【産後五個月修身報告】
作為藝人或者Blogger都好，總係想帶啲信息俾自己嘅知音人，而我今日想講嘅係，我唔鼓勵大家産後太急於修身。孕期增加左嘅脂肪如果喺健康範圍內，其實真係留俾BB嘅一啲儲備，孕後期胃口欠佳呀、用嚟做母乳呀都用得著，身體唔係機器， BB出咗嚟之後唔係撳個掣可以去返未生之前。
我本身都係中等身形唔係非常瘦，甚至去到懷孕前幾個月因為調理得好好所以肥肥地添，我覺得用咗幾耐肥，用返幾耐瘦其實係相當合理，俾啲時間媽媽緩衝吓啦！我自己就覺得媽媽天性一定會想照顧好BB先，如果唔係因為呢個世界有好多批判嘅目光，我夠膽講應該唔多人一生完會覺得減肥先！減肥先！減肥先！😂
但係肚係要紥嘅！開刀生加上自己湊BB，第三個月我先可以去到紥肚，嗰時已經五勞七傷，成個骨架歪晒，@Maygibeauty 教左我好多正確嘅觀念，幫我做機醫好左我好多痛症，當然紥肚始祖亦都並非浪得虛明，每日都為我針對唔同嘅部位改變紥法，同埋十個月相信大家都唔敢用腰力、腹肌，紥得好係應該感受到而家用番邊啲肌肉。四個月過去，隨着荷爾蒙慢慢回復正常，再加上湊BB嘅勞碌，脂肪亦都漸漸退去，至少我係抱住靜待嘅方法照常生活，身形都係會慢慢回復。
體質嘅嘢人人都唔同，好多人生完好似無事發生過咁，如果你唔係，唔使驚，專心盡咗媽媽嘅責任先，搵一間真係有經驗有知識嘅産後紥肚\養生\修身公司，保持聯絡等佢幫你計劃，到自己時間同埋身體負擔到先做吓運動同埋改變飲食習慣(我仲未)，呢個係我覺得對我來講最舒服嘅方案。
#maygibeauty #星級紮身始祖#紮身#紮肚 #產後修身
https://www.facebook.com/maygibeauty
