關於 純陽無極功 ，我們在網路上蒐集到這些相關的討論、資訊與評價

史前文話：張無忌當下只是LV.5戰士，所以只好開始進行勇者轉職之旅，不過不太順利，這時候聽說有臭脾氣賢者，老戰士就放小戰士自己去拜訪賢者。誰知陰錯陽差，小戰士獲得了「真﹒勇者之書」順利轉職，才練個十幾級就打贏魔王了，真是可喜可賀可喜可賀。

【突然回憶錄】《我第一份工就係打「金庸群俠傳online」》

有人問我第一份工係咩。
我多數會講《金庸群俠傳online》。

並唔係指我收錢幫人打機，而係我真係打到返工咁。
中二嘅暑假（十幾年前……）
日日較鬧鐘7點去打點，直接零晨兩點先肯收手。

由馬洞打到血洞，馬賊王同恨天都畀我哋打到「絕種」咁濟。

當時學識一個字－「秒」。
「一招基劍都秒佢啦」呢句真係言猶在耳。
而消點亦例牌消到「氣血失調」，繼而啪藥啪到「昏迷」。

唯一保命嘅就係「ALT+F4」。

記得嗰時恆山派出咗個「惡尼姑」，一手「萬花劍法」底下屍體何止萬人，長期紅名，輕功高深莫測。
有次我行走江湖，走到馬洞門外，音樂突變「躂打悟嗯悟嗯悟嗯悟嗯悟嗯伍悟悟嗯嗚」，進入戰鬥畫面！惡尼姑就在眼前。

「哇屌你呀」我首次明白無拿拿畀人打劫嘅感覺！
明知唔夠打，走佬是常識吧？
立刻出絕招「ALT+F4」！
ALT+F4可以用最短時間幫你彈出Game外，係走佬嘅最高心法。

但再次入Game你就好驚驚，因為ALT+F4雖快，但始終有一秒左右delay。究竟係佢把劍快，定我條腿長？

一入Game，冇穿冇爛！Yeah。我振臂高呼！但估唔到一振臂，雙手離開Keyboard！音樂突變「躂打悟嗯悟嗯悟…」又進入戰鬥畫面，惡尼姑竟然係原地埋伏。

佢身法如游龍，一下跳到我面前，眼前避無可避，我拔出龍泉劍，大嗌「繞！指！」未嗌完，對面嘅「萬花劍法」光影特效已經浸沒咗螢幕，我招未出，劍未起，已成一堆白骨！

我的媽呀！幸好我身在武當派，都算人多勢眾，師弟出事，師兄們就出馬，武當七子(7位師兄)話要用「真武七截陣」幫我報仇（要7個人先出到，真係小題大做）。

夕陽西下，馬洞之外，惡尼姑尚在，武當七子策馬趕到，唔使多講，音樂響起「躂打悟嗯悟嗯悟…」

關鍵時刻！！「六師兄下線了」
「WHAT？」
「真武七截陣」得6條友係出唔到的，而「萬花劍法」卻已經手起劍落。
大師兄同四師兄進入「流血」狀態。
二師兄同三師兄見勢色唔對早就ALT+F4。
喺後面食花生嘅我都被殃及，再死一次。

武當七子（加埋我）出事，「門派頻道」立即起哄。
呢個時候大大大師兄「獨孤求敗」(唔好問我點解佢改呢個名但唔入華山派...)決定出手。

一句「人在西夏，而家嚟馬洞。」
未睇完句嘢，獨孤求敗已經現身馬洞。

我嚇一嚇：「咁快嘅你。」
佢答：「用咗神行太保呀嘛。」
「咩輕功嚟㗎？」我問。
「軟件嚟嘅。」佢答。

多言無益，求敗單手挺劍指向惡尼姑！
萬花劍法主攻，變化多端；太極劍偏柔，守中求勝。

我汲取之前教訓，不參戰只觀戰。只見兩人招來招往。求敗兄以一身正宗純陽無極功稍勝一籌，取下惡尼姑嘅項上人頭！！

誰知尼姑身上有「替身娃娃」，未至「光脫脫」復活。求敗大喊一聲「那裡逃」，就用神行太保飛去追殺尼姑。

我凝望大大大大師兄話消失就消失嘅身影，都不禁嘆一句：「神行太保真係一個好軟件呀。」

好。故事講完！
十幾個春夏秋冬之後，我已經做緊嘢，有正職有壓力有計劃但冇咁咗啲人生。
生活之中已冇結交武當七子、Wtsapp Group都唔會有「門派頻道」、唔會遇上萬花劍法，亦都再冇神行太保。

