嘩，唔記得有幾耐未食過啫哩喇！
今晚同舊同學食飯，到了甜品時間我一眼就見到啫喱，即刻諗都唔諗，就算跟住再見有雪糕紅豆冰，我都揀咗啫哩，因為實在太耐冇食。
整啫喱喺細個嘅時候係一回事，要乖，咁到咗星期六媽媽先至會整啫喱。
媽媽整嘅啫哩中間都有雜果，但係佢唔鍾意啲雜果沈哂喺杯底，於是佢會先凝固咗一層，然後擺雜果喺面，再倒另外一層唔同色嘅果汁等佢凝固，好靚！所以真係搞成日，但係好開心同埋好渴望屋企會整啫喱。
媽媽嘅啫哩係整得特別軟同埋可以落好多好多花奶，軟滑香甜就係我對啫哩嘅回憶。
可惜今晚嗰個啫喱，一來太多雜果，二來做得略硬，破壞咗少少氣氛，但係喺等果杯啫哩到嘅時候，都幾開心嘅！
算啦，唔好要求咁高啦，反正而家媽媽唔會點整啫喱，因為一整要整一盒，一盒有六杯咪有排食！
#何嘉麗CallMeGaGa #何嘉麗 #為食路上 #啫哩 #整啫喱梗係用羅拔臣啫喱粉 #啫哩Q彈又點及軟滑咁好味 #食啫喱一定要落大量花奶
