盡有。仲有幾款懷舊小食。
最正係 #糯米粉煎甜薄撐 ，我同母親大人加埋雷大囡，加埋差唔多食左人地半碟😅😅 真係煎得好好，外皮香口但中層軟糯，加埋不過甜嘅砂糖同香口嘅芝麻花生。真係令人忍唔到口...
仲有糖水同老火湯。糖水有懷舊 #馬蹄露。#白果薏米馬蹄露，清甜滋潤。十成飽嘅我都忍唔住食晒一碗....減肥？咩嚟㗎？！
呢度主張天然、環保，餐具都係每人一套，食完晒再出去拎。咁樣可以減少洗多餘嘅餐具。仲減少浪費食物，食幾多攞幾多，概念好好，我鐘意。又係時候把握機會身教喇！🤣🤣
順帶一提，今次有幸遇到老闆閒談左幾句。令我有所反思，有所領悟。多謝賜教😊獲益良多。
https://www.facebook.com/Letgoveg/
放下素 (銅鑼灣)
銅鑼灣登龍街28號永光中心3樓
Tel：28322032
#放下素
#放下
#素食自助餐
#台灣 #台灣素食
糯米粉煎甜薄撐 在 甜薄撑(煎薄撑)，经典传统点心，糯米煎饼，家常做法，香脆软糯 的推薦與評價
今天咱们来做“甜薄撑”，形制上都与煎饼很相像，但是味道却跟煎饼相去甚远。这个“煎薄撑”，在广东的历史很悠久，是广东一带的经典点心。“撑”就是摊开的意思，在浅锅上摊 ... ... <看更多>