總括嚟講：非常平淡。

有時朋友話不如玩返回憶下，我話「玩下可以」，但我知道點都唔會有當年嘅感覺。
因為只有細細個無牽無掛，先有嗰種投入感。
遊戲冇跟住你長大，而你亦拋棄咗嗰份純真。

而家多咗個戶口、多咗份工作，
好多嘢都注定只能停留，
停留喺永遠回不去嘅過去入面。

Ig:cheungson88
*會慢慢Up嘢上去

雲泉仙館源於南海西樵山雲泉仙館，為一間註冊廟宇及有限公司。一九四零年，內地淪陷，道侶因此紛紛來港，組織臨時賀誕會。一九四四年，吳禮和、陳鑑坡、高廉、陸本良等道長以遵奉呂祖仙師訓示，以尊師重道，積德行仁為宗旨，於香港德輔道西創立雲泉仙館。自創立以來，雲泉仙館曾經兩度搬遷，至一九八三年，始遷入大道西現址。又於一九七五年，購得新界坪輋園林勝地，作為發展宗教活動、及旅遊渡假之用。至一九八六年已建成呂祖殿舉行開光陞座典禮，同時舉辦第一屆菊展會開幕。從此正式開放給旅遊人士，各界善信進香參觀，不收門票，進場人數，每年遞增。雲泉仙館屬於純陽道派，有弟子約二百六十人。正殿為「純陽殿」，另有荷花池、圖書館、湖心亭、孔子聖像、呂祖字碑及道德經臺等。雲泉仙館以仿古中式宮殿建築群為主體，門樓橫額「雲泉僊館」四字，佔地甚廣，大部分是園林區，有荷塘曲橋、盆景園、碑刻雕塑，佈局巧妙。荷塘大小各一，大塘中央建有觀魚亭，以曲橋與兩岸相接。兩塘間立有孔子像一尊。盆景園外的頤真園，園內的碑刻與陶塑令人歎為觀止：多塊巨大雲石拼成的道德經碑亭，刻有老子道德全文的「道德經碑」，氣魄雄偉。矗立在假石山上的呂祖百字碑，上有書法家以隸書寫就的百字圖，還有八仙圖壁，陶塑手工精細，八仙造型栩栩如生。雲泉仙館供奉呂祖仙師為主神，館內之主要誕期包括上元誕、呂祖誕、玉皇誕、道祖誕、中元誕等，主要慶典則有周年紀念、歲晚酬神及菊展會等。雲泉仙館不定期舉行扶乩活動，誠求祖師指示，解決疑難；館內並設有靈牌位，方便大眾奉祀先祖親朋。遇有需要時，仙館亦會為弟子舉行功德法事，超幽度冥。此外，仙館又於每月朔望及神誕開壇禮懺誦經，每年中元節舉辦超薦法會，利幽薦祖。雲泉仙館曾經捐資國內三元宮、畄虛觀、洞真古觀、惠州元妙觀及西樵雲泉仙館等，協助各道觀重修興建。雲泉仙館除捐資重修國內道觀，又與各道觀時有聯繫，交流互訪。雲泉仙館曾重印贈閱《善與人同錄》、《醫道還元》、《三教幽科》、《西樵白雲洞志》、《呂祖無極寶懺》、《正陽仁風寶懺》、《東嶽寶懺》、《三清寶懺》、《玉皇寶懺》、《三元寶懺》、《三元水懺》、《慈航法懺》、《北帝寶懺》、《太乙寶懺》、《土皇寶懺》、《文帝寶懺》、《武帝寶懺》、《道德經》、《清靜經》、《靈官經》、《呂祖覺世經》、《呂祖全書》、《七真傳》等數十種道書，致力宣揚道教的文化。