我好少會挖自己家事出來講，但每個人都有歷史。我希望我的故事可以俾到少少inspiration俾我d學生，唔好成日咁灰鳩。
我在2007年hku 畢業後，做了一個幾大膽嘅決定，就係唔理social norm同埋身邊人嘅反對，走去創業。又或者咁講，「創業」呢個term太heavy，我其實都只係選擇「唔打工」或者「做自己野」咁姐。我係商學院畢業，個個friend未畢業已經搵工，而我，仍在當年的莊月明canteen，city canteen幫中學生補習，自力更生，帶著一大袋筆記四圍「開壇作法」，presentation skill和教學技巧，也是這樣磨出來的。
好多人笑我on9，因為我GPA其實唔係廢到冇offer，我interview更加冇問題。假假地Kong U仔，點解唔正正常常搵工，咁樣糟蹋自己前途？
講個秘密你聽，其實我係北角春秧街街市劏房長大的窮L，童年時期成日搬屋，冇殼蝸牛，一家三口，成日好似人球咁俾班業主踢來踢去。到小學，先好彩上到公屋，屋企人工作唔穩定，長期從事底下階層工作。我深深體會打工仔的悲哀，因為上一代冇能力創業，所以只能打工。打工仔，用有限時間（即生命）換卑微的月薪，仲要俾老細日小夜小，出黎社會搵啖飯食，其實可以好冇樽鹽。
我出黎自己做，primary objective只係為左脫貧，好貼地的，對於窮L來講，改變世界的vision係唔存在的。窮L只是想像螞蟻般生存，在香港，有飯食唔死已經萬幸。
考A level我同自己講，冇大學offer，我和父母的努力會歸零。我地屋企冇機會脫貧，我的下一代都冇機會脫貧，全家人繼續為錢銀問題煩惱。我地屋企祖宗十八代，冇人識做生意，冇發達的DNA，冇生意頭腦，只係好似牛咁日日做，冇aim high過。
大學畢業後，我只是想在突破自己收入的障礙。我計過條數，如果我每個月補習收30個學生，每個學生收$500，我就有$15000。big4做audit，當年都只有$13500，我贏了會計佬。我覺得我用自己的智慧和一雙手，贏返一個做人嘅尊嚴。當然，補習事業並非一帆風順，呢part嘅story，你之前都聽過。
Any肥，我要把自己的命運控制在我自己手，不論富貴貧賤，都是我一人的選擇承擔。條路自己揀，我不想把命運交托給可以隨時炒我老細。我需要靠自己磨練出係資本主義生存的能力。
好啦，講左咁耐，我想指出嘅係：
如果你今年考dse，我希望你搵到屬於自己的一團火，每個人的奮鬥理由都不一樣，你都有的，唔好經常話想不到，你只是暫時未想到。
如果你已經係大學生，請唔好咁快認命，你嘅人生仲未開始，仲有好多可能性。但如果你成日灰鳩，你只會趕走所有機會。
如果你有一刻想追夢，大膽地狠狠地追，風險一定有，但不追夢的風險，可能仲大。今時今日，齋打工已經冇咩可能買到樓。
其實，我們都是自己生命的CEO。
我們的生命，只有一次。
#henrysir
#skx技巧速遞創辦人
#網上教學改變我的命運
#同埋借呢個機會多謝所以支持我嘅朋友
#下次講網上教學創業故事
（圖：你們的教學頻道）
網上教學改變我的命運 在 莒光讀書會：我只是試了一次而已，改變命運「試一次」的力量 的推薦與評價
112年2月第4週-03-保防教育單元劇-鐵翼蔽空(下)｜莒光園地2023.02.23 · 國防線上 · 多年未見的奶奶，無事不登三寶殿#情感故事#聊天記錄#語音情感聊天記錄. ... <看更多>